“Ala fɛ, fɛn bɛɛ bɛ se ka kɛ”
1 Krecɛn jɛkulu ka baara fɔlɔ ye ka Masaya cikan weleweleda diɲɛ yɔrɔ bɛɛ la. (Mat. 24:14) O ye koba ye min ka kan ka kɛ. An kɔlɔsibaga caman fɛ, o bɛ fɛn wajibiya min bɛ tɛmɛ an sekow kan. Mɔgɔ wɛrɛw bolo, o ci kɛli bɛ i n’a fɔ ko kɛbali bawo mɔgɔw b’an ɲagaribɔ, k’an kɛlɛ, k’an tɔɔrɔ. (Mat. 24:9; 2 Tim. 3:12) Mɔgɔ minnu bɛ siga don kow la, olu fana daŋaniyalen b’a la k’o baara ye fɛn ye min tɛ se ka kɛ. O n’a ta o ta, Yesu ko: “Ala fɛ, fɛn bɛɛ bɛ se ka kɛ.”—Mat. 19:26.
2 Misali ɲuman minnu ka kan ka ladege: Yesu y’a ka cidenyabaara daminɛ tuma min na, a tun bɛ iko cɛ kelen diɲɛ mumɛ kama. Walasa k’a bali a ka taɲɛ sɔrɔ a ka cidenyabaara la, an bɛ se ka mafiyɛnyaliko fɛn o fɛn miiri, a kɛlɛbagaw y’o de da a kan. U labanna k’a ɲangi ni saya jugu ye. O bɛɛ n’a ta, a laban na, Yesu y’a fɔ ni daŋaniya ye ko: “Ne ye se sɔrɔ diɲɛ kan.” (Yuh. 16:33) Tiɲɛ na, o tun ye dakabanakoba ye dɛ!
3 Yesu ka kalandenw ye o kisɛya n’o timinandiya kelen de jira Krecɛn ka cidenyabaara la. Caman gosira, ka fili kaso la, ka faga. Nka, ‘u ɲagalila, k’a masɔrɔ u y’a jate bonya ye ka maloya sɔrɔ ale tɔgɔ kosɔn.’ (Kɛw. 5:41) Hali n’a y’a sɔrɔ k’a tun bɛ i n’a fɔ u tun tɛ se k’o kɛ, u ye kibaru duman weleweledali baara kɛ ‘fo ka taa se dugukolo dan bɛɛ ma.’— Kɛw. 1:8; Kol. 1:23.
4 An bɛ taɲɛ sɔrɔ cogo min na bi: An fana bɛ se ka Masaya weleweledali baara kɛ ni timinandiya ye k’a sɔrɔ an bɛ gɛlɛyaw kɔnɔ minnu bɛ iko fɛn minnu tɛ se ka kunnasagon. Hali ni baliw, tɔɔrɔw, kasolabilaw ni fɛn jugu wɛrɛw bɛ ka kɛ walasa k’an ka baara jɔ, o bɛɛ n’a ta, an bɛ taɲɛ sɔrɔ. O bɛ se ka kɛ cogo di? “Kɛlɛbolotigi Jehowa ko: ‘Kɛlɛbolo fanga tɛ, sebagaya tɛ, nka ne ka hakili senu don.’ ” (Zak. 4:6) Ka Jehowa to an kɔfɛ, fɛn si tɛ se k’an ka baara jɔ.—Rom. 8:31.
5 N’an bɛ ka wajuli kɛ, kun si t’an bolo ka maloya, walima ka siran, walima yɛrɛ ka miiri k’an tɛ se. (2 Kɔr. 2:16, 17) Kun ɲɛnamaw b’an bolo k’an teliya Masaya kibaru duman jɛnsɛnni na. Jehowa ka dɛmɛ barika la, an bɛna “ko kɛbali” kɛ!—Luka 18:27, NW.