Ladɔnniyaliw

◼ Sɛbɛn jirata Marisikalo la: Dɔnniya min bɛ na ni ɲɛnamaya banbali ye gafe. Cɛsiri kɛrɛnkɛrɛnnen na kɛ walisa ka so kɔnɔ Bibulu kalanw daminɛ. Awirili ni Mɛ kalow la: La Tour de Garde ni Réveillez-vous! bakurubasanni. Wajibiya gafenin ka kan ka sɔrɔ magojirabagaw ye. Cɛsiriw ka kɛ walisa ka so kɔnɔ Bibulu kalanw daminɛ. Zuwɛnkalo: Dɔnniya min bɛ na ni ɲɛnamaya banbali ye, walima ɲɛ 192 gafe dɔ.

◼ Weleweledala minnu b’a fɛ ka kɛ tutigɛbaga farankanw ye Awirili ni Mɛ kalow la, kabini sisan, u ka kan k’u ka labɛnw kɛ, k’u ka ɲinini sɛbɛn di jɔɔna. O bɛna maakɔrɔw dɛmɛ ka foro baara mabɛn nafamaw kɛ, ani ka sɔn-ni-sɔn gafeninw ni sɛbɛn wɛrɛw sɔrɔ minnu bɛ labɔli kɛ. Sɔn kɛra mɔgɔ minnu bɛɛ la ka kɛ tutigɛbaga farankan ye, olu tɔgɔw ka kan k’a fɔ jɛkulu la.

◼ Ɲɛmɔgɔya lakɔlɔsibaga, walima mɔgɔ wɛrɛ min sugandira a fɛ, ka kan ka jɛkulu ka jatew kɛ Marisikalo tile fɔlɔ la walima waati dɔɔnin dɔrɔn o kɔfɛ. N’o kɛra tuma min na, jatebɔ sɛbɛn nata kalanni kɔfɛ, jɛkulu ka ladɔnniya o la.

◼ Hakilijigin don bɛna kɛ san 1999, Awirilikalo tile fɔlɔ la. N’a y’a sɔrɔ i ka jɛkulu bɛ lajɛ kɛ Alamisadon na, o ka kan ka bila dɔgɔkun don wɛrɛ la ni Masaya So labilalen don. N’o tɛ se k’a kɛ, wa n’o bɛna nɔ bila fana i ka Baara ka Lajɛ la, o lajɛ yɔrɔ minnu bɛ sirataama kɛrɛnkɛrɛnnenya i ka jɛkulu la, olu bɛ se ka fara Baara ka Lajɛ wɛrɛ la.

◼ Mɔgɔ minnu jɛlen don jɛkulu dɔ fɛ, u ka kan k’u ka La Tour de Garde ni Réveillez-vous bakurubasanni kuraw ani u lakurayali bɛɛ ci o jɛkulu bolo fɛ, olu yɛrɛ taw sen b’o la.

◼ Tɔn tɛ sɔn weleweledala kelen-kelen tɔgɔla gafew ɲinisɛbɛn ma. Sanni ka gafew ɲinisɛbɛn ci Tɔn ma, ɲɛmɔgɔya lakɔlɔsibaga ka fɛɛrɛ kɛ ka jɛkulu ladɔnniya kalo o kalo, k’o bɛna kɛ; o cogo la, a ka di minnu ye k’u tɔgɔla sɛbɛnw ɲini, olu b’u sara balimakɛ la min bɛ gafew kunna. Sɛbɛn minnu ye fɛn ɲinita kɛrɛnkɛrɛnnen ye, a’ y’aw hakili to olu la.