Baara ka Lajɛw Bolodasira

HAKILIJIGINNAN: Baara ka Lajɛ kelen na boloda dɔgɔkun kelen-kelen bɛɛ la An ka Masaya Cidenyabaara kɔnɔ kalow la kafoba ka jamalajɛ na kɛ minnu na. Jɛkuluw ka kan ka yɛlɛma minnu don o la, u k’u kɛ walasa u ka se ka ye kafoba ka jamalajɛ kɛnɛkan min tɔgɔ ko “Ala ka Kuma Karamɔgɔw.” Baara ka Lajɛ laban na ka kɔn jamalajɛ ɲɛ, sanga 15 ta walasa ka segin laadilikanw kan minnu bɛ o kalo ka farankan kɔnɔ. I k’o laadilikanw bɛn sigida ko ma. Dɔgɔkun min dalen bɛ kafoba ka jamalajɛ dɔgɔkun kan, Baara ka Lajɛ mumɛ bɛna bila walasa ka segin jamalajɛ yɔrɔkolomaw kan. O baro labɛn kama, an bɛɛ kelen-kelen bɛ se ka hakilila nafama dɔw sɛbɛn n’an bɛ taa jamalajɛ la. An b’a fɛ ka fɛn minnu waleya an yɛrɛw ka diɲɛnatigɛ la, walima foro kɔnɔ, olu b’o hakilila nafama sɛbɛntaw la. O cogo la, an ye o hakililaw waleya cogo min na kabini jamalajɛ kɛtuma na, an bɛ se k’an labɛn k’o ɲɛfɔ. An bɛna nafa min bɔ kalan ɲuman sɔrɔlen na, ka mɔgɔ wɛrɛ lamɛn o ɲɛfɔli la, o bɛna kɛ ɲɔgɔn jijali ko ye.

Mɛkalo tile 14 nan dɔgɔkun

Dɔnkili 3

Sanga 6: Ladɔnniyaliw ka ɲɛsin sigida ma. Ladɔnniyali latɔmɔnenw ka bɔ An ka Masaya Cidenyabaara kɔnɔ. I ka sanfɛ hakilijiginnan mafilɛ min ɲɛsinnen don yɛlɛmaw ma minnu bɛna don Baara ka Lajɛw la. I ka fɛn fana lajɛ min bolodalen don Baara ka Lajɛ kama, tuma min na segin bɛna kɛ kafoba ka jamalajɛ yɔrɔkolomaw kan.

Sanga 9: I ye mun boloda sɛgɛnnabɔ waati kama? U ye min boloda sɛgɛnnabɔ waati kama, maakɔrɔ walima cidenyabaara maganna dɔ n’a ka denbaya bɛ baro kɛ o kan. U bɛ kuma tutigɛbaga farankanw baara kan, ani ɲɛnajɛ dɔw ko la. U bɛ bɛn a kan ko hali n’u bɛ taama la yɔrɔ wɛrɛ la, u tɛna ala-ka-marako baaraw kɛ bolokɔfɛkow ye, i n’a fɔ jɛkulu ka lajɛw, wajuli ani denbaya ka Bibulu kalan. U bɛ so wo, u bɛ taama na wo, u bɛna jɛya a la k’u y’u ka foro baara dantigɛli sɛbɛn di sɛbɛnnikɛla ma joona.

Sanga 14: “Jamalajɛw ye nisɔndiya waati ye.” Jɛmu don min bɛ kɛ maakɔrɔ dɔ fɛ. I k’a ɲɛfɔ kun min na Jehowa ka jama ka ɲɔgɔn lajɛw tun bɛ kɛ Bibulu kɔnɔmɔgɔw tile la, ani nafa min b’u la fana bi. O lajɛw ye ɲɔgɔn jijali waatiw ye, ani dumuni nafama sɔrɔ tumaw ye. An bɛɛ kelen-kelen taali kafoba ka jamalajɛ la, a tile saba bɛɛ la, nafa min b’o la, i k’i sinsin o kan.

Sanga 16: “A labɛnna ‘cogo bɛnnen na ani a ko ɲɛnabɔlen koɲuman.’ ”a Fɛɛrɛba minnu ka kan ka tigɛ walasa jamalajɛ ka kɛ, i k’o dɔw ɲɛfɔ. Kɛcogo minnu sigira sen kan an nafa kama, i k’i sinsin a kan k’a jira k’a nafa ka bon bɛɛ k’o kɛcogow labato. An bɛɛ kelen-kelen bɛ se ka bonya jira cogo minnu fɛ ani k’an tanga gɛlɛyaw ma minnu bɛ se ka bali, i k’olu fɔ.

Dɔnkili 31 ani kuncɛli delili.

Mɛkalo tile 21 nan dɔgɔkun

Dɔnkili 52

Sanga 10: Ladɔnniyaliw ka ɲɛsin sigida ma. Jatew dantigɛli.

Sanga 17: “Lamɛnni kɛ ka dɔ fara i ka dɔnniya kan.” Jɛmu ni jama fɛ baro. I k’a ɲɛfɔ mun kama jamalajɛ la kalan ye alako dumuni nafama ye an mago bɛ min na. Waati camanba ni cɛsiri minnu kɛra walasa ka nin kalan labɛn, i ka ɲɛfɔli kɛ o kan. Bɛɛ kelen-kelen bɛ se ka min kɛ walasa a ka tɔnɔ nafama bɔ kalan na a yɛrɛ ni mɔgɔ tɔw ye, i k’a ɲini jama fɛ, a ka dɔ fɔ o la. I k’i sinsin daliluw kan, dalilu minnu kosɔn an ka kan ka sɔrɔ an sigiyɔrɔw la kalan kɛtuma kelen-kelen bɛɛ daminɛ tuma na.

Sanga 18: “I ka ko ɲuman kɛ, i na tanu!”b I k’a ɲɛfɔ mun kama mɔgɔw b’an lakɔlɔsi kosɛbɛ n’an bɛ jamalajɛw la. An filɛbagaw bɛ kuma ɲuman minnu fɔ an ko la, o bɛ dɔ fara Masaya seereya kɛli kan, k’a sɔrɔ kɔrɔfɔlikanw bɛ mɔgɔw mabɔ an na. I k’i da se fɛn kɛrɛnkɛrɛnnenw ma an ka kan ka minnu kɛ walasa k’a jira k’an ye Krecɛn jogo ɲuman tigiw ye, n’u b’u mago don tɔw la ni kɔnɔnajɛya ye.

Dɔnkili 105 ani kuncɛli delili.

Mɛkalo tile 28 nan dɔgɔkun

Dɔnkili 58

Sanga 13: Ladɔnniyaliw ka ɲɛsin sigida ma. Weleweledalaw hakilijigin u k’u ka Mɛkalo foro baara dantigɛli sɛbɛn di. Ɲininkaliw jaabi.

Sanga 15: Sigida magow.

Sanga 17: ‘Se bɛ Ala ka Kuma ye.’c I ka ɲɛjirali fila kɛ minnu labɛnnen don koɲuman, k’a jira cogo min na kuma kuntigɛcogo surunw bɛ se ka mɔgɔ hakili sin Ala ka Kuma na.

Dɔnkili 79 ani kuncɛli delili.

Zuwɛnkalo tile 4 nan dɔgɔkun

Dɔnkili 100

Sanga 12: Ladɔnniyaliw ka ɲɛsin sigida ma, ani foro baara senfɛ kow.

Sanga 15: “I seko bɛɛ kɛ sumantigɛ la.”d N’i sera dakun 4 nan ma, i ka misali fɔ, misali min bɛ san 1996 Sɛtanburukalo tile 15 La Tour de Garde kɔnɔ, a ɲɛ 19, dakun 10 nan, k’a jira dɔw bɛ min kɛ walasa k’u ka cidenyabaara yiriwa.

Sanga 18: “An y’an ka wajulikɛyɔrɔ baara siɲɛ caman!”e Baara lakɔlɔsibaga de bɛ nin ɲɛminɛ. (Jɛkulu minnu ka wajulikɛyɔrɔ tɛ baara ka caya, olu bɛ se ka segin barokun kan, “Sɔn-ni-sɔn gafeninw bɛ Masaya kofɔ,” min bɛ sɔrɔ san 1998 Awirilikalo ka An ka Masaya Cidenyabaara kɔnɔ.) Fɛn min bɛ se ka kɛ sigida la walasa ka wajulikɛyɔrɔ baara kosɛbɛ a kɛtuma na, i ka baro kɛ o kan. Ko minnu ɲɛfɔlen don san 1997 Annuaire kɔnɔ, a ɲɛ 204 nan na, ani san 1996 Feburuyekalo tile 15 La Tour de Garde kɔnɔ, a ɲɛ 26 nan na, i k’olu lakali. Ka mɔgɔw ka du-ni-du kunnafoniw sɛbɛn ka ɲɛ, ka taa bɔ mɔgɔ ye minnu tun tɛ so ani ka segin-ka-bɔnyew kɛ joona, nafa min bɛ u kɛli la, i k’i sinsin o kan.

Dɔnkili 142 ani kuncɛli delili.

[Footnotes]