An ka kan ka wideyo kasɛti lajɛ min tɔgɔ ko: “No Blood​—⁠Medicine Meets the Challenge”

Opereli minnu bɛ kɛ k’a sɔrɔ joli ma don banabagatɔ la, aw bɛ mun dɔn olu ko la? Fɛn minnu bɛ se ka bila joli nɔ na, ani u jɔyɔrɔ ye min ye, yala aw bɛ olu dɔn wa? A’ ye nin wideyo kasɛti lajɛ. O kɔ, aw k’aw yɛrɛ sɛgɛsɛgɛ ni nin ɲininkali nataw ye.​—⁠Kɔlɔsili: Opereli kunkunruninw bɛ jira nin wideyo kasɛti la. O kosɔn, bangebagaw ka kan ka jateminɛ kɛ ni u bɛ a lajɛ ni denmisɛnninw ye.

(1) Kun fɔlɔ jumɛn b’a to Jehowa seerew bɛ ban joli ka don u la, ani sariyakolo min bɛ o kun kan, o bɛ sɔrɔ yɔrɔ jumɛn na Bibulu kɔnɔ? (2) An bɛ mun de fɛ furakɛli hukumu kɔnɔ? (3) Yamari jubaju jumɛn bɛ banabagatɔw bolo? (4) Mun na ka ban joli la, o b’a jira ko an bɛ baara kɛ ni an hakili ye, ani ko an bɛ jɔ an kunkow kɔrɔ? (5) Ni joli caman bɔnna ka bɔ mɔgɔ la, ko teliman fila jumɛn bɛ yen ni dɔkɔtɔrɔ bɛ se ka olu kɛ? (6) Ka joli don mɔgɔ la, o bɛ se ka na ni kasaara jumɛnw ye? (7) Baarakɛminɛn jumɛnw bɛ sisan operelikɛlaw bolo walisa ka jolibɔn dɔgɔya opereli kɛtuma na? (8) Aw ka kan k’a ɲini ka mun dɔn furakɛli fɛɛrɛ wɛrɛw ko la minnu bɛ kɛ k’a sɔrɔ joli ma don mɔgɔ la ? (9) Yala operelibaw ani opereli gɛlɛnw bɛ se ka kɛ, k’a sɔrɔ joli ma don banabagatɔ la wa? (10) Dɔkɔtɔrɔw bɛ ka caya, minnu b’a fɛ ka fɛn kɛ Jehowa seerew ye. O fɛn ye mun ye? Mun bɛna se ka kɛ don dɔ furakɛlicogo sariya ye banabagatɔw bɛɛ ye?

An bɛ Bibulu kalan kɛ mɔgɔ minnu kun, an furuɲɔgɔn, walima an somɔgɔ minnu tɛ Jehowa seerew ye, an baarakɛɲɔgɔnw, lakɔli mɛtiriw, ani an lakɔlidenɲɔgɔnw bɛ se ka an ɲininka an hakilila la joli ko la. O kosɔn, a nafa bɛna bonya kosɛbɛ ka wideyo kasɛti No blood lajɛ ni u ye. Ka sɔn furakɛli fɛɛrɛw la, minnu bɛ nin wideyo kasɛti kɔnɔ, o bɛ bɔ an yɛrɛ de la, ani an dusu b’an bila ka sugandili min kɛ. ​—⁠“Questions des lecteurs” lajɛ Zuwɛnkalo tile 15, ani Ɔkutɔburukalo tile 15 san 2002 La Tour de Garde kɔnɔ.