Sɔn-ni-sɔn gafeninw jiracogo

The Watchtower 15 août

“Ne b’a fɛ k’i hakilinata dɔn nin kuma kan. [Heburu 3:4 kalan.] I sɔnna a ma ko Dabaga hakilima dɔ de ye dunuya da wa? [Jaabi makɔnɔ.] Nin gafenin b’a jira ni nin fɛn fila bɛ ɲɔgɔn minɛ: ka da dabaga la, wa, o waati kelen fana na, ka da dɔnniya lakika la, n’o bɛ wele tubabukan na ko science .”

Awake! Août

Ni e ni denmisɛn dɔ de bɛnna, i bɛ se k’a fɔ ko: “I filan caman dusu kasira bawo mɔgɔw ye u kɔrɔfɔ u kɔ, fo ka juguya. Yala o ɲɔgɔn delila k’i sɔrɔ wa? [Jaabi makɔnɔ.] Bibulu bɛ laadilikan ɲuman di min bɛ se k’an dɛmɛ ni mɔgɔw y’an kɔrɔfɔ an kɔ. A b’a jira fana an bɛ se ka an yɛrɛ tanga cogo min na mɔgɔw kɔrɔfɔli ma.” Barokun min bɛ ɲɛ 12nan daminɛ na, o jira, ka tila ka Bibulu tɛmɛsira dɔ la kelen kalan min bɛ o barokun kɔnɔ.

The Watchtower 1er sept.

“Mɔgɔ caman bolo ‘Layidu Kɔrɔ’ bɛ kunnafoni nafamaw di tariku kan. Nka, u b’u yɛrɛ ɲininka n’a y’a sɔrɔ sariyakolo minnu b’a kɔnɔ, ni nafa bɛ olu la halibi. E hakilinata ye mun ye o ko la? [Jaabi makɔnɔ. O kɔfɛ Romɛkaw15:4 kalan.] Nin gafenin b’a jira an na cogo min na ‘Layidu kɔrɔ’ bɛ laadilikan nafamaw di an ma an ka don o don ɲɛnamaya kɛcogo kan, ani ka jigiya jɔnjɔn di an ma fana siniko ta fan fɛ.”

Awake! Sept.

“E fɛ, yala kasaara minnu bɛ tiɲɛnibaw kɛ dugukolo kan, olu ye Ala ka baara ye wa? [Jaabi makɔnɔ. O kɔfɛ Dutɛrɔnɔmɛ 32:4 kalan] Nin gafenin b’a jira an na kun min na Ala y’a to o kasaara suguw ka kɛ. A b’a jira fana an bɛ se cogo min na k’an ka denbaya lakana .”