Ɲininkaliw Jaabi

◼ Mɔgɔ bɛ se ka i tɔgɔla La Tour de Garde ani Réveillez-vous ! sɔrɔ cogo di?

A bɛ waati dɔɔnin bɔ, bakurubasanni dabilara ka ɲɛsin La Tour de Garde ani Réveillez-vous ! ma, kanw bɛɛ la, a gafenin fara a kasɛti lamɛnta kan. O la sa, weleweledala bɛɛ tun wajibiyalen bɛ ka u ka gafeninw, kasɛti lamɛntaw ani sede CD-MP3 sɔrɔ sigida jɛkulu fɛ. Min tun sen tɛ o la o ye braille sɛbɛn ye (fiyentɔw ka sɛbɛn) ani kasɛti lamɛntaw olu minnu bɛ ci fu mɔgɔw ma minnu mago bɛ u la. Aw k’a to aw hakili la ko jɛkulu bɛ se ka sɔn-ni-sɔn gafeninw kasɛti walima sede ɲini Demandes de Congrégation (M-202) sɛbɛn kɔnɔ. O sɛbɛn kelen bɛ kɛ ka gafeninw ɲini minnu bɛ kan wɛrɛw la wala minnu sɛbɛnninw ka kunba.

Ni mɔgɔ dɔ b’a fɛ ka a tɔgɔla gafeninw sɔrɔ an ka waajulikɛyɔrɔ la, aw ka aw jija a k’u sɔrɔ, fɛn kana u jɛ. Mɔgɔ minnu gɛnna ka bɔ jɛkulu la, olu bɛ se k’u ka gafeninw wala sɛbɛn wɛrɛw sɔrɔ u yɛrɛ mago kama, jɛkulu ka gafediyɔrɔ la. Weleweledalaw man kan ka mɔgɔw sen don u ka sɔn-ni-sɔn gafeninw tila-tilali sira la, mɔgɔ minnu gɛnna ka bɔ jɛkulu la.

Sɔn-ni-sɔn gafeninw tila-tilali sira tɛ se ka mɔgɔ minnu lasɔrɔ, olu dɔrɔn de ka bakurubasanni bɛ se ka lajɛ Tɔn bolofara fɛ. Ni jɛkulu ka baara-kulu ye bakurubasanni yamaruya-sɛbɛn di ka na mɔgɔ dɔ kosɔn min tɛ se ka sɔn-ni-sɔn gafeninw sɔrɔ cogo wɛrɛ fɛ, jɛkulu ka sɛbɛnnikɛla ka kan ka a sɛmɛntiya ko baara-kulu ye a ko filɛ ni ɲɛmajɔ ye ani ko a jɛnna ni a ye.

Nin bɛ a jira ko weleweledalaw man kan ka sɛbɛn ci Tɔn bolofara ma ka u ka sɔn-ni-sɔn gafeninw bakurubasanni kɛ. Ni weleweledala dɔ, wala mɔgɔ wɛrɛ ye a bɔ a yɛrɛ la, ka o bakurubasanni sɛbɛn ci ka taa Tɔn bolofara ma, o sɛbɛn na kɔsegin ka na jɛkulu ma.

◼ Cogo jumɛn na kasoladen dɔ bɛ se ka a tɔgɔla gafeninw sɔrɔ?

Jɛkulu min jɔlen bɛ ni kasobon waajuli ye, ni yamaruya dira o ma ka sɔn-ni-sɔn gafeninw lase kasoladenw ma yen, kasoladen ka kan ka a tɔgɔla La Tour de Garde ani Réveillez-vous ! sɔrɔ weleweledalaw bolo minnu bɛ taa bɔ u ye. Ni o tɛ se ka kɛ, kasoladen yɛrɛ bɛ sɛbɛn ci Tɔn bolofara ma walisa ka sɔn-ni-sɔn gafeninw bakurubasanni ɲini ka sɔrɔ. Aw k’a to aw hakili la ko mɔgɔ minnu gɛnna ka bɔ jɛkulu la ni olu bɛ kaso la yen, nin cogoya kelen na, olu bɛ se ka u tɔgɔla sɔn-ni-sɔn gafeninw sɔrɔ i na a fɔ a fɔlen bɛ nin dakun in kɔnɔ cogo min na.