Hakilijigin don ɲɛsigikow

Ɲinan Hakilijigin bɛ bɛn Karidon ma, Awirilikalo tile 4. Maakɔrɔw ka kan k’u hakili to nin fɛnw na:

◼ U ka lajɛ waati sigi ka ɲɛ walisa taamasiyɛnw kana tɛmɛ fo tile binnen kɔfɛ.

◼ Mɔgɔ bɛɛ ka kan ka ladɔnniya lajɛ kɛwaati ni a kɛyɔrɔ jɔnjɔn la, kumakɛla sen b’o la.

◼ Nbuuru ni duwɛn sugu minnu bɛnnen don, olu ka kan ka labɛn ka bila.​—San 2003 Feburuyekalo tile 15 La Tour de Garde ɲɛw 14-​15 lajɛ.

◼ Asiyɛtiw, wɛrɛw, tabali ani tabali fini minnu ka ɲi, olu ka kan ka na bila joona lajɛ kɛyɔrɔ la.

◼ Masaya So, walima lajɛ bɛna kɛ yɔrɔ min na, o yɔrɔw ka kan ka saniya ka ɲɛ joona.

◼ Mɔgɔ kunbɛnbagaw ani taamasiyɛnw latɛmɛbagaw ka kan ka kɔn ka sugandi. Ɲɛfɔli ka kan ka di u ma u ka baara kɛtaw n’a kɛcogo ɲuman kan, wa, fini ni kun labɛncogo minnu bɛ bonya da mɔgɔ kan, u ka kan ka ɲɛfɔli sɔrɔ o fana kan.

◼ Ni mɔgɔ munnen dɔ ye dɛsɛbagatɔ ye farikolo ta fan fɛ, n’a tɛ se ka na Hakilijigin na, labɛnw ka kan ka kɛ walisa a ka taamasiyɛnw sɔrɔ.

◼ Ni jɛkulu caman ka Hakilijigin lajɛ bɛna kɛ Masaya so kelen kɔnɔ, u ka kan ka kow labɛn cogo ɲuman na u ni ɲɔgɔn cɛ, walisa mɔgɔw kana ɲɔgɔn degun fu donda la walima tɛmɛsira la, sennamɔgɔw tɛmɛyɔrɔ la, ani bolifɛn jɔyɔrɔ la.