Aw sen bɛ sokankɛlɛkɛlaw ka binkanni min na
1 “Mɛlɛkɛ wɔrɔnan ye a ka buru fiyɛ.” O kɔfɛ dɔrɔn “kɛlɛbolo sokankɛlɛkɛlaw” minnu hakɛ ye miliyɔn kɛmɛ fila ye, olu ye boli daminɛ ni mankan ye iko sanpɛrɛn. Nin ni kɛlɛbolo si bɔlen tɛ ɲɔgɔn fɛ. “Sow kunkolow bɔlen bɛ waraba kunkolo fɛ. Tasuma ni sisi ani kiribi bɛ bɔ u daw la. U kuw bɛ iko saw.” Nin kɛlɛbolo sokankɛlɛkɛlaw ye bisigiw ye minnu tɛmɛni bɛ tiɲɛniba to u kɔ. (Jir. 9:13-19) Yali i b’a dɔn i sen bɛ nin dakabana kirayako yelifɛn timɛni na cogo min na wa?
2 Mɔgɔ munnenw tɔ ani u taamaɲɔgɔnw, saga tɔw bɛ jɛn ka Ala ka kiri ko kuma fɔ bɛn kɔnɔ. O kɔ ye ko Kerecɛnte salen bɛ cogo min na alako ta fan, o bɛ jira cogo dafalen na. An ka ko fila lajɛ kiraya yeli ko la, minnu b’a jira mun na Ala ka baarakɛlaw ka waajuli baara bɛ ka ɲɛ sɔrɔ nin cogo la.
3 U degera, ani u ye dɛmɛ sɔrɔ Ala ka cikan laseli kama: Ala ka marako kalanso ani jɛkulu ka lajɛw sababu fɛ, Ala ka baarakɛlaw degera walisa u ka Ala ka cikan lase iko se dira mɔgɔ minnu ma. U bɛ Yesu ni a ka kalandenw ladege, ka taa mɔgɔw ɲini minnu ni a ka kan, ka waajuli kɛ, mɔgɔ-sɔrɔ-yɔrɔ bɛɛ la. (Mat. 10:11; Mar. 1:16; Luka 4:15; Kɛw. 20:18-20) Tiɲɛ na, Bibulu bɛ o waajuli kɛcogo min jira, a yera k’o ɲɔgɔn tɛ, k’o ka ɲi haali!
4 Kerecɛn ka cidenya baarakɛlaw ka baara kɔnɔna na, u ye Bibuluw, gafew, gafeninw, ani sɔn-ni-sɔn gafeninw miliyari caman bila mɔgɔw bolo. O sɛbɛnw bɔra kanw na minnu hakɛ ka surun 400 ɲɔgɔn na, ani u bɛ kuma fɛn caman kan minnu ɲɛfɔcogo ka di mɔgɔ sugu caman ye. Yali aw bɛ baara kɛ ni o waajuli-kɛ-minɛnw ye, cogo nafama na wa?
5 Ɲɛminɛ ani dɛmɛ ka bɔ sankolo la: Kirayako yelifɛn b’a jɛya fana ko kɛlɛbolo sokankɛlɛkɛlaw ka baara ye Ala ka dɛmɛ sɔrɔ. (Jirali 9:13-15) Waajulibaara fanba bɛ kɛ ni Ala ka hakili senu barika ye, a tɛ kɛ hadamadenw ka hakilitigiya wala u ka barika sababu fɛ. (Za. 4:6) Jehowa bɛ mɛlɛkɛw bila ka o baara ɲɛminɛ. (Jir. 14:6) O la sa, Jehowa bɛ dɛmɛ bɔ sankolo la ka fara a ka baarakɛlaw ka cɛsiriw kan walisa ka mɔgɔ majiginnenw lana ale yɛrɛ ma.—Yuhana 6:45, 65.
6 U degelen, ani u kɛlen ka dɛmɛ sɔrɔ ka ɲɛ walisa ka Ala ka kuma lase, ani mɛlɛkɛ ka ɲɛminɛ kɔnɔ, Jehowa ka baarakɛlaw ye fangaba ye min tɛ se ka lajɔ. An ka taga a fɛ k’an jɔyɔrɔ fa nin kiraya ko yelifɛn ko la.
[Study Questions]
1, 2. Cogo jumɛn na Ala ka baarakɛlaw sen bɛ kirayako yelifɛn timɛli la, iko a ɲɛfɔra cogo min na Jirali 9:13-19 la?
3. I degera ka Ala ka cikan lase cogo nafama na, cogo di?
4. Baarakɛminɛn jumɛn bɛ yen weleweledala caman bolo ni o b’u dɛmɛ k’u ka baara kɛ?
5, 6. Mun b’a jira ko Jehowa ka jamakulu bɛ ni dɛmɛ ye ka bɔ sankolo la?