Sɔn-ni-sɔn gafenin jiracogo

La Tour de Garde 15 mars

[N’i ye mɔgɔw fo kaban i bɛ se k’a fɔ ko:] “A tun ka di an ye ka e wele walisa an ka jɛ ka Matigi ka surɔfana dumuni laada sirataama ɲɔgɔn fɛ Karidon Awirilikalo tile 4. [Ɲɛfɔli kɛ ni gafenin kɔfɛla sɛbɛnniw ye walima ni Hakilijigin welesɛbɛn dilannen dɔ ye. O kɔ Luka 22:​19 kalan.] Nin La Tour de Garde daminɛ kumaw b’a ɲɛfɔ kɔrɔ jumɛn bɛ nin ko in na ani a bɛ sirataama cogoya min na.”

Réveillez-vous ! 22mars

[N’i ye mɔgɔw fo kaban i bɛ se ka kasaarako dɔ lakali min bɛ mɔgɔw hakili la ka sɔrɔ ka ɲininkali kɛ ko:] “E ma deli ka i yɛrɛ ɲininka mun na Ala b’a to nin ko suguw ka kɛ wa? [Jaabi makɔnɔ. O kɔ Yakuba 1:​13 kalan i k’a ɲɛfɔ mun na tɔɔrɔ tɛ Ala nɔ ye.] Nin sigida in sɛbɛnna kɛrɛnkɛrɛnnenya la denmisɛnw kama, a b’a ɲɛfɔ mun na an Dabaga ma wuli hali bi ka dan bila mɔgɔw ka tɔɔrɔ la.”

La Tour de Garde 1er avril

[N’i ye mɔgɔw fo kaban i bɛ se k’a fɔ ko:] Bibulu tɛmɛsiraw ka dɔgɔ ɲɛfɔlikumaw cayara minnu kɔrɔ kan ka “wara ka taamasiyɛn dogolen” tɛmɛsira bɔ. E delila ka o ko mɛn wa? [Jaabi makɔnɔ. O kɔ Jirali 13:16-​18 kalan.] Bibulu yɛrɛ de bɛ konɛgɛw di an ma, minnu bɛ an dɛmɛ ka o ko ɲɛdɔnbali faamu. Nin gafenin bɛ o konɛgɛw ɲɛfɔ an ye.”

Réveillez-vous ! 8 avril

[N’i ye mɔgɔw fo kaban i bɛ se k’a fɔ ko:] A ka gɛlɛn mɔgɔ caman bolo ka i deliko jugu bila, i na fɔ sigarɛtimin. E yɛrɛ fɛ mun bɛ se ka o mɔgɔ suguw dɛmɛ? [Jaabi makɔnɔ. O kɔ 1 Kɔrɛntekaw 10:13 kalan i k’a fɔ ko Ala b’a fɛ ka mɔgɔw dɛmɛ, minnu b’a fɛ u ko ka diya ale ye.] Nin gafenin in kɔnɔ, laadilikan jɔnjɔn bɛ yen min sinsinnen bɛ Ala ka Kuma kan. A bɛ se ka mɔgɔw dɛmɛ u ka se ka u deliko juguw kɛlɛ.”