An ka tɔw dɛmɛ ka ye lajɛw kɛnɛkan
1 “An teriw fɛn o fɛn bɛ sigida la . . . min b’a kanu ka ye lajɛw kɛnɛkan, an b’u wele u la ni ɲumanya ye.” Kabini o wele datuma na san 1880 Nowanburukalo la Phare de la Tour de Sion sɛbɛn sababu fɛ, Jehowa Seerew kɔrɔtɔlen bɛ ka mɔgɔw wele u ka lajɛw la walasa u ka kalan Bibulu la. (Jir. 22:17) O kalancogo ye bato lakika kisɛyɔrɔ ye.
2 Nafaba b’a la ka ye lajɛw kɛnɛkan: N’an bɛ jɛkulu ka jɛɲɔgɔnya diya dɔn, o bɛ na ni dubaw ye. An bɛ se k’an ka Ala ɲumanba, Jehowa dɔn ka ɲɛ. Jɛkulu la, an lajɛlen bɛ walasa ‘ka kalan Jehowa fɛ.’ (Esa. 54:13) A ka jɛkuluba bɛ ko kalantaw boloda cogo kɔtigɛbali la mɔgɔw kalanni kama Bibulu la. O de b’a to an ka magɛrɛ Ala la, wa, dɛmɛ waleyata fana bɛ di ten walasa an ka se ka ‘Ala ka laadilikan bɛɛ’ sirataama. (Kɛw. 20:27, Traduction du monde nouveau, NW; Luka 12:42) Lajɛw bɛ mɔgɔ kelen-kelen dege walasa a ka se mɔgɔ kalanni na Ala ka Kuma na. Bibulu ka hakilijiginnanw b’an dɛmɛ k’an ni tɔw teriya sɛbɛ sinsin, k’an ni Jehowa yɛrɛ cɛ sira diya fana dɔn. Ka mɔgɔw matarafa minnu bɛ Ala kanu, o b’an ka dannaya lasabati.—Rom. 1:11, 12.
3 An ka sin ka wele da: Kabini Bibulu kalan fɔlɔ kɛwaati la, i ka Bibulu kalanden bɛɛ kelen-kelen wele lajɛw la. I kɛtɔ ka dusulamin ko fɔ a ye, i ye min mɛn lajɛ tɛmɛnen na, ka ko wɛrɛ fɔ a ye min bɛna mɛn lajɛ nata la, i na lajɛ taali dusu don a kɔnɔ. I ka Masaya So cogo fɔ a ye, k’a sɔrɔsira jɛya a ye.
4 Hali ni kalanden tɛ teliya ka taa lajɛw la, i ka to k’a wele u la. I ka sanga damadɔw ta dɔgɔkun o dɔgɔkun walasa k’a jira a la an ka jɛkuluba bɛ baara kɛ cogo min na. I ka baara kɛ ni Unis pour faire la volonté de Dieu gafenin ani Les Témoins de Jéhovah: un nom, une organisation videyo kasɛti ye walasa a ka se ka ladɔnniya anw ani an ka lajɛw la. I ka na ni weleweledala wɛrɛw ye ka bɔ a ye walasa a k’u fana dɔn. K’i to delili la, i ka Jehowa fo jɛkuluba la k’a fɔ fana ko kalanden mago b’a la ka jɛkuluba ka jɛɲɔgɔnya diya dɔn.
5 I kana siga ka magojirabaga kuraw dɛmɛ ka ye an ka lajɛw kɛnɛkan. U ka waleɲumandɔn mana bonya Jehowa fan fɛ, u bɛna bila ka fɛn kalannenw sirataama, k’u sen don Ala ka jɛkuluba bɛnnen na.—1 Kɔr. 14:25.