Sɔn-ni-sɔn gafeninw jiracogo
The Watchtower 1er juillet
“Ni mɔgɔ bɛ hami dahirimɛ ko la, e fɛ, yala o bɛ se ka a bila a ka kow latigɛ minnu ni Ala sago tɛ bɛn wa? [Jaabi makɔnɔ. O kɔfɛ Matiyu 24:37-39 kalan.] N’an bɛ an ka kow latigɛ, kun min na hakilitigiyako don k’a lajɛ Ala b’a fɛ an ka min kɛ, nin barokun b’o ɲɛfɔ.” Barokun jira min bɛ ɲɛ 11 nan daminɛ na.
Awake! Juillet
“Mɔgɔ caman bɛ don furu la bi k’u hami to u yɛrɛ ka nafa lakanani ni a lafasali de la. E fɛ, yala o hakilina suguw bɛ se ka to furu ka ɲɛ wa? [Jaabi makɔnɔ. O kɔfɛ Filipekaw 2: 4 kalan.] Sɛbɛnniw b’a jira kow ka kan ka kɛ cogo min na, n’o b’a to furu bɛ ɲɛ k’a basigi. Nin gafenin b’o ɲɛfɔ.”
The Watchtower 1er août
“Kunkoba minnu bɛ yen dugukolo ani kɔgɔji ani fɛnw ko la minnu b’an lamini na, o kow ye mɔgɔ caman bila ka miiri ko o ye bɔnɛ de ye dugukolo ma don nata la. E hakilinata ye mun ye o ko la? [Jaabi makɔnɔ. O kɔfɛ Zaburu 37:11 kalan.] Nin gafenin bɛ kun dɔw di an ma minnu bɛ bɔ Sɛbɛnniw kɔnɔ, n’u b’a to an bɛ se ka sigi n’a ye ko bɔnɛ tɛna dugukolo sɔrɔ don nata la.”
Awake! Août
“Mɔgɔ caman dalen b’a la ko funteni barika bonyana dugukolo yɔrɔ bɛɛ la minkɛ, o bɛ ɲɛnamaya bila farati la dugukolo kan. E yɛrɛ fɛ, o ko bɛna se ka ɲɛnabɔ cogo jumɛn na? [Jaabi makɔnɔ. O kɔfɛ Esayi 11:9 kalan.] Dalilu jɔnjɔn minnu b’an bolo ko dugukolo bɛna to hadamadenw sigiyɔrɔ ye, nin gafenin b’o ɲɛfɔ.”