Tila 8: Ka Bibulu-kalanw ɲɛminɛ minnu bɛ taa ɲɛ
An ka kalanden ɲɛsin jɛkuluba ma
1 Ni an bɛ Bibulu-kalanw ɲɛminɛ, an ka kuntilenna tɛ dan kalansiraw dili dɔrɔn ma, nka an bɛ kalanden fana dɛmɛ a ka se ka kɛ Kerecɛn jɛkulu kɔnɔmɔgɔ dɔ ye. ( Zak. 8:23) Gafenin min tɔgɔ ye ko: Les Témoins de Jéhovah : Qui sont-ils ? Quelles sont leurs croyances ? (Jehowa Seerew ye jɔni ye? U dalen bɛ mun na?) O gafenin bɛ se ka an dɛmɛ ka o baara kɛ. An ka o gafenin kelen di an ka kalanden kuraw ma, ka dusu don u kɔnɔ u ka a kalan. Ka fara o kan, dɔgɔkun o dɔgɔkun an ka kalan waatinin dɔ ta, ka kalanden kalan Jehowa ka Jɛkuluba kɔnɔko dɔ la.
2 Jɛkulu ka lajɛw: Ala ka jɛkuluba ko bɛ bonya Bibulu-kalandenw bolo sira min fɛ ka tɛmɛ sira tɔw bɛɛ kan, o ye ni u bɛ an ka lajɛw matarafa. (1 Kɔr. 14:24, 25) O kosɔn, an bɛ se ka a daminɛ ka an ka dɔgɔkun-kɔnɔ-lajɛ duuru cogoyaw fɔ Bibulu-kalandenw ye. An kana lajɛ fila jɛn ka ɲɛfɔ ɲɔgɔn fɛ. Forobajɛmu min bɛna kɛ siɲɛ wɛrɛ, an ka o tɔgɔ fɔ u ye. La Tour de Garde yɔrɔ min bɛna kalan siɲɛ wɛrɛ, an ka o jira u la. Kitabu yɔrɔ minnu bɛna kalan gafe-kalan waati, an ka olu fana fɔ. An ka “Ala-ka-Marako lakɔli” ani “Baara ka lajɛ” cogoyaw fɔ u ye. Ni baara dɔ dilen bɛ an ma ka kɛ “Ala-ka-Marako lakɔli” la, an bɛ se ka segin o kan u ye. Yɔrɔ kolomaw minnu fɔra lajɛw la, an ka olu fɔ u ye. Foto minnu bɛ an ka sɛbɛnw kɔnɔ an ka olu ta ka kalandenw dɛmɛ u k’a faamuyali sɔrɔ. Kabini an ka kalan fɔlɔ la, an ka a ɲini u fɛ u ka na lajɛw la.
3 Ni Hakilijigin kɛwaati surunyara walima kafo ka lajɛw kɛwaati walima kafoba ka lajɛw kɛwaati, walima kafo lakɔlɔsibaga natuma surunyara, an ka miniti damadɔ ta ka ɲɛfɔliw kɛ walisa o kow nege ka don kalandenw la. Dɔɔnin–dɔɔnin an ka nin ɲininkali suguw jaabi di u ma i na a fɔ: Mun na anw bɛ wele Jehowa Seerew? Mun na anw bɛ an ka lajɛkɛyɔrɔw wele ko Masaya Sow? Baara jumɛnw bɛ diinɛ maakɔrɔw ni u ka magannaw bolo? Waajulibaara ani waajulikɛyɔrɔ koɲɛw labɛnnen bɛ cogoya jumɛn na? Sɛbɛn minnu bɛ an bolo, olu bɛ dilan cogo di? Jɛkuluba bɛ wari bɔ min? Tɔn bolofara ani Ɲɛmɔgɔ Kulu jɔyɔrɔ ye jumɛn ye an ka baara kɔlɔsili la?
4 Wideyo kasɛti minnu bɛ mɔgɔ kalan: An ka Bibulu-kalandenw bɛ se ka Jehowa ka dakabana jɛkuluba dɔn sira wɛrɛ min fɛ, o ye ni u bɛ an ka wideyo kasɛtiw filɛ. Wideyo kasɛti min tɔgɔ ye ko Jusqu’aux extrémités de la terre, o bɛ kuma an ka waajuli kan diɲɛ mumɛ bɛɛ kɔnɔ; wideyo kasɛti min tɔgɔ ye ko Toute la communauté des frères, o bɛ kuma Balimaya kan min bɛ Jehowa Seerew ni ɲɔgɔn cɛ diɲɛ bɛɛ kɔnɔ; ani wideyo min tɔgɔ ye ko Unis grâce à l’enseignement divin, o bɛ kuma kelenya kan min bɛ Jehowa Seerew ni ɲɔgɔn cɛ diɲɛ kɔnɔ. San duuru kɔnɔ muso dɔ tun bɛ to ka an ka sɔn-ni-sɔn gafeninw ni an ka sɛbɛn wɛrɛw sɔrɔ. Wideyo kasɛti min tɔgɔ ye ko Les Témoins de Jéhovah : un nom, une organisation, o jaw donna o muso la fo a kasira. Jehowa Seere minnu tun bɛna bɔ a ye, olu sera ka a ka dannaya sɔrɔ. Nka a kɛlen kɔ ka wideyo kasɛti nin lajɛ, a y’a ye ko a ka kan ka dannaya da jɛkuluba fana kan. Kalan daminɛna ni a ye wa dɔgɔkun min gunna o la, a nana lajɛw la Masaya So la.
5 Ni an bɛ waatinin ta ni an ka kalanden ye dɔgɔkun o dɔgɔkun, ani ni an bɛ baara kɛ ni minɛnw ye minnu dira an ma, an bɛ se ka an ka Bibulu-kalandenw dɔɔnin-dɔɔnin dɛmɛ u ka don Jɛkuluba kɔnɔ, Jehowa bɛ ka baara kɛ ni jɛkuluba kelen min ye bi.
[Study Questions]
1. Ka kalan dɔ kɛ Jehowa ka Jɛkuluba kɔnɔko dɔ kan dɔgɔkun o dɔgɔkun, nafa jumɛn bɛ o la
2. An bɛ se ka kalandenw dɛmɛ u ka na jɛkulu ka lajɛw la cogo jumɛn na?
3. An bɛ se ka baro kɛ jɛkuluba ka ko jumɛnw kan?
4, 5. Wideyo kasɛti minnu bɛ an bolo, olu bɛ se cogo di ka dɔ fara faamuyali ani waleɲumandɔn kan ka ɲɛsin jɛkuluba ma?