Ala-ka-marako Cidenyabaara Kalanso Dalafɔ-seginnkanni

Ɲininkali ninnu jaabiw bɛna kɛ dalafɔ ye Ala-ka-Marako Cidenyabaara kalanso ka lajɛ la, o min bɛna kɛ Feburuyekalo tile 28nan dɔgɔkun kɔnɔna na, san 2005. Kalan lakɔlɔsibaga bɛna seginnkanni ɲɛminɛ sanga 30 kɔnɔ. O seginnkanni bɛna sinsin kalanw kan minnu kɛra k’a ta Marisikalo tile 7 ka na a bila Awirilikalo tile 25nan na, san 2005. [Kɔlɔsili: Ni ɲininkali dɔ kɔ fɛ, sinsin yɔrɔ ma fɔ, i wajibiyalen bɛ ka i yɛrɛ ka ɲininiw kɛ walisa ka jaabiw sɔrɔ.​—École du ministère mafilɛ ɲ. 36-7.]

JƐMU KƐCOGO ƝUMANW

1. Ni an bɛ ka jɛmu labɛn, an bɛ se ka baara ɲuman kɛ ni yɔrɔ dilen ye an ma cogo di, ani mun na nafa bɛ o la? [be ɲ. 234 d. 1-3, tiiri kɛlen bɛ ka sɛbɛnni minnu lamini] An bɛ se ka baara ɲuman kɛ ni yɔrɔ dilen ye an ma, ni an bɛ an ka jɛmu sinsin barokun dilen kan, Bibulu kan, ani yɔrɔ dilen yɔrɔ kolomaw kan. Ni an bɛ a kɛ o cogo la, an bɛ a jira ko an bɛ bonya da jɔnkɛ dannamɔgɔ ka hakilila-dumuni kan. (Mat. 24:45)

2. An ka kan ka mun ni mun ta yɔrɔ dilen na an ma walisa ka an ka jɛmu labɛn? [be ɲ. 234 d. 4-ɲ. 235 d. 1] An ka kan ka min ni min ta yɔrɔ dilen na an ma, o ye an bɛ se ka min kɛ waati dilen kɔnɔ. O la sa, an bɛ an ɲɛmajɔ kunnafoniw fɛ, minnu bɛ an dɛmɛ ka jɛmu kuntilenna sɔrɔ. An man kan ka kalan ɲuman ani yɔrɔ kolomaw walawalali ko saraka kuma caman-fɔ kosɔn, walisa dɔrɔn ka yɔrɔ dilen yɔrɔ caman fɔ k’a surunya, k’a sɔrɔ sinsin ma kɛ yɔrɔ kolomaw kan.

3. An bɛ se ka baara kɛ ni ɲininkaliw ye cogo di foro baara la walisa ka an kumaɲɔgɔn bila a ka kuma? (Kɛw. 8:30) [be ɲ. 236 d. 2-5] Jehowa seere caman bɛ dusu don u lamɛnbagaw kɔnɔ u ka u yɛrɛ hakililaw fɔ u kɛtɔ ka kuma ko dɔw kan minnu nafa ka bon u ka sigida la, ka tila ka nin ɲininkaliw kɛ: “Aw delila ka aw yɛrɛ ɲininka nin na wa . . . ?” wala Aw hakilila ye mun ye nin na. . . ?” Ni cogo bɛ di mɔgɔw ma u ka u yɛrɛ hakilila fɔ, caman bɛ sɔn ka an lamɛn.

4. An bɛ se ka baara kɛ ni ɲininkaliw ye cogo di ka an ka Bibulu-kalandenw dɛmɛ u ka se ka baara kɛ ni u ‘hakili bɛɛ’ ye? (Rom. 12:1) [be ɲ. 238 d. 1] Tuma min na an bɛ ka kuma yɔrɔ nafama dɔ kan, an bɛ se ka ɲininkali wɛrɛ kɛ kɛrɛfɛ walisa ka kalandenw dɛmɛ u kana dan dɔrɔn jaabi sɛbɛnnen ma. An bɛ se ka nin ɲininkali kɛ: “An bɛ ka min kalan, o ni an ka kalan kɛlen bɛ ɲɔgɔn ta cogo di? Mun na o nafa ka bon? A ka kan ka yɛlɛma jumɛn don an ka ɲɛnamaya kɛcogo la? Ni an bɛ ɲininkaliw kɛ, yanni ka a to an ka an yɛrɛ ka dannakow fɔ, an bɛ an ka kalandenw dɛmɛ u ka se ka baara kɛ ni u ‘hakili bɛɛ’ ye.

5. Ɲininkali minnu lawulilen bɛ Romɛkaw 8:​31, 32 ani Esayi 14:27 la, olu bɛ se ka nɔ jumɛn bila mɔgɔ la? [be ɲ. 239 d. 1-2] Nin yɔrɔ fila bɛɛ la, Bibulu sɛbɛnbagaw ye u ka dannakow fɔ ɲininkaliw sababuw fɛ. Ɲininkaliw minnu bɛ nin Bibulu-tɛmɛsiraw la, olu bɛ a jira de ko miiriyaw don, minnu tɛ se ka sɔsɔ. An bɛ se ka baara kɛ ni nin ɲɔgɔnna ɲininkaliw ye, an ka jɛmu sen fɛ, walisa ka dɔ fara an ka kuma barika kan.

KALANSEN FƆLƆ

6. Cogo jumɛn na an bɛ se ka a jira ko ‘ju min sigira, o ye Krista de ye’ ni an bɛ an ka mɔgɔ-kalan baara la, ka u kɛ kalandenw ye? (1 Kɔr. 3:11) [be ɲ. 278 d. 1-2] ‘Jujɔn min sigira, o ye Krista de ye.’ Walisa ka o kɛ an ka kan ka mɔgɔw dɛmɛ u ka limaniya da Yesu ka kunmabɔ-saraka kan, iko kisili jusigilan. Kalandenw ka kan ka kalan u ka Yesu kɛ u ka misali (ɲɛjirabaga) ye ani u ka linjila [kibaru duman] kɛ u ka ɲɛminɛnan ye, u bɛ tugu min kɔ. (1 Pi. 2:​21). An ka kan ka dusu don an ka kalandenw kɔnɔ u ka nin ɲininkaliw kɛ u yɛrɛ la, ni u bɛ a fɛ ka ko dɔw kɛ: ‘Yesu tun na mun kɛ nin yɔrɔ la? Ne bɛna min kɛ, yali o bɛna a jira ko Yesu ye min kɛ ne ye, o waleɲumandɔn bɛ ne la wa? (Yuh. 14:15, 21)

7. Kabini Jehowa ye fanga di a Denkɛ ma san 1914 la, an ŋaniya ye mun ye ni an bɛ delili kɛ ko: “I ka masaya ka na”? (Mat. 6:9, 10) [be ɲ. 279 d. 4] Ni an bɛ delili kɛ ko: “I ka masaya ka na” an miiri ye ko Ala ka Masaya bɛna wale dafalen kɛ walisa ka kirayakumaw timɛ iko Daniɛl 2:​44 ani Jirali 21:​2-4 la cogo min na. Ci donna an bolo ka dugawu welewedali kɛ Ala ka masaya bɛna na ni minnu ye sɔɔni. (Mat. 24:14)

8. Mun na Kerecɛn bɛɛ ka kan ka a ɲini ka se ka kalanjɛ kɛ? Yesu kɛra ɲɛjirabaga ye cogo di? [w03 15/03 ɲ. 10 d. 5 ; ɲ. 12 d. 2] Ikomi Ala ye a ka kuma sɛbɛn, a sigilen bɛ ni a ye ko, a batobagaw ka se ka kalan kɛ ani ka sɛbɛnni kɛ ka ɲɛ, ni u seko bɛɛ ye. Ni an bɛ se ka Bibulu ani Bibulu-walawalali-sɛbɛnw kalan ka o faamu, o bɛ nɔgɔya an bolo an ka Ala ka kuma waleya ani ka ‘tiɲɛkuma jɛnsɛn ni tilennenya ye’ LK (2 Tim. 2:​15) Yesu tun bɛ se kalan na. O kosɔn a san tan ani fila, a tun bɛ se ka baro ɲɛnamaw kɛ a ka fɛn kalannenw kan ni mɔgɔ kalannenw ye Alabatoso kɔnɔ. (Luka 2:​46, 47)

9. Josias ani Yesu kɛra misali minnu ye, cogo di o bɛ se ka denmisɛnw dɛmɛ u ka ɲɛtaa sɔrɔ Alako ta fan fɛ? [w03 1/4 ɲ. 8 d. 3-4 ; ɲ. 10 d. 3] A denmisɛnnama tun bɛ masaya la tuma min na, Josias ye a fɔ u ka Bibulu kalan ale ye. A ye min mɛn, o ye a dusu minɛ fo a ye a ɲini ka baara kɛ Jehowa ye ani ka bato sɛbɛ yiriwa kokura. (2 Tile. 34:14-​21, 33) Yesu bolo, ka Jehowa bato o tun tɛ kuntilenna dɔrɔn ye, ci dilen tun don min ka kan ka kɛ. A tun ye nisɔndiya ni wasa sɔrɔ Ala sago kɛli la. (Yuh. 4:​34) Walisa denmisɛnw ka ɲɛtaa sɔrɔ Alako ta fan fɛ, u ka kan ka ŋaniya ɲuman sɔrɔ, min sinsinnen bɛ bɔ u ka Ala dɔnniya la.

10. Mun na an bɛ se ka an jigi da Ala kan? (Nt. 3:5, 6) [w03 1/11 ɲ. 4-5 d. 6-7] An bɛ se ka an jigi da Jehowa-Ala kan, ka da a kan ale ye senuman de ye ani a jogo tɛ se ka tiɲɛ abada ani cogo si la a tɛ kojugu kɛ? (Esa. 6:3) Ka fara o kan, a bɛ a ka ko bɛɛ kɛ ni kanuya ye. (1 Yuh. 4:8) Ani fana a bɛ an faamu ka tɛmɛ bɛɛ kan. (Zab. 139:​1, 6)

DƆGƆKUN KƆNƆ BIBULUKALAN

11. Mun na Ane ye Jehowa deli ‘a ka barika don ale ka masakɛ la,’ ka a sɔrɔ o tuma la hadamaden masakɛ tun tɛ Israɛl kunna? (1 Sa. 2:10) Kiraya kuma tun fɔra Musa ka sariya kɔnɔ, ko masakɛ tun na sigi Israɛl kunna, min ye hadamaden ye. (Dut. 17:14-​18) Ka a dalen to saya dalan kan, Yakuba ye kiraya kuma fɔ ko: “Masaya bere (kuntigiya taamasyɛn) tɛna fara ka bɔ Juda bolo.” (Gen. 49:10) Ka fara o kan, ka ɲɛsin Sara ma, o min ye Israɛlikaw bɛnbaw dɔ la kelen ye, Jehowa ye nin fɔ: “Siyaw ka masakɛw na bɔ a la.” (Jen. 17:16) O de kosɔn Ane tun ye delili kɛ masakɛ ko la min tun bɛ na kɔ fɛ. [1, w05 15/3 “ La Parole de Jéhovah est vivante : Points marquants du premier livre de Samuel ”]

12. An bɛ kalansira jumɛn sɔrɔ, ka a ye ko se sɔrɔla Israɛl kan hali ni kankira tun bɛ u cɛ ma? (1 Sa. 4:3, 4, 10) Ka setigiya di fɛn dilannenw ma, min ka bon ni hadamaden se ye, o bɛna ni bɔnɛ ye. Hali fɛn dilannenw minnu ye fɛn senumanw ye, i na a fɔ “Jehowa ka layidu kankira” o tun tɛ jo ye min bɛ mɔgɔ lakana. An ka kan ka an ‘yɛrɛw tanga boli batoli ma.’ (1 Yuh. 5:21.) [1, w05 15/3 “ La Parole de Jéhovah est vivante : Points marquants du premier livre de Samuel ” ; w02 1/7 p. 6-8]

13. Mun na 1 Tilew Kibaru 2:​13-​15 bɛ a fɔ ko Dawuda ye Jese ka den wolonwulanan ye, ka a sɔrɔ 1 Samuɛl 16:10, 11nan bɛ a fɔ ko Jese ka den seginnan don? Sɛbɛnniw bɛ a fɔ ko ‘denkɛ segin tun bɛ Jese fɛ.’ (1 Sa. 17:12) A jɛlen don ko a den dɔ la kelen ma mɛn si la fo ka furu kɛ, ka denw sɔrɔ. Ikomi o ma mɔgɔ to a kɔ, tiɲɛ tun fana tɛ a bolo kabila kɔnɔ ani nafa tun tɛ a la Jese ka bɔnsɔn-sira fɛ. [5, w02 15/9 ɲ. 31]

14. ‘Hakili jugu’ jumɛn de ye Saul lasiran? (1 Sa. 16:14) Hakili jugu min ye Saul bali a ka lafiya sɔrɔ (a hakili la), o tun ye hakili ni a dusukun tun bɛ sama fɛn min nɔ fɛ, n’o tun ye fanga ye a kɔnɔ min tun b’a bila ka kojugu kɛ. Tuma min na Jehowa ye a ka hakili senu bɔ Saul la, hakili senu tun bɛ lakana min lase a ma, o banna. Saul tora ni a yɛrɛ ka hakili jugu ye, o min ye se sɔrɔ a kan. Ikomi Ala ye a to o hakili jugu ka bila Ala ka hakili senu nɔ na, Bibulu bɛ a fɔ ko “hakili jugu don ka bɔ Jehowa yɔrɔ.’ [5, w05 15/3 “ La Parole de Jéhovah est vivante : Points marquants du premier livre de Samuel ”]

15. Jinɛ min ye a yɛrɛ kɛ “Samuɛl” ye, ka kuma Andɔre filɛlikɛla sababu fɛ, o ye kuma min fɔ, o kɛra tiɲɛ ye wa? (1 Sa. 28:16-19) Ayi. Saul tun joginna fo ka a juguya, kɛlɛ sen fɛ ni filisitikaw ye, nka a ye a yɛrɛ faga de. (1 Sa. 31:​1-4) Filɛlikɛla ka kuma ma bɔ a sira fɛ, o min tun ye a fɔ ko Saul denw bɛɛ bɛ sa ni a ye. A denkɛ Is-Bosɛt ma sa a fɛ. [8, w88 15/1 p. 3 § 3-4]