Waajuli bɛ kɛ cogo min na jagokɛyɔrɔw la
1 Yala a ka di i ye ka waajuli kɛ yɔrɔ la, mɔgɔw ka teli ka kunbɛn ka ɲɛ yɔrɔ min na wa, ani mɔgɔw ka teli ka sɔrɔ yɔrɔ min na fana wa? I bɛ se ka o ko sugu diyabɔ i ka jɛkulu waajulikɛyɔrɔ la. Cogo di? N’i bɛ taa bɔ o yɔrɔ butikiw kɔnɔmɔgɔw ye. Weleweledala minnu bɛ waajuli kɛ butiki ni butiki, tuma caman na olu bɛ nɔ ɲɛnamaw bɔ u ka baara la.
2 Jɛkulu dɔw ka waajulikɛyɔrɔ kɔnɔ, kin mumɛ dɔw ye butikiw ye. Jɛkulu waajulikɛyɔrɔ koɲɛ bɛ balimakɛ min bolo, o bɛ se ka o jagokɛyɔrɔw kinw karti (S-12) kɛrɛnkɛrɛnnenw dilan. Waajulikɛyɔrɔ min ye mɔgɔw ka duw ye, ni jagokɛyɔrɔw bɛ o waajulikɛyɔrɔ kɔnɔ, a ka kan ka jira cogo jɛlen na karti kan, ko jagokɛyɔrɔ ka kan ka baara a danma. Waajulikɛyɔrɔ wɛrɛw la, jagokɛyɔrɔw ani mɔgɔw ka duw bɛ se ka baara ɲɔgɔn fɛ. Ni i ma deli ka seereya kɛ jagokɛyɔrɔ la, a daminɛ fɔlɔ ka waajuli kɛ butiki fitinin damadɔw kɔnɔ.
3 Baara kɛ ni kumajiracogo ye min ka nɔgɔn: N’i bɛ taa waajuli kɛ butiki ni butiki, a nafa ka bon kosɛbɛ i k’i labɛn i n’a fɔ n’i bɛ taa Masaya So lajɛ dɔ la. A ka ɲi i ka waati sugandi mɔgɔw man ca tuma minnu na. N’a bɛ se ka kɛ, i ka don butiki kɔnɔ tuma min na sannikɛla tɛ yen min bɛ sanni na. A ɲini ka kuma butikitigi fɛ walima butikifeerela. I ka kuma surunya, wa i b’a fɛ ka min fɔ, i ka sin k’o fɔ. I bɛ se ka mun fɔ?
4 Ni an bɛ na kuma tuma min na butikitigi fɛ walima mɔgɔ fɛ min bɛ butiki kunna, an bɛ se ka nin fɔ: “Jagokɛlaw ka baara ka ca fo u sɔrɔ man di u ka so. O kosɔn, an nana bɔ i ye i ka baarakɛyɔrɔ la. Ko minnu bɛ ka kɛ sisan, an ka gafeninw bɛ faamuyaliba-kelen di o kow bɛɛ lajɛlen kan.” O kɔ fɛ, i ka yɔrɔ surun kelen jira sɔn-ni-sɔn gafenin dɔ kɔnɔ.
5 Walima i bɛ se ka nin kumajiracogo lajɛ min ka nɔgɔn: “Mɔgɔ caman b’a fɛ ka fɛn caman wɛrɛw dɔn Bibulu ko la, nka waati bɛrɛ tɛ u bolo. Nin sɛbɛndennin b’a jira ko kalan bolodalen dɔ ko sigira walisa ka i dɛmɛ fu i k’i ka ɲininkaliw jaabiw sɔrɔ Bibulu kɔnɔ.” O kɔ fɛ, Aimeriez-vous en savoir plus sur la Bible ? sɛbɛndennin ɲɛw 4-5 jira a la.
6 Mɔgɔ min bɛ butiki kunna, n’a sɔrɔ a bolo degunnen bɛ, i bɛ se ka sɛbɛndennin dɔrɔn jira a la k’a fɔ ko: “Ne na segin ka na tuma min na i bolo degunnen tɛ kosɛbɛ. Ne b’a fɛ k’a dɔn e bɛ mun miiri nin sɛbɛndennin ko la.”
7 Minnu y’a jira ko kibaru duman ka di u ye, an bɛ se k’olu dɛmɛ: I bɛ se yɛrɛ ka Bibulu-kalan ɲɛminɛ jagokɛyɔrɔ la. Tutigɛbaga kɛrɛnkɛrɛnnen dɔ tun bɛ to ka taa sɔn-ni-sɔn gafeninw di tuma bɛɛ jagokɛla dɔ ma. O tigi y’a fɔ tutigɛbaga ye tuma min na ko a bɛ min kalan, o ka di a ye kosɛbɛ, tutigɛbaga kɛrɛnkɛrɛnnen y’a jira a la Bibulu-kalan bɛ kɛ cogo min na, Wajibiya gafenin fɛ. Bibulu-kalan dɔ daminɛna o yɔrɔnin bɛɛ la cɛ ka baarakɛyɔrɔ la. Nka, k’a da yɔrɔ cogoya kan, ni a tun nana kalan kɛ tuma o tuma, tutigɛbaga tun bɛ kalan dan miniti 10 walima 15 la. O cogo kelen na, an fana ka taga a fɛ ka mɔgɔw ɲini, mɔgɔ minnu ka kan ni a ye, an kɛtɔ ka seereya kɛ jagokɛyɔrɔ la.
[Study Questions]
1. Nafa jumɛnw b’a la ka seereya kɛ jagokɛyɔrɔw la?
2. Ka waajuli kɛ jagokɛyɔrɔ la, o ko bɛ se ka labɛn cogo di?
3. Ni an bɛ ka waajuli kɛ butiki ni butiki, mun bɛna an dɛmɛ an ka nɔ bɔ o baara la?
4-6. An bɛ se ka mun fɔ ni an bɛ ka seereya kɛ butikitigi walima butikifeerela ye?
7. Minnu y’a jira ko kibaru duman ka di u ye jagokɛyɔrɔw la, an bɛ se ka olu dɛmɛ ka taga a fɛ cogo jumɛn na?