U kuntilenna ye mun ye?
1 Mun na an bɛ sokɔnɔ Bibulu kalanw ɲɛminɛ? Yali o kun ye dɔrɔn ka dɔnniya lase mɔgɔw ma wa, ka nɔgɔya don u ka diɲɛnatigɛ la, walima ka yeelen don u ka sini jigiyaw la ? Ayi. An kuntilenna fɔlɔ ye ka mɔgɔw kɛ Yesu Krista ka kalandenw ye! (Mat. 28:19; Kɛw. 14:21) O de kosɔn minnu bɛ kalan kɛ an fɛ, olu mago b’a la ka fara jɛkulu kan. U ka ɲɛtaa alako ta fan fɛ, o sirilen bɛ Krecɛn jɛkulu faamuyali la ni kɔnɔnajɛya ye.
2 O bɛ sɔrɔ cogo min na: Kabini a daminɛ na, i ka jɛkulu ka lajɛw la taali magɛlɛya kalanden ma ka t’a fɛ. (Heb. 10:24, 25) O lajɛw bɛna a ka limaniya barika bonya cogo min na, k’a dɛmɛ ka Ala sago kɛ cogo min na, ani u bɛn’a to a ka jɛɲɔgɔnya bɛnnen dɔn a ni mɔgɔ tɔw cɛ cogo min na, i k’o bɛɛ ɲɛfɔ mɔgɔw ye mɔgɔ minnu b’a kanu ka Jehowa tanu. (Zab. 27:14; 32:8; 35:18) Kanuya ni waleɲumandɔn minnu b’i yɛrɛ la ka ɲɛsin jɛkulu ni lajɛw ma, o fɔli na yen taali nege don a la.
3 Mɔgɔ kuraw mago b’a la k’a faamu ko Jehowa ka jɛkuluba ye jamanaw cɛ balimaya de ye. I ka videyo kasɛtiw jira u la minnu tɔgɔ ko Les Témoins de Jéhovah: un nom, une organisation, ani Toute la communauté de nos frères (angilɛkan na). I k’u dɛmɛ k’a faamu ko Jehowa bɛ mɔgɔ yɛrɛlatɛmɛlen ba caman de kɛ k’a sago dafa diɲɛ kɔnɔ. I ka o mɔgɔ kuraw ladɔnniya k’olu fana welelen bɛ walasa u ka baara kɛ Ala ye.—Esa. 2:2, 3.
4 Ka Bibulu kalanden ye, o ka kɛ Yesu ka kalanden lakika ye, o ye nisɔndiyaba sababu ye. O de ye an kuntilenna ye!—3 Yuh. 4.