Hakilijigin don ɲɛsigikow

Ɲinan Hakilijigin bɛ kɛ Arabadon, Awirilikalo tile 12. Maakɔrɔw ka kan k’u hakili to nin fɛnw na:

◼ U ka lajɛ kɛwaati sigi ka ɲɛ walisa taamasiyɛnw kana tɛmɛ fo tile binnen kɔfɛ.

◼ Mɔgɔ bɛɛ ka kan ka ladɔnniya lajɛ kɛwaati ni a kɛyɔrɔ jɔnjɔn la, Hakilijigin jɛmukan fɔbaga sen b’o la.

◼ Nbuuru ni duwɛn sugu minnu bɛnnen don, olu ka kan ka labɛn ka bila.​—San 2003 Feburuyekalo tile 15 La Tour de Garde ɲɛw 14-15 lajɛ.

◼ Asiyɛtiw, wɛrɛw, tabali ani tabali kunna fini minnu ka ɲi, kɔn ka kan ka kɛ ka olu bila lajɛ kɛyɔrɔ la, ka u labɛn.

◼ Masaya so, walima lajɛ bɛna kɛ yɔrɔ min na, o yɔrɔw ka kan ka kɔn ka saniya ka ɲɛ.

◼ Mɔgɔ kunbɛnbagaw ani taamasiyɛnw latɛmɛbagaw ka kan ka kɔn ka sugandi. Ɲɛfɔli ka kan ka kɔn ka kɛ u ye, u ka baara kɛtaw n’a kɛcogo ɲuman kan, wa, u ka fini ani u kun labɛncogo minnu bɛ bonya da Hakilijigin kan, o ka ɲɛfɔ fana u ye.

◼ Ni mɔgɔ munnen dɔ ye dɛsɛbagatɔ ye farikolo ta fan fɛ, n’a tɛ se ka na Hakilijigin na, labɛnw ka kan ka kɛ walisa a ka taamasiyɛnw sɔrɔ.

◼ Ni jɛkulu caman ka Hakilijigin lajɛ bɛna kɛ Masaya so kelen kɔnɔ, u ka kan ka kow labɛn cogo ɲuman na u ni ɲɔgɔn cɛ, walisa mɔgɔw kana ɲɔgɔn degun fu donda la, sennamɔgɔw tɛmɛsira kan, ani bolifɛnw jɔyɔrɔ la.