Baara Ka Lajɛw Bolodasira

Marisikalo tile 13 nan dɔgɔkun

Dɔnkili 118

Sanga 10: Ladɔnniyaliw ka ɲɛsin sigida ma. Ladɔnniyali latɔmɔnenw ka bɔ An ka Masaya Cidenyabaara kɔnɔ.

Sanga 15: “An ka Kibaru duman weleweleda.” I ka dantigɛli kana sanga kelen bɔ. O kɔ, a kɛ ɲininkali ni jaabiw baro ye. N’an bɛ Dɔnniya gafe jira tuma min na cidenyabaara la, an bɛ se ka Bibulu tɛmɛsira nafama minnu sɔrɔ a kɔnɔ, i ka u dɔw jira.

Sanga 20: “An bɛ se ka san 2000 Awirilikalo kɛ an ka kalo bɛɛ la fisaman ye cogo di?” (Dakun 1-11 na) Ɲininkaliw ni jaabiw. Tutigɛbaga farankanw hakɛ cayalenba min sɔrɔla kɔsa in na jɛkulu kɔnɔ, i k’o fɔ. Mɔgɔ minnu bɛ olu cɛla, u dɔw ye nafa minnu sɔrɔ u kɛlen ka dɔ fara u ka kɛta kan cidenyabaara la, u b’o fɔ. Dusu don jɛkulu kɔnɔ a ka baara kɛ walasa ka hakɛ cayalenba kura sɔrɔ tutigɛbaga farankanw na Awirilikalo la. Cogo minnu ka kan ka dafa walasa k’o kɛ, o sɛbɛnnen bɛ Notre Ministere gafe kɔnɔ, a ɲɛw 113-114 na. I ka segin o kan. Weleweledala minnu b’a fɛ ka kɛ tutigɛbaga farankanw ye, u bɛ se k’a ɲinisɛbɛn dɔ sɔrɔ lajɛ kɔfɛ.

Dɔnkili 187 ni kuncɛli delili.

Marisikalo tile 20 nan dɔgɔkun

Dɔnkili 21

Sanga 10: Ladɔnniyaliw ka ɲɛsin sigida ma. Jatew dantigɛli.

Sanga 15: “N bɛ se ka mun kɛ?” Gafe ɲɛminɛbaga bɛ baro kɛ o kan ni cidenyabaara maganna kelen walima fila ye. Weleweledala dɔw bɛ yen fɛn caman kɛlen bɛ ka dan sigi u ka kow la. U dɔw bɛ miiri k’u tɛ se ka bɛrɛ kɛ jɛkulu ka baara la. An kelen kelen bɛɛ bɛ se ka jɔyɔrɔ nafama min fa walasa ka jɛkulu barika bonya ani ka Masaya baara lataa ɲɛ, o cogow ka ca. I ka kuma a dɔw kan. An kelen kelen bɛɛ ka kɛta sen bɛ ‘dantigɛli laban’ na cogo min na, i k’o jira, ka kuma kuncɛ n’o ye.​—Notre Ministere gafe ɲɛw 109-110 lajɛ.

Sanga 20: “An bɛ se ka san 2000 Awirilikalo kɛ an ka kalo bɛɛ la fisaman ye cogo di?” (Dakunw 12-18 la) Ɲininkaliw ni jaabiw. Ɲɛjirali surun dɔ kɛ min b’a jira an b’an dɔnbagaw wele cogo min na ka na Hakilijigin don na. I ka Awirilikalo yɔrɔ mafilɛ Calendrier 2000 kan. Foro baara ka lajɛ minnu bolodala sigida la, i k’o fɔ. Mɔgɔ kelen kelen bɛɛ hakili jigin u ka baara bolodasira ɲuman dɔ kɛ walasa u ka se ka baara caman kɛ cidenyabaara la Awirilikalo la, ka kɛɲɛ n’u se ye. O cogo la, an kuntilenna ka kɛ ko jɛkulu mumɛ bɛɛ ka sen don foro baara la. Mɔgɔ minnu bɛɛ bɛ se ka kɛ tutigɛbaga farankan ye, dusu don u bɛɛ kɔnɔ, walasa u ka ɲinisɛbɛn dɔ sɔrɔ lajɛ kɔfɛ.

Dɔnkili 65 ani kuncɛli delili.

Marisikalo tile 27 nan dɔgɔkun

Dɔnkili 119

Sanga 10: Ladɔnniyaliw ka ɲɛsin sigida ma. Bɛɛ hakili jigin u k’u ka Marisikalo baara dantigɛli sɛbɛn di. Mɔgɔ minnu bɛna kɛ tutigɛbaga farankanw ye Awirilikalo la, i k’olu tɔgɔw fɔ. A jira ko tɔgɔ di tuma ma tɛmɛ walasa ka ɲinisɛbɛn dɔ sɔrɔ. Foro baara ka lajɛ bɛɛ min bolodala kalo kɔnɔ, o fɔ. Dusu don mɔgɔ kelen kelen bɛɛ kɔnɔ walasa nin dɔgɔkun laban don na, u ka Awirilikalo daminɛ koɲuman cidenyabaara la. Lamɛnbagaw hakili jigin k’o waati bɛ bɛn lakɔli bila ma. O bɛna lakɔlidenw dɛmɛ u k’u ka lɛrɛ latigɛlen sɔrɔ nɔgɔya la. An bɛna La Tour de Garde ni Réveillez-vous! jira kalo kɔnɔna na. Sɔn-ni-sɔn gafenin bɔko kelen kelen bɛɛ la, i k’i sinsin barokun kelen kan, k’a yɔrɔ ɲɛfɔlen bɛnnen dɔ ta min bɛ se ka jira cogo nafama na. An bɛɛ ka kan ka Wajibiya gafenin sɛbɛn sɔrɔ an bolo walasa k’an cɛsiri ka Bibulu kalanw daminɛ o kan ni magojirabagaw ye.

Sanga 13: “I ka dɛmɛ ɲini.” Jɛmu ni baro bɛ kɛ lamɛnbagaw fɛ. A bɛ ɲɛminɛ maakɔrɔ dɔ fɛ. I k’a ɲɛfɔ ko sɔn ni sɔn, an kelen kelen bɛɛ mago bɛ dɛmɛ sugu dɔ la. Tiɲɛ don k’an kelen kelen bɛɛ ka kan k’an ka doni ta. (Gal. 6:⁠5) Nka n’an tɛ se k’o kɛ, an man kan ka siga ka dɛmɛ ɲini jɛkulu mɔgɔ mɔlen dɔ fɛ hakili ta fan fɛ la la. Lamɛnbagaw cɛla, dɔw dɛmɛna ni kanuya ye mɔgɔ wɛrɛw fɛ, n’o kɛra sababu ye ka dusu don u kɔnɔ. A ɲini lamɛnbagaw fɛ u k’o ko kɛlenw fɔ.

Sanga 10: Sigida magow.

Sanga 12: “An ka si caman dan nka, an k’a kɛ ni faranfasi ye.” Ɲininkaliw ni jaabiw. Hakilina minnu bɛ bɛn wajuli kɛyɔrɔ ma kosɛbɛ, i k’i sinsin olu kan. A ka ɲi ka segin olu kan foro baara ka lajɛw la dɔgɔkun labanw na.

Dɔnkili 195 ni kuncɛli delili.

Awirilikalo tile 3 nan dɔgɔkun

Dɔnkili 72

Sanga 10: Ladɔnniyaliw ka ɲɛsin sigida ma, ani ko minnu kɛra foro baara la. Ko minnu kɛra kɔsa in na an ka wajuli kɛyɔrɔ la, n’u bɛna dusu don mɔgɔ wɛrɛw kɔnɔ u k’u sen don foro baara la, i k’olu latɔmɔ k’o fɔ.

Sanga 17: “An ka Daniel ka kiraya kuma kalan.” Ɲininkaliw ni jaabiw. A ɲɛfɔ cogo surun na an bɛ se ka nafa sɔrɔ cogo min na Daniɛl ka kitabu kalanni na, n’o ye Bibulu kitabu dɔ ye. (Masalakun 1, a dakunw 15-17 lajɛ Daniɛl ka kiraya kuma gafe kɔnɔ.) Dusu don bɛɛ kɔnɔ walasa u ka na tuma bɛɛ jɛkulu ka gafe kalan na.

Sanga 18: Yali n ka kan ka kojuguba kɛlen dɔ fɔ wa? Jɛmu sɛbɛ don maakɔrɔ dɔ fɛ. A ɲɛsinnen bɛ funankɛw de ma. Gɛlɛya caman bonyana an ka bi diɲɛ in kɔnɔ, n’u kɛra sababu ye ka nɔ juguw bila denmisɛnninw na. Mɔgɔw tɛ ka ladamu naamu labato tun. U tɛ kuntigiya bonya. Dɔ farala farinya ni dɔrɔgu ta kan. Funankɛ damadɔw bɛ ɲɛnamaya kɛcogo fila sirataama, k’u ka taamacogo jugu dogo. O kɛlen bɛ ko sɛbɛ de ye min bɛ jɛkulu mumɛ bɛɛ ka hakili ta fan fɛ kɛnɛya bila kojugu la. Dɔw bɛ kojuguba kɛ, wa u b’a fɛ k’o to dogo la. N’i y’a mɛn ko jɛkulu kɔnɔ, an balimakɛ walima an balimamuso dɔ ye fɛn dɔ kɛ min bɛ Ala ka sariya tiɲɛ yɛrɛ de, i ka kan ka mun kɛ? Sariyakolo min bɛ Levitike 5:1 kɔnɔ, o jira. (San 1997 Utikalo tile 15 La Tour de Garde ɲɛw 27-30 lajɛ.) I sinsin Les jeunes s’interrogent ɲɛw 68-69 kan walasa ka jira fɛn min ka kan ka kɛ o ko sugu la.

Dɔnkili 68 ani kuncɛli delili.