Denbaya kɔnɔmɔgɔw bɛ jɛ ka baara kɛ cogo min na walisa k’u niyɔrɔ dafalen kɛ—Jɛkulu ka lajɛw la
1 Krecɛn denbayaw ka kan ka nafaba de da ci kan, k’u lajɛ ɲɔgɔn fɛ jɛkulu ka lajɛw la. (Heb. 10:24, 25) N’u bɛ jɛ ka baara kɛ ɲɔgɔn fɛ koɲuman, bɛɛ bɛ se ka lajɛw labɛn, ka kɛ u la, wa k’u ni don u la fana. Denbayaw cogow tɛ kelen ye. Nka, a kɛra Krecɛn furucɛ ye wo, walima furumuso dannabaga ye wo, walima bangebaga dɔ ye min kelen don wo, fɛn dɔw bɛ yen u kelen-kelen bɛ se ka min kɛ walisa ka jɛɲɔgɔnya yiriwa denbaya kɔnɔ hakili ta fan fɛ kow la, denmisenninw hakɛ ani u si kɛra fɛn o fɛn ye du kɔnɔ.—Nta. 1:8.
2 Waati ta k’aw labɛn: Denbaya kɔnɔmɔgɔw bɛ baara kɛ ɲɔgɔn fɛ walisa ka jɛya a la k’o kelen-kelen bɛɛ ye jɛkulu lajɛw labɛn koɲuman. Caman bɛ La Tour de Garde ka dɔgɔkun o dɔgɔkun kalan barokun lajɛ ɲɔgɔn fɛ. Dɔw bɛ Jɛkulu ka Gafe kalan labɛn, walima u bɛ dɔgɔkun Bibulu kalan kɛ ɲɔgɔn fɛ denbaya kɔnɔ. A kun ye ka kalan yɔrɔbaw to an hakili la sanni ka taa lajɛw la. O cogo la, bɛɛ bɛna nafa sɔrɔ kosɛbɛ fɛn mɛnta la. Ni cogo sɔrɔla fana tuma o tuma, u labɛnnen bɛna sɔrɔ walisa u k’u ni don lajɛw la.—1 Tim. 4:15.
3 Aw k’aw labɛn k’aw ni don u la: Denbaya kɔnɔmɔgɔ kelen-kelen bɛɛ kuntilenna ka kan ka kɛ k’a jigiya fɔ mɔgɔ wɛrɛw ɲɛ na, ka ɲɛfɔli kɛ lajɛw la. (Heb. 10:23) Yali denbaya kɔnɔmɔgɔ dɔ mago bɛ dɛmɛ walima dusulamin na walisa k’o kɛ wa? Mɔgɔ kelen-kelen bɛɛ mago bɛ dɛmɛ jumɛn na walisa kalansen min dira u ma Ala-ka-marako Cidenyabaara Kalan na, u k’o labɛn? A ka di furumusow ye n’u cɛw b’u mago don o ko la, ka hakilina dɔ di misali bɛnnen, walima baro hukumu nafama dɔ kan. Bangebagaw man kan ka miiri k’u ka kan ka denmisɛnw ka kalansenw labɛn u ye. N’u y’o kɛ, o bɛ se ka denmisɛnw seko degun u hakili ani u ka ko kɛcogo la. Nka bangebagaw bɛ se ka funankɛninw dɛmɛ, k’u lamɛn tuma min na u b’u ka jɛmu dege la u kan kɔrɔtalen.—Efe. 6:4.
4 Aw k’aw labɛn ka kɛ yen: Kabini u fitinin, denmisɛnw bɛ se ka dege ka fini don, ka dege u k’u labɛn ka bɔ so waati latigɛlen na walisa ka taa lajɛ la. Denbaya kɔnɔmɔgɔw ka kan ka jɛ ka baara kɛ ɲɔgɔn fɛ so kɔnɔ baaraw la walisa waati kana u minɛ cogo si la.—Hakilina minnu bɛ Bonheur familial gafe kɔnɔ, a ɲɛ 112nan na, ani Les jeunes s’interrogent, a ɲɛw 316-17nan na, olu lajɛ.
5 Bangebagaw ni denmisɛnw bɛɛ ka kan ka miiri Josue, fɔlɔ mɔgɔ dɔ ka kumaw la, min ko: “Ne Josue ani ne ka somɔgɔw, an na baara kɛ Jehowa ye.” O la sa, an jɔlen ka to a kan ka jɛ ka baara kɛ ɲɔgɔn fɛ walisa k’an niyɔrɔ dafalen kɛ jɛkulu ka lajɛw la.—Jos. 24:15.