Sɔn-ni-sɔn gafeninw jiracogo

La Tour de Garde 15 juillet

“Mɔgɔ caman fɛ Yesu ye kira ye ani u b’a dɔn ko a ye kabako caman kɛ, misali la min ɲɔgɔn sɛbɛnnen bɛ yan: [A ko kɛra hukumu min kɔnɔ, o ɲɛfɔlen kɔ fɛ i ka Marka 4:​39 kalan.] Mun b’a jira kɛnɛ kan ko Yesu ye kabako minnu kɛ, olu ye lakika ye? Nin La Tour de Garde bɛ o ko mafilɛ, ani fana min ye Yesu bila ka kabakow kɛ.” [Dakun 7 kalan ɲɛ 6nan na.]

Réveillez-vous ! 22 juil.

“Ko dɔ bɛ ka mɔgɔw jɔrɔ, an bɛ ka kuma o ko la ni an sigiɲɔgɔnw ye: Bi diɲɛ in kɔnɔ kojugukɛla dɔw bɛ ka fɛɛrɛ kuraw sigi sen kan walisa ka mɔgɔw nanbara k’a sɔrɔ u ma sigi n’a ye. Yali o bɛ i jɔrɔ wa? [Jaabi makɔnɔ.] Nin Réveillez-vous ! in bɛ kɛcogoya dɔw ɲɛfɔ an bɛ se ka minnu kɛ ka an yɛrɛ lakana.” Ntalenw 22:3 kalan i k’a ɲɛfɔ nafa jumɛn b’a la ka kɛ mɔgɔ ye min bɛ fɛɛrɛ ɲumanw dɔn walisa an kana bin nanbaratɔw ka jan kɔnɔ.

La Tour de Garde 1er août

“An bɛ ka mɔgɔw ɲininka hɛrɛ ntanya ani bɛnbaliya ko la min bɛ ka ye an ka bi diɲɛ in kɔnɔ. Dɔw hakili la, diɲɛ tila-tilalen bɛ cogo min na bi, fɛɛrɛ kelenpe min bɛ yen walisa ka se ka hɛrɛ sigi, o ye ka gɔfɛrɛnaman kelen sigi diɲɛ bɛɛ kunna. E fɛ o bɛ se ka kɛ wa? [Jaabi makɔnɔ. Daniɛl 2:44 kalan, i ka tila ka a fɔ ko sɔɔni Ala ka masaya bɛna fanga sifa bɛɛ kɔfalen]. Nin gafenin bɛ a ɲɛfɔ Ala ka masaya bɛ ka min kɛ sisan ani cogo min na a bɛna hɛrɛ sigi diɲɛ bɛɛ kɔnɔ.”

Réveillez-vous ! 8 août

“An bɛ ka dususaalo kuma dɔ fɔ denmisɛn kan, mɔgɔ ye minnu tɔɔrɔ. An bɛɛ bɛ nisɔngoya ni an y’a mɛn ko denmisɛnw bɛ ka tɔɲɔ. Lala i ye i yɛrɛ ɲininka ni Ala bɛ hami ni o ye. [Jaabi makɔnɔ. Zaburuw 72:12-​14 kalan, ani i ka a jira ko Ala b’a janto mɔgɔ “tɔɔrɔlen” ani mɔgɔ “barikantan” la.] Nin gafenin bɛ a jira Ala bɛ min miiri denminsɛnw ko la ani ko a bɛna dɛmɛ kɛ mɔgɔw bɛɛ ye minnu tɔɔrɔlen bɛ.”