Sɔn-ni-sɔn gafeninw jiracogo
La Tour de Garde 15 août
“A bɛna diya an ye ka i hakilila dɔn Yesu ka fɛn fɔlen dɔ kan. [Matiyu 5:5 kalan.] E fɛ, ni nin layidu tiimɛna, yala diɲɛ bɛna to nin cogo kelen na wa? [Jaabi makɔnɔ.] N’a fɔra ko Ala ye layidu ta k’ale bɛna dugawuw lase dugukolo ma, an ka kan k’o faamu cogo min na, nin gafenin bɛ o ɲɛfɔ ni Ala ka Kuma ye. Mɔgɔ minnu bɛna dugukolo sɔrɔ ciyɛn ye, a b’o jira fana.”
Réveillez-vous ! août
“E fɛ, yala denmisɛnw ka kan k’a dege ka mɔgɔ sɔn, ani ka fɛn tila u ni mɔgɔ wɛrɛw cɛ wa? [Jaabi makɔnɔ.] Ala ka Kuma bɛ min miiri tɛgɛlabilali ko la, e ka o lajɛ bani. [Ntalenw 11:25 kalan.] Denmisɛnw bɛ koduman minnu sɔrɔ u kɛtɔ ka dɛsɛbagatɔw dɛmɛ, nin gafenin bɛ kuma o kan.” Barokun min bɛ daminɛ ɲɛ 23nan na, o jira.
La Tour de Garde 1er sept.
“Diinɛko tɛ mɔgɔ caman kunkanko ye bi. E bolo, n’i ka diinɛko ka bon, yala o bɛ se ka i dɛmɛ i ka kɛ mɔgɔ ɲuman ye wa? [Jaabi makɔnɔ.] Mɔgɔ bɛ nafa min don Ala ko la, Zaburusɛbɛnbaga dɔ kumana o kan, an k’o lajɛ ɲɔgɔn fɛ. [Zaburu 73:28 kalan, k’i sinsin nin yɔrɔ kan: “Ka gɛrɛ Ala la, o ye ne ka hɛrɛ ye.”] Bato lakika bɛ bonya da Ala kan cogo min na, ka nafa lase an ma, nin gafenin b’o ɲɛfɔ.
Réveillez-vous ! Sept.
“Lakɔliden caman b’a kalan u ka gafew kɔnɔ, ko ka da a la ko Ala de ye fɛnw bɛɛ da, o tɛ mɔgɔ kalannen ka baara ye. E hakilila ye mun ye o ko la? [Jaabi makɔnɔ. O kɔfɛ Heburuw 3:4 kalan.] Hakilitigiya min dogolen tɛ, n’o bɛ ye dunuya kɔnɔfɛnw na, o ni dilancogo min bɛ u la, olu bɛ se ka an kalan min na nin Réveillez-vous ! kɛrɛnkɛrɛnnen bɛ o ɲɛfɔ.”