Masaya weleweledala kanulenw
An nisɔndiyalen don k’a ye ko baaraba kɛra foro la jamanaw kɔnɔ minnu bɛ Senegali Tɔn bolofara ka bolo kan. Marisikalo ni Awirilikalo la, sira caman fɛ hakɛ caman sɔrɔla minnu tun ma sɔrɔ fɔlɔ, walima minnu surunyara o la. Marisikalo la, tutigɛbaga basigilen kɛra 83 ye Senegali, wa, u kɛra 20 ye Gine Bisawo. N’i ye lɛrɛ bɛɛ ta weleweledala ye min kɛ Mali la Marisikalo la, a bɛ i ko u kelen-kelen bɛɛ ye lɛrɛ 17,8 de kɛ. U ye Bibulukalan 671 fana ɲɛminɛ Marisikalo la. O hakɛ ɲɔgɔn tun ma deli ka sɔrɔ kabini Utikalo san 2004. Ganbi, tutigɛbaga farankan hakɛ kɛra 31 ye Awirilikalo la. O hakɛ ɲɔgɔn tun ma deli ka sɔrɔ fɔlɔ.
Mɔgɔ minnu nana Hakilijigin na jamanaw kɔnɔ minnu bɛ Senegali Tɔn bolofara ka bolo kan, olu bɛɛ lajɛlen kɛra 4.875 ye. Sɛtanburukalo san 2006 ni Utikalo san 2007 ni ɲɔgɔn cɛ, baara kɛrɛnkɛrɛnnen kɛra walisa ka mɔgɔw ladɔnniya Kafoba ka Jamalajɛ la ani Hakilijigin ko la. Baara kɛrɛnkɛrɛnnen kɛra fana walisa ka Nouvelles du Royaume no 37 sɛbɛnfura jɛnsɛn, n’o tɔgɔ tun ye ko: “ La fin de la fausse religion est proche ” (o kɔrɔ ye ko diinɛ nkalonma laban sera!), siga t’a la k’olu diyara an ye. Nouvelles du Royaume no 37 den 101.000 de jɛnsɛnna an ka waajulikɛyɔrɔ la.
An b’a fɛ ka mɔgɔ kɔnɔnajɛlenw dɛmɛ u k’a dɔn Bibulu bɛ mɔgɔw kalan min na tigitigi. (Mat. 28:19, 20) N’an bɛ ka waajuli kɛ, mɔgɔ o mɔgɔ y’a jira ko kibaru duman ka di u ye, an k’an hakili to a la k’olu tɔgɔw ta, ka segin ka na bɔ u ye, k’an kuntilenna kɛ Bibulukalan daminɛni ye. An nisɔndiyalen don anw ni aw ka baara kɛ ɲɔgɔn fɛ ni dusu kelen ye nin baara nafama la. An b’an ka Kretiɛn kanu lase aw ma.
Aw balimakɛw.
Senegali Tɔn bolofara baarakɛda