Mɔgɔ minnu ka kan ni a ye, an ka olu ɲini

¹ Yesu ye kunnafoni minnu di an ma waajuli baara kɛcogo kan, o bɛ se ka kɛ ko gɛlɛn ye an bolo. A ko: ‘Aw mana don duguba o duguba kɔnɔ, ani dugu misɛnnin o dugu misɛnnin kɔnɔ, mɔgɔ min ka kan ni a ye, aw ka o ɲini.’ (Mat. 10:11) Mɔgɔ bɛ waati min kɛ a ka so kɔnɔ bi, o bɛ ka dɔgɔya ka t’a fɛ. O la sa, mɔgɔ minnu ka kan ni a ye, an bɛ se ka olu ɲini ka ɲɛ cogo jumɛn na?

² I ka waajulikɛyɔrɔ sɛgɛsɛgɛ: Fɛn fɔlɔ min ka kan ka kɛ, o ye ka i ka waajulikɛyɔrɔ cogo sɛgɛsɛgɛ. Waati jumɛn na mɔgɔw ka teli ka sɔrɔ u ka so? U bɛ se ka sɔrɔ yɔrɔ jumɛn na tile kɔnɔna na? Yali don kɛrɛnkɛrɛnnen dɔ bɛ yen dɔgɔkun kɔnɔna na, walima waati dɔ bɛ yen tile kɔnɔna na, u sɔn ka di a la ko an ka taa bɔ u ye wa? Mɔgɔ minnu bɛ i sigida la, ni i bɛ i ka cidenyabaara kɛ ka bɛn ni o mɔgɔw ka waati bolodalen ni u ka cogoyaw ye, o bɛna i dɛmɛ i ka baara ka nɔ ɲuman sɔrɔ. ​—⁠1 Kɔr. 9: 23, 26.

³ Weleweledala caman y’a ye ko u bɛ mɔgɔw sɔrɔ wuladanin fɛ. Mɔgɔ dɔw lafiyalen bɛ o waati la, wa u ka teli ka sɔn ka an lamɛn. Ka seereya kɛ telefɔni fɛ wuladaninw fɛ, o bɛ se ka ɲɛ kosɛbɛ. Ka waajuli kɛ jagokɛyɔrɔw ni foroba yɔrɔw la, o b’a to fana an ka mɔgɔ caman wɛrɛw ye ka kibaru duman fɔ u ye.

⁴ Baara kɛrɛnkɛrɛnnen bɛ kɛ kalo minnu na, o kalo dɔ la, jɛkulu dɔ y’a sigi ka seereya kɛ Sibiri ni Kari donw na tile suma waati la, ka seereya kɛ Araba ni Juma donw na wuladaninw fɛ. U ye labɛnw kɛ fana walisa ka seereya kɛ telefɔni fɛ, ka baara kɛ jagokɛyɔrɔw la. O ko labɛnnenw ye nisɔndiyaba lase u ma cidenyabaara la, fo jɛkulu y’a latigɛ ka t’a fɛ k’o kow kɛ.

⁵ Aw k’aw cɛsiri ni timinandiya ye segin-ka-bɔnyew kɛli la: Ni aw ka waajulikɛyɔrɔ la, a ka gɛlɛn ka mɔgɔw sɔrɔ u ka so n’aw seginna ka taa bɔ u ye, aw k’a ɲini aw ni aw barokɛɲɔgɔn ka ɲɔgɔnye dɔ boloda ni aw taara bɔ u ye tuma o tuma. Aw ka o kɛ sanni aw ka wuli ka bɔ u bara. Aw bɛ se k’o kɛ kabini bɔnyeli fɔlɔ la. O kɔfɛ, aw ka aw jija ka aw ka ɲɔgɔnye bolodalen bɔ a sira fɛ. (Mat. 5:37) Ni a bɛnnen don, aw bɛ se k’a ɲini aw barokɛɲɔgɔn fɛ a ka a ka telefɔni nimɔrɔ di aw ma. O bɛ se fana k’aw dɛmɛ k’o tigi lasɔrɔ ko kura.

⁶ An bɛ cɛsiri minnu kɛ ni timinandiya ye walisa ka mɔgɔw ɲini minnu ka kan ni a ye, ani an bɛ mɔgɔ minnu sɔrɔ minnu bɛ u mago don kibaru duman na, n’an bɛ tugu olu la, ka dɔ fara u mago kan, Jehowa bɛna barika don o kow la.​—⁠Nt. 21:⁠5.