Branch Letter

Masaya weleweledala kanulenw:

Jehowa ka jamakulu bɛɛ ye a cɛsiri baaraba la, kɛrɛnkɛrɛnnenya la nin kalo tɛmɛnenw na. An balimaw ye baara sɛbɛkɔrɔ kɛ, ka u cɛsiri kosɛbɛ Brooklyn baaradaw la, tɔn bolofaraw bɛɛ la ani waajuli kɛyɔrɔ bɛɛ la diɲɛ kɔnɔ. (1 Tim. 4:​10) An bɛɛ jɛra ka cɛsiri minnu kɛ, Jehowa dubara olu ye minkɛ, o de y’a to kosɛbɛ fɛn caman sera ka kɛ. A jɛlen don ko Jehowa tun bɛ ka fɛnw labonya.​​—⁠1 Kɔr. 3:​6, 7.

An bɛɛ lajɛlen nisɔn ka di bawo Feburuyekalo ni Marisikalo ni Awirilikalo la, an ye hakɛw sɔrɔ minnu tun ma deli ka sɔrɔ fɔlɔ cidenyabaara ɲɛ caman na, ani weleweledalaw hakɛ la. Misali la, Ganbi jamana na, a yera ko hakilijigin waati la, dɔ farala baara kɛlen kan, iko weleweledala kelen-kelen bɛɛ ka lɛrɛ hakɛ b’a jira cogo min na: Feburuyekalo la, lɛrɛ 13,4; Marisikalo la, lɛrɛ 13,6. O kelen de fana bɛ se k’a fɔ Senegali kan: Feburuyekalo la, lɛrɛ 13,5; Marisikalo la, lɛrɛ 13,6; Awirilikalo la, lɛrɛ 13,7. Gine-Bisawo, weleweledalaw hakɛ yɛlɛnna siɲɛ naani, ka se 114 na Awirilikalo la. N’i ye o hakɛ suma ni salon weleweledala 94 ye, 21 de farala weleweledala hakɛ kan, kɛmɛ sarada la. Weleweledala minnu ye tutigɛbagaya baara suguya dɔ kɛ, dɔ fana farala olu hakɛ kan, bawo u cayara ko kura ka kɛ mɔgɔ 52 ye, Marisikalo la. O b’a jira ko o cayara ni jamana weleweledala bɛɛ hakɛ ye ni 46 ye kɛmɛ sarada la. Mɔgɔ minnu nana Hakilijigin na, a nafa ka bon kosɛbɛ ka jateminɛ kɛ olu hakɛ kan. U tun ye 906 ye. O hakɛ cayara siɲɛ 8 ni weleweledalaw bɛɛ lajɛlen hakɛ ye Marisikalo la.

Salon Marisikalo la, Tɔn bolofara-kulu lakɔlɔsibaga nali la, Almadi Jamalajɛ So dayɛlɛla ka o di Jehowa ma, Dakar dugu kɔnɔ. Mɔgɔ minnu tun nana o so dili jɛmukan lamɛn, u tun ka ca ni 1100 ye. O jɛmukan y’a jira ko a nafa ka bon kosɛbɛ an ka ko ‘bɛɛ kɛ Ala bonya kosɔn.’ (1 Kɔr. 10​:31) San 13 ɲɔgɔnna kɔ fɛ, a siɲɛ fɔlɔ de tun ye nin ye fana ko Ganbi, Gine Bisawo, Mali ni Senegali Misiɔnɛriw bɛɛ tun ka ɲɔgɔn sɔrɔ lajɛ kɛrɛnkɛrɛnnen dɔ la, min ye dusu don u kɔnɔ, ka kɛnyɛ ni u magow ye.

Kuma laban na, a bɛna diya aw ye k’a dɔn ko san 2005 Ɔkutɔburukalo la, waajulikɛyɔrɔ minnu bɛ an ka tɔn bolofara ka mara kɔnɔ, o yɔrɔw tutigɛbagaw ka lakɔli kalan kura bɛɛ lajɛlen bɛna kɛ ka ban pewu. O bɛna kɛ a danma nisɔndiyako ye mɔgɔw bolo minnu mɛnna tutigɛbagaya baara la, olu minnu welelen bɛ ka o kalan kɛ siɲɛ filanan na. Mɔgɔ min ye Tutigɛbagaya baara lakɔli kɛ, ni o dɔ bɛ aw ka jɛkulu kɔnɔ, an b’a dɔn ko aw bɛ a kala ma kaban o lakɔli kɛra dugawuba minnu ye an ka tutigɛbagaw bolo.

Nin timinandiya baara min bɛɛ kɛra walisa Masaya kunkankow ka taa ɲɛ, o ni foli ka kan! Aw ye nafolo caman minnu di ka a baara kɔkɔrɔdon, o fana nafa ka bon kosɛbɛ. (Nt. 3:​9, 10) An bɛ jɛ ka cɛsiri minnu kɛ, Jehowa ka duba o cɛsiriw ye ka t’a fɛ walisa o ka ‘kɛ a nɔɔrɔ tanuli sababu ye.’​—Efɛ. 1:​12.

Aw balimaw,

Senegali Tɔn Bolofara