Sɔn-ni-sɔn gafeninw jiracogo

The Watchtower Apr. 15

“A bɛ i ko nijuguyakow bɛ ka caya ka taa a fɛ. [Ko min kɛra sigida la o fɔ, walima gafenin kɔnɔko dɔ fɔ.] Yala i delila k’i yɛrɛ ɲininka mun na mɔgɔ bɛ se ka juguya fo ka se nin hakɛ ma wa? [Jaabi makɔnɔ.] A fɔra Ala ka Kuma kɔnɔ ko nijuguya bɛna bonya ka taa a fɛ. [2 Timote 3:1-5 kalan.] Nin gafenin bɛ nin ɲininkali jaabi di an ma: ‘Yala nijuguya bɛna ban don dɔ la wa?’”

Awake! Apr.

“Bi bi in na, ni bangebaga caman bɛ dusu don u denw kɔnɔ tuma min na walisa u ka baara kɛ ka taa a fɛ lakɔli la, walima so kɔnɔ, u ka teli ka u denw ni den wɛrɛw sanga ɲɔgɔn ma. E fɛ, yala nafa bɛ o sangaɲɔgɔnma sugu la wa? [Jaabi makɔnɔ.] A lajɛ Sɛbɛnni senumaw bɛ min fɔ sangaɲɔgɔnma ko la. [Galasikaw 6:4 kalan.] Sangaɲɔgɔnma ka ɲi yɔrɔ min na ani a man ɲi yɔrɔ min na, nin barokun bɛ o ɲɛfɔ.” Barokun min bɛ ɲɛ 11nan daminɛ na, o jira.

The Watchtower May 1

“Densaya bɛ dusukasiba ni diminba de lase bangebagaw ma. E yɛrɛ fɛ, bangebagaw bɛ se k’u ɲɛsin min walisa ka dususaalo sɔrɔ? [Jaabi makɔnɔ. O kɔfɛ, Romɛkaw 15:5 kalan.] Mɔgɔ minnu denw sara, Ala bɛ olu dusu saalo sira minnu dɔw fɛ, nin gafenin b’o ɲɛfɔ.”

Awake! May

“Wari bɛ mɔgɔ dɔw bolo, k’a sɔrɔ mɔgɔ miliyɔn caman wɛrɛ bɛ yen, fɛn fosi t’u bolo. E fɛ, yala don dɔ an tɛna nin danfara suguw ye tuguni wa? [Jaabi makɔnɔ.] Mɔgɔ minnu ye faantan ye, a lajɛ Ala bɛ olu minɛ cogo min na. [Zaburu 22:25 kalan.] Ala ka Kuma bɛ jigiya min di faantan ma, nin gafenin bɛ o ɲɛfɔ.”