Baara ka Lajɛ Bolodasira

Awirilikalo tile 8 nan dɔgɔkun

Dɔnkili 39

Sanga 13: Ladɔnniyaliw k’a ɲɛsin sigida ma. Ladɔnniyali latɔmɔnenw ka bɔ An ka Masaya Cidenyabaara kɔnɔ. Sɔn-ni-sɔn gafenin kuraw jiracogo fila labɛn. I sinsin hakililaw kan minnu bɛ kalo in, walima kalo tɛmɛnnen ka An ka Masaya Cidenyabaara sɛbɛn kɔnɔ, sɔn-ni-sɔn gafeninw jiracogo yɔrɔ la. Gafeninw jiracogo kelen-kelen na, fɛɛrɛ fila jira minnu tɛ kelen ye, n’o bɛ se ka baro kɔkarikuma in jaabi: Ni mɔgɔ dɔ ko: “Ne bɛ diinɛ dɔ la.”—Comment raisonner (Hakilijakabɔ) gafe, ɲɛw 18-19 lajɛ.

Sanga 12: Sigida magow.

Sanga 20: “Koɲuman kɛ mɔgɔ bɛɛ ye.”a Ɲininkaliw ni jaabiw baro kɔfɛ, kuma di weleweledala kelen, walima fila ma, u k’a fɔ u ye dɔ fara u ka cidenyabaara kan cogo min na.

Dɔnkili 157 ani kuncɛli delili.

Awirilikalo tile 15 nan dɔgɔkun

Dɔnkili 101

Sanga 10: Ladɔnniyaliw k’a ɲɛsin sigida ma. Jatew dantigɛli.

Sanga 15: Tutigɛbagaw bɛ taga a fɛ ka tɔw dɛmɛ. Baara lakɔlɔsibaga, jɛkulu gafe kalan lakɔlɔsibaga kelen, tutigɛbaga dɔ, ani weleweledala dɔ bɛ jɛ ka baro kɛ ɲɔgɔn fɛ jama ɲɛfɛ. Baara lakɔlɔsibaga de bɛ baro ɲɛminɛ. Ko min sigira sen kan, n’o ye ko tutigɛbagaw bɛ tɔw dɛmɛ, Baara lakɔlɔsibaga bɛ kuma o kan iko a sɛbɛnnen bɛ cogo min na san 1998 Sɛtanburukalo An ka Masaya Cidenyabaara ɲɛ 4 nan na. (San 1999 Marisikalo Cad ni Santirafriki ta la) O kɔ, a bɛ kuma u kelen-kelen bɛɛ fɛ, k’a jira u la u jɔyɔrɔ ye min ye o baara bolodalen na, ani o baara bɛ a kuntilenna dafa cogo min na. Mun kɛra walasa o baara ka taa ɲɛ? Baara lakɔlɔsibaga b’a fɔ weleweledalaw bɛɛ ye ko ni u b’a fɛ ka dɛmɛ sɔrɔ cidenyabaara la, u k’a fɔ a ye. Mɔgɔ minnu ye dɛmɛ sɔrɔ ka kɔrɔ, olu fana bɛ se ka dɛmɛ kokura cidenyabaara kɛcogo wɛrɛ la.

Sanga 20: “Nisɔndiya min bɛ a la ka cidenyabaara kɛ waati dafalen na.”b Dusu don denmisɛnw kɔnɔ u ka tutigɛbaga farankan sɛbɛn lafa walasa u ka kɛ tutigɛbaga farankan ye lakɔlibila waati la.

Dɔnkili 199 ani kuncɛli delili.

Awirilikalo tile 22 nan dɔgɔkun

Dɔnkili 90

Sanga 10: Ladɔnniyaliw k’a ɲɛsin sigida ma. I sinsin hakililaw kan minnu bɛ kalo in, walima kalo tɛmɛnenw ka An ka Masaya Cidenyabaara sɔn-ni-sɔn gafeninw jiracogo yɔrɔ la. Cidenyabaara maganna dɔ bɛ ɲɛjirali kɛ La Tour de Garde limero kuraw kan; ani an balimamuso dɔ bɛ ɲɛjirali kɛ Réveillez-vous! limero kuraw kan. Kumajiracogo kelen-kelen bɛɛ kɔfɛ, segin kuma daminɛw kan minnu y’a to sɛbɛnw diyara an barokɛɲɔgɔn ye.

Sanga 15: Aw ye na lɛrɛ la. Jɛmu don. Baara minnu sirilen bɛ an ka bato, n’an ka wajuli la, olu ye sɛbɛkow ye, minnu bɛ ‘waati latigɛlen’ wajibiya. (Waaj. 3:⁠1) Ko minnu sigira sen kan ala-ka-marako ta fan fɛ, an b’a fɛ ka ala-ka-marako nafaw bɛɛ sɔrɔ. Ni waati sigilen sera dɔrɔn, jɛkulu ka lajɛw, ani jɛkulu ka foro baara lajɛw ka kan ka daminɛ o yɔrɔnin bɛɛ la. Ni Jehowa b’a ka ko latigɛlenw dafa, a tɛ waati jɛ abada. (Hab. 2:⁠3) Yali an ka kan ka o yɔrɔ baara wa? Tuma dɔw la, waati bɛ se ka mɔgɔ minɛ k’a sɔrɔ a seko tɛ o la. Nka, ni an ye an ka kow labɛn ka ɲɛ, a kun tɛ waati ka an minɛ tuma bɛɛ, ka na tuma min na lajɛw daminɛ dɔnkili ni a delili kɔfɛ, walima ka na foro baara ka lajɛ bannen kɔfɛ. Fɛɛrɛ minnu bɛ se ka tigɛ walasa an ka jogo ɲumanw ta minnu b’a to an bɛ se ka na lɛrɛ la Alako baaraw bɛɛ la, i ka baro kɛ o fɛɛrɛw kan.—San 1990 Zuwɛnkalo tile 15 La Tour de Garde ɲɛw 29 nan lajɛ.

Sanga 20: “Yali i b’i timinandiya ka kalanjɛ ni sɛbɛnni kɛ wa?”c Ala-ka-marako lakɔlɔsibaga, walima maakɔrɔ wɛrɛ bɛ o kɛ. A bɛna o ɲɛfɔ ka ɲɛ ka kɛɲɛ ni sigida magow ye. Ɲininkaliw ni jaabiw baro kɔfɛ, weleweledala kelen, walima fila minnu ye kalanjɛ ni sɛbɛnni dege o cogo fɛ, a bɛ olu ɲininka. O weleweledalaw bɛ u ka nisɔndiya ni u ka waleɲumandɔn jira o ko sigilen ko la. Walasa ka kunnafoni wɛrɛw sɔrɔ o ko la, ani mɔgɔ wɛrɛw ko la, Les Témoins de Jéhovah et l’instruction gafenin ɲɛ 10-13, ani san 2000 Desanburukalo tile 22 Réveillez-vous! ɲɛw 8 ni 9 nan lajɛ. Fɛɛrɛ minnu tigɛra kalanjɛ ni sɛbɛnni ko la jɛkulu kɔnɔ, olu fɔ.

Dɔnkili 191 ani kuncɛli delili.

Awirilikalo tile 29 nan dɔgɔkun

Dɔnkili 162

Sanga 10: Ladɔnniyaliw k’a ɲɛsin sigida ma. Weleweledala bɛɛ hakili jigin u k’u ka Awirilikalo foro baara dantigɛli sɛbɛnw di.

Sanga 15: “Masaya wajuli bɛ mɔgɔw dɛmɛ u ka kisi sɔrɔ.”d A ɲini lamɛnbagaw fɛ, u k’a ɲɛfɔ Bibulu tɛmɛsira minnu dira, olu ni barokun bɛ tali kɛ ɲɔgɔn na cogo min na.

Sanga 20: Ɲinini bɛ kɛ cogo min na Comment raisonner gafe kɔnɔ. Baro bɛ kɛ lamɛnbagaw fɛ. Ɲininkali minnu bɛ lawuli tuma caman na cidenyabaara la, olu jiralen tɛ Comment raisonner gafe “Table des matières” kɔnɔ (ɲɛ 5 la). Indɛxi min bɛ ɲɛw 439-45 la, o nafa ka bon kosɛbɛ walasa ka se ka Bibulu tɛmɛsira sɔrɔ minnu bɛ an ka dannayakow sɛmɛntiya. A ɲini lamɛnbagaw fɛ u ka ɲininkali nataw jaabi sɔrɔ, u kɛtɔ ka ɲinini kɛ daɲɛ jukɔrɔ min sɛbɛnnen bɛ italiki la. O ɲininkaliw filɛ: Krecɛn bɛ mun miiri darapo ani himu national ko la? Mun na Ala b’a to kasaarakow ka kɛ? Bibulu bɛ mun fɔ furusa ko la, i bɛ se k’o ɲɛfɔ cogo di? Mun na, ani tuma jumɛn an balimamusow ka kan k’u kunkolo datugu? Denbaw ka san ɲɛnajɛ don, o bɔra min? An b’a dɔn cogo di ko mɔgɔ 144 000 hakɛ min fɔra Bibulu kɔnɔ, ko o ye hakɛ ye min ka kan ka faamu a kɔrɔjɛ la? Maana min fɔra nafolobatigi ni Lazari ko la, o kɔrɔ ye mun ye? I ka dusu don mɔgɔ kelen-kelen bɛɛ kɔnɔ, u ka baara kɛ ni Comment raisonner gafe ye cidenyabaara la.

Dɔnkili 28 ani kuncɛli delili.

Mɛkalo tile 6 nan dɔgɔkun

Dɔnkili 141

Sanga 10: Ladɔnniyaliw k’a ɲɛsin sigida ma. Baro kɛ “Nafa sɔrɔ La Tour de Garde ani Réveillez-vous! la ka taga a fɛ”.

Sanga 10: I bɛna baara minnu kɛ lakɔlibila waati la, olu boloda. Jɛmu don, ani baro bɛ kɛ lamɛnbagaw fɛ. Ko minnu bɛ deli ka boloda lakɔlibila waati la, i k’olu fɔ: Ka taa kafo, kafoba ni don kelen jamalajɛw la, ka kɛ tutigɛbaga farankan ye kalo kelen, walima kalo damadɔw kɔnɔ, ani k’i ka so yɔrɔw dilan, laala k’i ɲɛnajɛ fana. A ɲini weleweledala damadɔw fɛ u k’a fɔ u ye ko minnu boloda k’a kɛ lakɔlibila waati la, ani u bɛna min kɛ walasa u kana denbaya ka Bibulu kalan, jɛkulu ka lajɛw, ani foro baara kɛ bolokɔfɛkow ye, hali ni u bɛ taa taama na yɔrɔ dɔ la. Ni jɛkulu ka wajulikɛyɔrɔ dɔ bɛ yen min tɛ baara fo tuma kelen-kelen, fɛɛrɛ minnu tigɛra walasa ka o yɔrɔ baara koɲuman, i k’o fɔ. Nafa min b’a la u k’u ka baara dantigɛli sɛbɛn di gafe kalan lakɔlɔsibaga ma, a kɛra u bɛ na jɛkulu la, walima u taara taama na, weleweledalaw hakili jigin o la.

Sanga 25:  “Denbayaw bɛ se ka basigi alako la cogo di?”e I kɛlen kɔ ka baro kɛ o kan, i ka ko kɛlen nafama dɔw fɔ minnu bɛ sɔrɔ san 1999 Feburuyekalo tile 15 La Tour de Garde ɲɛw 10-12 la.

Dɔnkili 17 ani kuncɛli delili.

[Footnotes]