Ala-ka-marako Cidenyabaara Kalanso bɛ an nafa cogo min na
1 Jehowa ka jamakulu kelenpe de ye Ala-ka-marako kalan sɔrɔ. O ye jɔyɔrɔba de ye. (Esa. 54:13; Yuh. 6:45) Nka an bɛ a nafa sɔrɔ ka se dan min na, o fanba bɛ bɔ an yɛrɛ de ka cɛsiri la. Yala Ala-ka-marako Cidenyabaara Kalanso bɛ nɔ ɲuman min lase i ma, Alako ta fan fɛ, i bɛ se ka o faranfasi wa?
2 Kuma ɲuman minnu fɔra: Kalanso lakɔlɔsibaga caman y’a kɔlɔsi ko jɛmu kɛcogo ɲuman faamuyaliba y’a to foro baara ye ɲɛtaa sɔrɔ u ka jɛkulu kɔnɔ. Ani fana, Kalanso lakɔlɔsibagaw dɔ la kelen y’a ye ko yamaruya min dira lamɛnbagaw ma, u ka se ka u hakilila di, dɔgɔkun kɔnɔ Bibulu kalan kan, o kosɔn mɔgɔ caman ye dɔgɔkun kɔnɔ Bibulu kalan bolodalen matarafa. Ka ɲɛsin kalansen filanan ma, No. 2, balimakɛ caman y’a jira ko a nafa ka bon u ka u ɲɛsin labɛn ma, ka sɔrɔ u ma baro daminɛ cogo ani a kuncɛ cogo labɛn. O yɔrɔ bɛ di mɔgɔ minnu ma, sisan olu bɛ k’u ɲɛmajɔ kosɛbɛ walisa ka dɔ fara u ka kalanjɛ kɛcogo ɲuman kan.—1 Tim. 4:13.
3 Bɛɛ bɛ se ka nafa sɔrɔ: Ka ɲɛfɔliw kɛ lajɛw waati, o bɛ se ka kɛ nisɔndiyaba ye. (Nt. 15:23) Ni an kɔnna ka dalafɔ-seginnkanni ɲininkaliw sɔrɔ, o b’a to an ka se k’an labɛn ani k’an sen don dalafɔ-seginkanni na, ni nɔgɔya ye. Ka fara o kan, k’a daminɛ san 2004 Zanwuyekalo tile fɔlɔ La Tour de garde la, Bibulu kitabuw kolomayɔrɔw bɛ jirala, minnu bɛ bɛn an ka yɔrɔ kalantaw ma Ala-ka-marako Cidenyabaara Kalanso la. O dakunw ye mɔgɔ caman dɛmɛ u ka se ka jaabiw kɛ minnu bɛ mɔgɔ kɔgɔ dɔgɔkun Bibulu kalan kɛtuma na.
4 Mɔgɔ o mɔgɔ bɛ Lakɔli la, bonya kɛrɛnkɛrɛnnen bɛ o tigi bolo ka kumasenw dɔ labɛn ani ka u lase lamɛnbagaw ma. An bɛɛ bɛ se ka nafa sɔrɔ Lakɔli Lakɔlɔsibaga ka laadilikan ɲumanw na, a bɛ o minnu kɛ ka a jɔlen to jama ɲɛfɛ. Lakɔlidenw kelen-kelen fana bɛ nafa caman wɛrɛw sɔrɔ laadilikanw na minnu bɛ di u ma u danma Lakɔlɔsibaga fɛ, Lajɛ bannen kɔfɛ. Lakɔli gafe kɔnɔ, Tirez profit de l’École du ministère théocratique, kalansen kelen-kelen laban na, yɛrɛ-dege cogow bɛ yen minnu bɛ ɲɛfɔli kɛ jɛmu kɛcogo ɲumanw kan, ka dɛmɛ wɛrɛ lase an ma.
5 Ni laadilikanw fɔra i ye minnu bɛ i nafa, wala minnu bɔra Sɛbɛnniw kɔnɔ Lakɔli kɛtuma ani a kɛlen kɔfɛ, i bɛ olu sɛbɛn i ka Lakɔli gafe, École du ministère kɔnɔ. I ye fɛn min kalan, i hakilijakabɔ o kan ani a lajɛ o kalan bɛ ka dɔ fara i ka Alako dɔnniya kan cogo min na.