Don kelen jamalajɛ kɛrɛnkɛrɛnnen kalan bolodalen kura

U kɛlen ka fanga sɔrɔ hakili senu sababu fɛ, Kretiɛn fɔlɔw ye u cɛsiri ka u seko damajira kɛ ka kibaru duman weleweleda, weleweledali tun tɛ se ka tɛmɛ min kan. (Kɛw. 1:8; Kol. 1:23) Don kelen jamalajɛ kalan bolodalen min bɛna kɛ Ala-ka-marako san 2007 waati kɔnɔna na, o tɔgɔ ye ko: “I bolo degunnen ka kɛ kosɛbɛ” i ka cidenyabaara la. O kalan bolodalen kura bɛna an dɛmɛ ka Kretiɛn fɔlɔw ka misali ɲuman ladege.—Kɛw. 18:5.

Masakɛ Dawuda tun bɛ ka ɲɛfɔli kɛ Ala ka kuma kan tuma min na, a ko: “Matigi ka kalanw ye tiɲɛ de ye, u bɛ hakilitigiya di mɔgɔ ko dɔnbali ma.” (Zab. 19:8) Kalan min bolodara san 2007 don kelen jamalajɛ kɛrɛnkɛrɛnnen kama, jateminɛba de kɛra ka sɔrɔ k’a labɛn, wa nafa min bɛ Sɛbɛnniw na a bɛna o sankɔrɔta walisa ka “latilenni” kɛ. A bɛna dusu fana don an kɔnɔ ka baara kɛ ni Ala ka Kuma ye walisa ka waajuli kɛ, ka mɔgɔw kalan, ka an hakili to a la ko an bɛ waati min na, o tɛ bila-ka-sumaya waati ye. (2 Tim. 3:16, 17) Kalan bolodalen kura bɛna a jira an na, an bɛ se cogo min na ka an yɛrɛ tanga janw ma, ka nafa sɔrɔ Bibulu sariyakolow taamali la don o don. A bɛna an dɛmɛ fana ka baara kɛ ni Ala ka Kuma ye walisa ka denmisɛnw ni mɔgɔ kuraw dɛmɛ u ka taa ɲɛ alako ta fan fɛ.

I jija kalan ka daminɛ i ɲɛ na, i k’i tulomajɔ kosɛbɛ a fɛ. I bɛ se ka kalan yɔrɔ minnu waleya, i ka olu sɛbɛn. I ka lamɛnni fɛ, a jira ko kalan ani hakili jigin kuma minnu bɛ ka di aw ma, ko i bɛ o waleɲumandɔn, i ka miiri i b’a fɛ ka fɛn kalannenw waleya cogo min na.

Don kelen jamalajɛ kɛrɛnkɛrɛnnen kalan bolodalen bɛn’a kɛ dɔ bɛ fara Ala ka Kuma bonya kan an bolo, k’an hakili jigin ka taa a fɛ Masaya kibaru duman waajuli la ni timinandiya ye, k’a jira an na fana an bɛ se ka mɔgɔ wɛrɛw dɛmɛ cogo min na ka o ɲɔgɔn kɛ. O la sa, Jehowa bɛ kalan ni kunnafoni minnu di ka an ɲɛminɛ o sira fɛ, a latigɛ o kelen si kana fɔ i kɔ.—Esa. 30:20b, 21.