Marisikalo Baara Ka Lajɛw

Marisikalo tile fɔlɔ dɔgɔkun

Dɔnkili 33

Sanga 8: Sigida ladɔnniyaliw. Ladɔnniyali latɔmɔlenw ka bɔ An ka Masaya Cidenyabaara kɔnɔ.

Sanga 17: “Krista ka saya Hakilijigin diɲɛ bɛɛ la.” Ɲininkaliw ni jaabiw. Kuma minnu bɛ san 1997 Feburuyekalo tile fɔlɔ La Tour de Garde kɔnɔ, a ɲɛw 11-12nan na, a dakunw 10-14nan na, olu dɔ fɔ ka fara a kan. Jehowa ka kanuyaba y’a bila cogo min na ka kunmabɔnafolo sara an ye, i ka sinsi o kan.

Sanga 20: Kun minnu b’an digi ka kɛ tutigɛbaga farankan ye Awirili ni Mɛ kalow la. Jɛmu ani baro ni lamɛnbagaw ye. A ɲɛminɛnen bɛ baara lakɔlɔsibaga fɛ. A bɛ dusu don bɛɛ kɔnɔ ka miiri sɛbɛ la tutigɛbaga farankan baara ma. Yɛlɛmali minnu donna tutigɛbaga basigilen ni tutigɛbaga farankan ka lɛrɛ wajibiyalenw na, iko a fɔra cogo min na san 1999 Zanwuyekalo An ka Masaya Cidenyabaara kɔnɔ, a ɲɛ 3nan na, olu lajɛ. O yɛlɛmali ka kan ka mɔgɔ caman bila ka bonya sɔrɔ ka kɛ waati-dafalen baara la. Ka ɲɛsin Krista ka saraka ma, an ka waleɲumandɔn b’an digi cogo min na k’an jija waajuli la tɔw kun, i k’o ɲɛfɔ. (2 Kɔr. 5:​14, 15) Ɲinan, Hakilijigin don bɛ bɛn Awirilikalo tile fɔlɔ ma. O ye sababu ɲuman ye min bɛ Masaya weleweledalaw bɛɛ kisɛya ka kalo kuuru bila waajuli baara yiriwali kama! San 1997 Feburuyekalo ani san 1998 Marisikalo ka An ka Masaya Cidenyabaara ka farankanw yɔrɔba latɔmɔlenw lajɛ. O farankanw ɲɛsinnen bɛ tutigɛbaga farankan baara ma. Waati bolodacogo minnu dira misali la, olu bɛ se ka sirataama cogo minnu na, o lajɛ. Baara mabɛn minnu kɛra sigida la, olu fɔ. O bɛna cogo caman di walisa an ni tɔw ka baara kɛ ɲɔgɔn fɛ cidenyabaara la. Weleweledalaw dusu lamin u ka tutigɛbaga farankan ɲinisɛbɛnw sɔrɔ lajɛ kɔfɛ.

Dɔnkili 44 ani kuncɛli delili.

Marisikalo tile 8nan dɔgɔkun

Dɔnkili 52

Sanga 10: Sigida ladɔnniyaliw. Jatew dantigɛli.

Sanga 20: “U wele ka na.” Ɲininkaliw ni jaabiw. Nafa min b’a la ka mɔgɔ kuraw kunsin jɛkulu ka lajɛw la tuma bɛɛ, i sinsi o kan. Ɲɛjirali kɛ baro kan ni magojirabaga dɔ ye. Baara kɛ ni Dɔnniya gafe ye, a ɲɛ 159nan na, a dakun 20nan na; ani a ɲɛw 162-3nan na, a dakunw 5-8nan na. Mɔgɔ kelen-kelen bɛɛ dusu lamin ka cɛsiri kɛrɛnkɛrɛnnen kɛ walisa ka Bibulu kalandenw ni magojirabaga wɛrɛw dɛmɛ ka kɛ hakilijigin don lajɛ la Awirilikalo tile fɔlɔ don na. Weleli sɛbɛn dɔ jira. A ɲɛfɔ cogo min na baara bɛ se ka kɛ n’o ye cogo nafama na. Bɛɛ ka kan ka weleli sɛbɛnw tila-tilali daminɛ nin dɔgɔkun in na.

Sanga 15: “Denbaya kɔnɔmɔgɔw bɛ jɛ ka baara kɛ cogo min na walisa k’u niyɔrɔ dafalen kɛ—Jɛkulu ka lajɛw la.” Denbaya dɔ bɛ baro bɔ o kan. Tuma min na u bɛ ka baro kɛ barokun yɔrɔbaw kan, u b’a ɲɛfɔ cogo min na u denbayalama bɛ se k’u labɛn lajɛw kama. U kelen-kelen bɛɛ bɛ se ka ɲɔgɔn dɛmɛ cogo min na walisa u k’u ni don lajɛw la, ani fɛn min bɛ se ka kɛ denbaya ye walisa u ka kɛ lajɛw la a tuma na, u b’o fɔ.

Dɔnkili 62 ani kuncɛli delili

Marisikalo tile 15nan dɔgɔkun

Dɔnkili 56

Sanga 8: Sigida ladɔnniyaliw.

Sanga 17: “Cidenyabaara magannaw bɛ baara nafama kɛ.” A jɛmu bɛ kɛ cidenyabaara maganna dɔ fɛ min bɛ se kosɛbɛ. Yɔrɔba minnu bɛ Notre Ministère gafe la a ɲɛw 57-9nan na, olu lajɛ. Cidenyabaara magannaw bɛ baara minnu kɛ an fɛ yan walisa ka jɛkulu dɛmɛ, olu ɲɛfɔ.

Sanga 20: Aw ka nisɔndiya sɔrɔ Annuaire 1999 gafe la. Baro cɛ n’a muso cɛ. Cɛ b’a ɲɛfɔ ko siɲɛ fɔlɔ min na Annuaire gafelama bɔra, k’o kɛra san 1927nan na, wa k’a ka ca ni san 70 ye, Jehowa Seerew ka diɲɛ kɔnɔ baara dantigɛli sɛbɛnna a kɔnɔ. U bɛ san “1998 Mumɛbaw” lajɛ a ɲɛ 31nan na. O kɔ, u bɛ baro kɛ “Ɲɛmɔgɔya kulu ka bataki” kan, a ɲɛw 3-5nan na. U bɛna tugu dusulamin dilen na cogo min na, u bɛ kuma o kan.

Dɔnkili 68 ani kuncɛli delili.

Marisikalo tile 22nan dɔgɔkun

Dɔnkili 162

Sanga 10: Sigida ladɔnniyaliw. Mɔgɔ minnu bɛna kɛ tutigɛbaga farankanw ye Awirilikalo la, olu tɔgɔw fɔ. A jira ko a tuma ma tɛmɛ fɔlɔ ka ɲinini sɛbɛn dɔ sɔrɔ. Baara ka lajɛ minnu bɛɛ kolabɛnna Awirilikalo la, olu fɔ. Bɛɛ dusu lamin u ka tugu Hakilijigin don Bibulu kalan na, o min bolodala k’a kɛ Marisikalo tile 27nan na fo Awirilikalo tile fɔlɔ la, iko Examinons les Écritures chaque jour—1999 gafenin ani Calendrier 1999 b’a jira cogo min na.

Sanga 15: I labɛn Hakilijigin don kama. Jɛmu. Bɛɛ ka kan ka mabɛnw kɛ walisa ka Bibulu kalandenw ni magojirabaga kuraw dɛmɛ ka kɛ Hakilijigin don ko la. A bɛ se ka kɛ ko mɔgɔ kura minnu bɛ kɛ lajɛw la, u t’a faamu jɔn bɛ se ka taamasyɛnw ta walima u t’a faamu o ko in kɔrɔ ye min ye. Min fɔra san 1996 Awirilikalo tile fɔlɔ La Tour de Garde kɔnɔ, a ɲɛw 6-8nan, o lajɛ. An bɛ se ka magojirabaga kura dɛmɛ cogo min na ka ko in kɔrɔ n’a kuntilenna faamu, i k’o jira. A laban ni nin barokun ɲɛfɔli ye: “Hakilijigin don fɛn minnu ka kan ka to an hakili la”. Hakilijigin don mabɛn minnu kɛra sigida la, olu yɔrɔba fɔ.

Sanga 20: Que devient-on quand on meurt? Gafenin nafa, ani baara min bɛ se ka kɛ n’a ye, maakɔrɔ ni weleweledala ɲuman fila walima saba bɛ baro kɛ o kan. An bɛ se ka gafenin in kɔnɔnafɛn dɔn kosɛbɛ n’an b’a kalan Jɛkulu ka Gafe Kalan na. Yali an bɛ baara nafama kɛ n’a ye foro baara la wa? Kulu bɛ baro kɛ nin fɛnw kan: Mun na o kumakun ka di mɔgɔ caman ye? Kɔdonɲɔgɔnya la ni diinɛ fuw ka kalansiraw ye, nin gafenin bɛ jigiya jumɛn ko jɛya an ye? An bɛ se ka baara kɛ ni sɛbɛn kɔkanna ɲininkaliw ye cogo di walisa ka dɔ fara mɔgɔ mago kan? Cogo jumɛnw bɛ yen walisa k’o gafenin jira? I ka ɲɛjirali dɔ kɛ. Baara kɛ ni Bibulu tɛmɛsiraw ye minnu b’a ɲɛ 27nan na, a dakun 14nan na. Bɛɛ dusu lamin u ka to u ɲɛ na walisa ka baara ɲuman kɛ ni o gafenin ye.

Dɔnkili 92 ani kuncɛli delili.

Marisikalo tile 29nan dɔgɔkun

Dɔnkili 111

Sanga 12: Sigida ladɔnniyaliw. Bɛɛ hakili jigin u k’u ka foro baara dantigɛli sɛbɛnw bila. An bɛna La Tour de Garde ani Réveillez-vous! jira Awirilikalo la. Sɔn-ni-sɔn gafenin bɔko kuraw jira. Barokun minnu bɛ se ka kofɔ, ani kuma kɛrɛnkɛrɛnnen minnu ɲɛfɔlen bɛ u kɔnɔ, olu dɔw jira. Bɛɛ ka kan ka na ni Wajibiya gafenin ye, ka baara kɛ n’a ye walisa ka Bibulu kalanw daminɛ ni magojirabagaw ye.

Sanga 15: Sigida magow.

Sanga 18: An kɛcogo ye mun ye laadilikan ko la? Maakɔrɔ dɔ b’a jɛmu kɛ. An kelen-kelen bɛɛ bɛ laadi an kɛwalew, n’an taamacogo, n’an jɛɲɔgɔnw ko la, walima an ka baara la jɛkulu ka kow la. Tuma caman na, an ka teli ka ban laadilikan ma walima ka dimi o la. K’a sɔn laadilikan ma ni ŋaniya ɲuman ye, ani k’o sirataama, o bɛ se ka kɛ ko nafamaba de ye an ka nɛɛma na hakili ta fan fɛ. Koba minnu bɛ sinsi kunw kan, kun minnu kosɔn an ka kan ka sɔn laadilikan na, k’u nafa dɔn, olu sɛgɛsɛgɛ.​—San 1987 Awirilikalo tile fɔlɔ La Tour de Garde ɲɛw 27-30nan na lajɛ.

Dɔnkili 118 ani kuncɛli delili.

[Caption on page 2]

(A tɔ bɛ ɲɛ 3nan na)

[Caption on page 3]

(Baara ka Lajɛw tɔ. . .)