Sɔn-ni-sɔn gafeninw jiracogo

La Tour de Garde 15 août

“Tuma caman an ni mɔgɔw bɛ bɛn, minnu bɛ ka u diyanyemɔgɔ dɔ sukasi kɛ. Ni an ka mɔgɔ dɔ sara kasaara dɔ sen fɛ, mɔgɔ caman bɛ u yɛrɛ ɲininka min bɛ kɛ saya kɔ fɛ. E miiri la ko mɔgɔ bɛ se ka saya faamu wa? [Jaabi makɔnɔ.] Nin gafenin bɛ a ɲɛfɔ Bibulu bɛ min fɔ suw cogoya kan. A bɛ kuma fana Ala ka layidu talen kan ko ale bɛna an diyanyemɔgɔ salenw lakunun.” Yuhana 5: 28, 29 kalan ka i sinsin “[‘hakilijigin,’ NW ] kaburuw” kan.

Réveillez-vous ! 22 août

“K’a to nin wariko gɛlɛya bɛ ka taa ɲɛ, mɔgɔ caman jigi b’a la, ko turisimu ciya bɛna kɛ wariko ɲɛnabɔcogo dɔ ye. Yala i tun b’a kalama ko turisimu ciya bɛ jate fɛn fɔlɔ ye min bɛ baara di mɔgɔw ma nin diɲɛ kɔnɔ wa? [Jaabi makɔnɔ.] Turisimu ciya ka ɲɛtaa nana ni sɔrɔ caman ani gɛlɛya caman ye. Nin gafenin bɛ a jira, ɲumanw ani jugumanw minnu bɛ sɔrɔ bi turisimu ciya yiriwali kɔnɔ. A bɛ laadilikan ɲuman di mɔgɔw ma minnu bɛ taama jamanaw ni ɲɔgɔn cɛ.”

La Tour de Garde 1er sept.

“Fɔlɔfɔlɔ laadiriya tun ye jogo ɲumanba ye mɔgɔw bolo. Nka bi diɲɛ kɔnɔ tanuli bɛ da laadiriya kan ka tɛmɛ a sirataamali kan. Yali o tun tɛna kɛ koɲumanba ye ni mɔgɔ caman tun bɛ i ko teri min kofɔlen bɛ yan wa? [Ntalenw 17:17 kalan, i ka i sinsin nin daɲɛw kan: “i degun tuma.” O kɔ i ka jaabi makɔnɔ.] Nin gafenin bɛ a jira, an bɛ nafa minnu sɔrɔ ni an kɛra laadiriw ye ka ɲɛsin an ka denbaya ani an teriw ma.”

Réveillez-vous ! 8 sept.

“Ala ka danfɛnw minnu bɛ an lamini na ani kungo kɔnɔ, ni i ye olu bɛɛ lajɛ, i b’a sɔrɔ u bɛ jɛ ka baara kɛ ɲɔgɔn fɛ. Laala o ye i kabakoya. [Misali minnu dilen bɛ barokun kɔnɔ, olu dɔ fɔ.] K’a ye ko ɲɔgɔn-dɛmɛ tɛ hadamadenw ni ɲɔgɔn cɛ ka tɛmɛ danfɛn kan, yala o tɛ mɔgɔ nisɔngoya wa? [Jaabi makɔnɔ.] Ala bɛna lafiya ani bɛn don cogo min na an ka dugukolo kan, nin gafenin bɛ o ɲɛfɔ.” Esayi 11:9 kalan.