Lajɛba kɛrɛnkɛrɛnnen don kalanbolodalen kura

“Ne bɛ fɛn bɛɛ kɛ kibaru duman kosɔn” ye lajɛba kɛrɛnkɛrɛnnen don barokunbolodalen kura ye, o min bɛ daminɛ Setanburukalo la (1 Kor. 9:23). Kibaru minnu bɛ mɛn bi, o bɛɛ la nafaman ye Masaya kibaru duman de ye. Bonya min b’an bolo, n’a bɔɲɔgɔnko tɛ, n’o ye ka kɛ kibaru duman lasebagaw ye, kalanbolodalen bɛna an dɛmɛ k’o nafa dɔn. O bɛna dusu don an na fana ka taa’ fɛ ka kibaru dumanw fɔ k’a sɔrɔ an t’a dabila.—Kɛw. 5:42.

Kalanbolodalen bɛn’a jira an na, cogo min na baara bɛ kɛ cogo dafalen na n’an ka ala-ka-marako kalan ye, walisa ka se k’an damajira kɛ cidenyabaara la. Mɔgɔ minnu ye latilenniw kɛ walisa ka dɔ fara u ka baara kan, an bɛna olu lamɛn. Funankɛ minnu b’u seko bɛɛ kɛ walisa ka kibaru dumanw yiriwa, u fana sen b’olu la.—A suma ni Filipekaw 2:22nan ye.

Jɛmu koloma bɛ lase kumatigi welelen fɛ. Ikomi “a bɛnnen bɛ ka kibaru duman kalifa an ma”, a bɛna sinsi o nafa kan an bolo, k’o mara (2 Tes. 2:⁠4, Bible senuma, 1987). An bɛna dɛmɛ k’a ye ko n’an ka kan ka to n’an ka bonya ye ka kibaru duman tila ni dɔ wɛrɛw ye, an ka kan k’an miiricogo an’an taamacogo bɛn tuma bɛɛ ni Ala ka wajibiyaw an’a ka namuw ye. Duba minnu bɛ sɔrɔ ka bɔ o kɛli la, o bɛna fɔ ka jɛya fana.

Nin kalanbolodalen min ye ɲɛnamayako ye, o kana fɔ i kɔ. Yɛrɛlatɛmɛbaga kura minnu b’a fɛ ka batɛmu sɔrɔ o lajɛba kɛrɛnkɛrɛnnen don na, u ka kan ka lakɔlɔsibaga nyɛmɔgɔ ladɔnniya o yɔrɔnin bɛɛ la. I bɛ kalan kɛ ni mɔgɔ minnu ye, u bɛɛ wele ka na o la. An k’a to Jehowa ka fanga di an ma ka fɛn bɛɛ kɛ kibaru duman kosɔn ani o cogo la ka baara bɛɛ la belebeleba dafa yanni Armagedon cɛ.