Sɔn-ni-sɔn gafeninw jiracogo

The Watchtower July 15

“An diyanyemɔgɔw ka saya bɛ se ka dusukasiba lase an ma. E fɛ, yala o mɔgɔ salenw yɔrɔ dɔ bɛ taa a fɛ ɲɛnamaya la wa? [Jaabi makɔnɔ.] Yesu ye nin layidu ta, min bɛ dusu don an kɔnɔ kosɛbɛ. [Yuhana 5:28, 29 kalan.] Ikomi Yesu y’a fɔ ko lakununni “bɛ na,” nin gafenin b’i sinsin Ala ka Kuma kan k’a ɲɛfɔ an ye suw bɛ yɔrɔ min na sisan.”

Awake! Juillet

“Mɔgɔ caman bɛ u ka ɲɛnamaya kɛ cogo la min ye a bɛɛ la fisama ye olu bolo, wa olu fɛ, a nafa ka bon ka kɛ mɔgɔ ɲuman ye. Yala e bɛ o de miiri ɲɛnamaya ko la wa? [Jaabi makɔnɔ.] Fɛn min ka ɲi e bolo, ni o ni Ala ta tɛ kelen ye, farati min bɛ o la, e ka o filɛ yan. [Ntalenw 14:12 kalan.] Nin barokun b’a ɲɛfɔ a kɔrɔ ye min ye ka kɛ mɔgɔ ɲuman ye Ala ɲɛkɔrɔ.” Barokun jira min bɛ ɲɛ 20nan daminɛ na.

The Watchtower 1er août

“Mɔgɔ caman bɛ u yɛrɛ di fɛnw ma minnu b’a to u bɛ fɛn ɲuman minnu bɛɛ fɛ, u ka se ka olu bɛɛ sɔrɔ. E fɛ, ni mɔgɔ ye bolofɛn caman sɔrɔ, yala o b’a to kɔrɔ bɛ kɛ o tigi ka ɲɛnamaya la kosɛbɛ wa? [Jaabi makɔnɔ.] A lajɛ Yesu ye laadilikan min di, bolofɛnw ɲinini ko la. [Luka 12:15 kalan.] Kun min na ɲɛnamaya tɛ bɔ nafolo la, ani kun min bɛ se ka to ɲɛnamaya bɛ kɛ fɛn ye min nafa ka bon tiɲɛ na, nin barokun b’a ɲɛfɔ.” Barokun jira min bɛ ɲɛ 21nan daminɛ na.

Awake! Août

“E fɛ, bangebagaw bɛ se ka laadilikan sɔrɔ min, n’o bɛna u dɛmɛ tiɲɛ na? [Jaabi makɔnɔ.] Nin laadilikan lajɛ min bɔra Ala yɔrɔ, ni o bɛ Sɛbɛnni Senumaw kɔnɔ. [Zaburu 32:8 kalan.] Nin gafenin b’a jira tigitigi, ko Ala ka Kuma nafa ka bon kosɛbɛ walisa ka bangebagaw dɛmɛ u ka se ka u denw lamɔ koɲuman, ani ka hɛrɛ lase u denw ma.”