Réveillez-vous ! kɛrɛnkɛrɛnnen min ka kan ka jira Sɛtanburukalo la
1 A ka di mɔgɔ caman ye ka kɔnɔnin kasikan duman lamɛn ani ka tile bintɔla filɛ. Nka, mɔgɔ caman ma se ka sɔn a ma ko an sankolola Fa ɲuman de ye o fɛn bɛɛ da. An bɛna cogo kɛrɛnkɛrɛnnen sɔrɔ ka seereya kɛ ko Jehowa de ye dabaga ye, an kɛtɔ ka Réveillez-vous ! kɛrɛnkɛrɛnnen jɛnsɛn. (Esa. 40:28; 43:10) Sɛtanburukalo Réveillez-vous ! kuuru bɛɛ bɛ kuma fɛn kelen dɔrɔn de kan. O ye ko: “Y a-t-il un Créateur ?” (Yala Dabaga bɛ yen wa?).
2 Waajulikɛyɔrɔ la: Ni a bɛ se ka kɛ, i ka kow labɛn walisa ka waajuli kɛ du-ni-du ni jɛkulu ye dɔgɔkun o dɔgɔkun. A jɛlen don, ko i bɛ se ka Réveillez-vous ! kɛrɛnkɛrɛnnen in jira waati wɛrɛw la dɔgɔkun kɔnɔ. A ka c’a la nin gafenin bɛna diya kɛrɛnkɛrɛnnenya la lakɔlikaramɔgɔw ye ani mɔgɔ wɛrɛ minnu ka baara ɲɛsinnen bɛ kalanko ma. O la sa, fɛɛrɛ kɛrɛnkɛrɛnnenw bɛ se ka tigɛ walisa ka taa bɔ o mɔgɔ suguw ye minnu bɛ aw ka waajulikɛyɔrɔ la.
3 Ni mɔgɔ dɔ y’a jira ko Kibaru duman ka di a ye, sanni i ka taa, i ka ɲininkali dɔ lawuli i bɛna min jaabi di n’i seginna ka na bɔ a ye. Misali la, i bɛ se ka nin ɲininkali lawuli: Mun na an Dabaga ɲuman y’a to tɔɔrɔ ka caya nin cogo la? O la sa, n’i seginna ka na bɔ a ye, i bɛ se ka Qu’enseigne la Bible ? gafe kalansen fɔlɔ walima a kalansen 11nan jira a la. Walima i bɛ se ka ɲininkali dɔ lawuli Dabaga sagonata kan ka ɲɛsin dugukolo ma, ka tila ka kalansen 3nan lajɛ, n’i seginna ka na bɔ a ye tuma min na.
4 Lakɔliso la: N’i bɛ lakɔli la, mun na i tɛna Réveillez-vous ! kɛrɛnkɛrɛnnen ni i ka karamɔgɔw ani i kalandenɲɔgɔnw na? N’i ye Réveillez-vous ! dɔ bila i ka tabali kan kalasi kɔnɔ, o dɔrɔn bɛ se ka mɔgɔw bila ka ɲininkaliw kɛ i ka dannakow kan. A ka ca a la, i bɛna cogo caman sɔrɔ ka baara kɛ ni kunnafoniw ye minnu bɛ a kɔnɔ walisa k’i ka dannaya lafasa, ni aw bɛ baro bolodalenw kɛ kalasi kɔnɔ, ani n’i bɛ ka barokunw labɛn minnu dira i ma ka kɛ lakɔli karamɔgɔw fɛ. Walisa k’i dɛmɛ, “Les jeunes s’interrogent...” barokun labɛnna nin Réveillez-vous ! kɛrɛnkɛrɛnnen kɔnɔ, a barokun tɔgɔ ye ko: “Comment défendre ma croyance en la création ?” (O kɔrɔ ye: Ne dalen b’a la ko fɛn bɛɛ dara, ne bɛ se k’o lafasa cogo di?)
5 Jehowa ka kan ni bonya ni nɔɔrɔ ye bawo ale de ye fɛnw bɛɛ da. (Jir. 4:11) An bɛ se ka an Dabaga bonya, ka mɔgɔw wɛrɛw fana dɛmɛ u ka o ɲɔgɔn kɛ, an kɛtɔ ka Sɛtanburukalo Réveillez-vous ! kɛrɛnkɛrɛnnen jira mɔgɔw la ni timinandiyaba ye.