Sɔn-ni-sɔn gafenin jiracogo

La Tour de Garde 15 avril

[N’i ye mɔgɔw fo kaban i bɛ se k’a fɔ ko:] “Mɔgɔ dɔw b’a fɔ ko fɛn o fɛn bɛ kɛ ɲɛnamaya kɔnɔ, hali kasaaraw, ko olu bɛɛ ye Ala sago de ye. E ko di o la? [Jaabi makɔnɔ.] Mɔgɔ caman bɛ nin delilikan dɔn. [Matiyu 6:​10b kalan.] Ala sago ye mun ye ka ɲɛsin dugukolo ma, ani o bɛna waleya ka dafa tuma jumɛn na? Nin gafenin bɛ Bibulu ka jaabi di.”

Réveillez-vous ! 22 avril

[N’i ye mɔgɔw fo kaban i bɛ se k’a fɔ ko:] Bi diɲɛ in kɔnɔ mɔgɔ caman jigi tigɛlen bɛ. O ɲɔgɔn bɛ deli ka e sɔrɔ wa? [Jaabi makɔnɔ. O kɔ Romɛkaw 15:​4 kalan ani a ɲɛfɔ ko Ala ka kuma bɛ se ka jigiya sɛbɛ di an ma.] Mɔgɔw fanba sɔnna ko jigiya jɔyɔrɔ ka bon. Sɛbɛnniw bɛ kun wolonwula min di jigiya ko la, i bɛna nisɔndiya k’o kalan nin Réveillez-vous ! kɔnɔ.

La Tour de Garde 1er mai

[N’i ye mɔgɔw fo kaban i bɛ se k’a fɔ ko:] Diinɛ ɲɛmɔgɔ dɔw bɛ u sen don politiki la, walisa ka hadamadenya sigi ɲɛ. Nka e k’a filɛ Yesu ye min kɛ tuma min na mɔgɔw tun b’a fɛ ka a kɛ masakɛ ye. [Yuhana 6:​15 kalan.] Yesu ye i ɲɛsin ko dɔ ma min bɛ koɲuman kuntaalajan lase mɔgɔw ma. Nin gafenin bɛ kuma o ko kuntaalajan kan.

Réveillez-vous ! 8 mai

[N’i ye mɔgɔw fo kaban i bɛ se k’a fɔ ko:]Mɔgɔ caman bɛ gɛlɛyaw sɔrɔ u ka baarada la. Dɔw ka baarakɛɲɔgɔnw de bɛ tɔɔrɔ da u kan. Yali i tun b’a dɔn ko laadili kuma bɛ Bibulu kɔnɔ min bɛ mɔgɔ dɛmɛ ka o gɛlɛya suguw kunbɛn wa? [Jaabi makɔnɔ. O kɔ Ntalenw 15:​1 kalan ani a jira sabali bɛ se ka baara ɲuman min kɛ.] Nin gafenin bɛ laadili kumaw di minnu b’an dɛmɛ ka bɛn sigi an ni mɔgɔ wɛrɛw cɛ baarada la.