‘Se bɛ Ala ka Kuma ye’
1 Ciden Pol y’a sɛbɛn ko “Ala ka Kuma ɲɛnama don, a ka teli [“se b’a ye”, New World Translation, NW].” (Heb. 4:12) A tun b’a fɛ ka mun fɔ? Ala ka kuma, walima a ka cikan min bɛ Bibulu kɔnɔ, o bɛ se ka nɔba bila mɔgɔw la. Hakilitigiya min bɛ Bibulu kɔnɔ, se bɛ o ye ka yɛlɛma don mɔgɔ ka diɲɛnatigɛ la k’a fisaya. A bɛ dusu saalo ni jigi min di, o bɛ mɔgɔw ɲɛsin ɲɛnamaya Dibaga ma, n’o ye Jehowa Ala ye. A ka cikan bɛ se ka dusu tilennen tigiw bila ka ɲɛnamaya banbali sira ta. Nka, walasa o nɔw ka ye, an ka kan ka baara kɛ ni Bibulu ye n’an bɛ seereya kɛ tɔw ye tuma min na.
2 I mana a cogo sɔrɔ tuma o tuma, i ka Bibulu tɛmɛsira dɔ kalan: A kɔlɔsira ko weleweledala yirika ye delina bila min ye ka baara kɛ ni Bibulu ye da ni da la. Yali o ye e ko ye wa? Ikomi a bɔlen b’a fɛ ko baro jan waati tɛ mɔgɔw bolo, a dɔ rɔ i ka delina nana kɛ sɛbɛnw dɔrɔn jirali ye, walima kitabu kumaw fɔli ye i kun fɛ sanni i k’u kalan. Hali n’a kɛra Bibulu tɛmɛsira kelen ye, an bɛ dusu don weleweledalaw la u k’u sɛbɛkɔrɔ-jija ka o kalan tuma min na u bɛ kibaru duman kofɔ. O cogo b’a to mɔgɔw k’a ye ko tiɲɛ na an ka cikan sinsinnen don Ala ka Kuma kan.
3 Hali ni mɔgɔ damadɔw dɔrɔn de ka delina ye ka Bibulu kalan, jama fanba b’a bonya. Hali mɔgɔ bolo degunnenw na sanga damadɔw ta ka Ala ka Kuma kɔnɔ cikan kalanni lamɛn. Ni tɛmɛsira bɛnnen kalanna ni dusumandiya ye, ka tila ka ɲɛfɔli surun da o kan, Jehowa ka kuma bɛ se ka nɔ ɲuman to lamɛnbaga la. Nka, i bɛ se cogo di k’i ka kuma kuntigɛcogo ni Bibulu tɛmɛsira kalanta bɛn ɲɔgɔn ma?
4 Nin sifilɛ n’i bɛ baara kɛ ni sɔn-ni-sɔn gafeninw ye: Lakɔlɔsibaga taamakɛla dɔ bɛ baara kɛ ni Bibulu ye n’a bɛ sɔn-ni-sɔn gafeninw jɛnsɛn tuma min na. A bɛ Bibulu fitinin bila a jufa kɔnɔ. A kɛlen kɔ ka sɔn-ni-sɔn gafeninw ni barokun dɔ jira, a tɛ tamaki ka Bibulu dayɛlɛ ka tɛmɛsira dɔ kalan min bɛnnɛn don barokun ma. O bɛ se ka kɛ ni nin ɲininkali nɔgɔnman ye, ko: “I bɛ mun miiri nin dusulamin layidu ko la?” O kɔfɛ, tɛmɛsira sugandilen bɛ se ka kalan.
5 I k’a kɛ i kuntilenna ye ka tɛmɛsira kelen walima fila kalan lamɛnbaga kelen-kelen bɛɛ ye. Se min bɛ Bibulu ye ka ŋaniya ɲuman don mɔgɔ la, o bɛ se ka cogo di mɔgɔ caman ma u k’u ɲɛsin Ala ma.—Yuh. 6:44.