An ka nafa bɔ Pas de sang: la médecine relève le défi wideyo la

Opereli minnu bɛ kɛ k’a sɔrɔ joli ma don banabagatɔ la, aw bɛ mun dɔn olu ko la? Fɛn minnu bɛ se ka bila joli nɔ na, ani u jɔyɔrɔ ye min ye, yala aw bɛ olu dɔn wa? Aw ka nin wideyo kasɛti lajɛ. O kɔ, aw k’aw yɛrɛ sɛgɛsɛgɛ ni nin ɲininkaliw ye.​—Kɔlɔsili: Opereli kunkunrunninw jaw jiralen bɛ nin wideyo kasɛti la, o kosɔn, bangebagaw ka kan k’a jateminɛ ni u ni denmisɛnninw bɛ se ka jaw lajɛ ɲɔgɔn fɛ.

(1) Kun jɔnjɔn jumɛn b’a to Jehowa seerew bɛ u ban joli ka don u la, ani sariyakolo min bɛ o kun kan, o bɛ sɔrɔ yɔrɔ jumɛn na Bibulu kɔnɔ? (2) An bɛ mun de ɲini furakɛli kɔnɔ? (3) Sariya bɛ jo jumɛnw di banabagatɔ bɛɛ ma? (4) Mun na ni an ma sɔn joli ka don an na, o b’a jira ko an bɛ baara kɛ ni an hakili ye, ko an bɛ se ka jɔ kow kɔrɔ? (5) Ni joli caman bɔnna ka bɔ mɔgɔ la, ko teliman fila jumɛn bɛ yen dɔkɔtɔrɔ bɛ se ka minnu kɛ? (6) Ka joli don mɔgɔ la, o bɛ se ka na ni kasaara jumɛnw ye kɛnɛya ta fan fɛ? (7) Baarakɛminɛn jumɛnw bɛ operelikɛlaw bolo walisa ka jolibɔn dɔgɔya opereli kɛtuma na? (8) Aw ka kan k’a ɲini ka mun dɔn furakɛli fɛɛrɛ wɛrɛw ko la, minnu bɛ kɛ k’a sɔrɔ joli ma don mɔgɔ la? (9) Yala operelibaw ani opereli gɛlɛnw bɛ se ka kɛ, k’a sɔrɔ joli ma don banabagatɔ la wa? (10) Dɔkɔtɔrɔw bɛ ka caya, minnu b’a fɛ ka fɛn kɛ Jehowa seerew ye. O ye mun fɛnw ye? Don nataw la, bɛɛ bɛna sɔn banabagatɔw furakɛlicogo jumɛn na?

Ka sɔn furakɛli fɛɛrɛw la minnu bɛ nin wideyo kasɛti kɔnɔ, o bɛ bɔ an bɛɛ kelen-kelen ani an kɔnɔna miiri de la.​—Zuwɛnkalo tile 15 La Tour de Garde, ɲ. 22-4, 29-​31 lajɛ ani Ɔkutɔburukalo tile 15 san 2002 La Tour de Garde ɲ. 30-1nan fana lajɛ.