Mago jɔlen bɛ Bibulu kalan caman na

¹ Jehowa Ala bɛ duba a ka dugukolo kan jamakulu ye a kɛtɔ k’a jiidi ka taa’ fɛ. San baara tɛmɛnen kɔnɔna na, mɔgɔ 375923 de tun ye batɛmu ta diɲɛ kɔnɔ. Makɛɲɛni na, o bɛ caya ni kalanden kura 1000 ye don o don, wala 43 bɔɲɔgɔnko ye lɛrɛ o lɛrɛ! An balimaw ye gɛlɛyaw kun tuma dɔw la diɲɛ kɔnɔ ka san tan sigiyɔrɔma caman k’o la. O n’a ta o ta, Masaya ka baara bɛ yiriwa ani ka jiidi ni kabakoya ye. Ɲɛtaa minnu kɛra kibaru jɛnsɛnni na, olu dɔnni ye ɲagaliko ye!

² San baara tɛmɛnen kɔnɔna na, Senegali ni Mali la, dɔ farala weleweledalaw ni tutigɛbaga farankanw ni segin-ka-bɔnyew ani gafenin tila-tilalenw hakɛ makɛɲɛnen kan. Batɛmu hakɛ cayara Senegali, wa jamana fila in kɔnɔ, jama min yera Hakilijigin don kɛnɛ kan, o ye san sɔrɔ ko kura. Bibulu kalanw dun? Senegali, u hakɛ mumɛ jiginna ni 4,8% ye. O bɛɛ n’a ta, cidenyabaara ɲɛ min filɛ o ye, ale de ye kalanden kɛli baara kolo ye. An kelen-kelenna bɛɛ bɛ se ka mun kɛ walisa ka Bibulu kalanw jiginni lasegin kɔ?

³ An ka kalan ɲɛminɛli nege sɛnɛ: An k’an cɛsiri k’an barika bonya ani an ka kɛ walekɛbagaw hakili ta fan fɛ. Krista ka kalanden lakikaw b’u ‘jija kɛwale ɲumanw la’. (Tite 2:14.) N’an bɛ miiri an ka cidenyabaara ma, yali an bɛ se k’a fɔ k’a nege dunba b’an na ka bɔ mɔgɔw bɛɛ ye minnu sɔnna gafew la wa? Yali an bɛ so kɔnɔ Bibulu kalan ko fɔ ni dusu kalaya ye magodonnaw bɛɛ ye wa (Rom. 12:11)? Walima an ka kan ka negeba sɛnɛ ka segin-ka-bɔnyew kɛ ani ka Bibulu kalanw daminɛ wa?

⁴ Bibulu kalan ni tuma bɛɛ lajɛ la taga ani mansin-na-sɛbɛnw kalan de bɛ an barika bonya hakili ta fan fɛ ani ka sebagaya sɔrɔ Ala ka hakili senu fɛ (Efe. 3:16-19). O b’an ka limaniya n’an ka dannaya jija ka ɲɛsin Jehowa ma ani k’an mɔgɔɲɔgɔn kanuya kologɛlɛya. O b’an bila ka tɔw kalan tiɲɛ ko la; n’o kɛra an ka cidenyabaara bɛ diya, a bɛ nɔ bɔ ani a bɛ dusu don an na. Sɔsɔli t’o la fewu, an ka kan ka Bibulu kalanw caman ɲini!

⁵ An ka kalan daminɛ n’an ka denbaya ye: Krecɛn bangebaga minnu bɛ ni denmisɛnw ye u bara, olu ka kan ka Bibulu kalan n’u ka denbaya ye sɔn (Dut. 31:12; Zab. 148:12, 13; Nta. 22:6). Bangebagaw ka Wajibiya gafenin ani Connaissance gafe kalan n’u denw ye, nafaba de b’o la walisa k’u labɛn ka kɛ weleweledala batisebaliw ye, ka tila k’u yɛrɛ latɛmɛ Ala ma ani ka batise. Nka, gafe wɛrɛw bɛ se ka sɛgɛsɛgɛ ka kɛnyɛ ni denmisɛnw magow n’u si hakɛ ye. Denfa wala denba min bɛ den batisebali kalan, o bɛ kalan kelen jate ka fara a ka waati ni segin-ka-bɔnyew kan, iko a ɲɛfɔlen bɛ san 1987 Awirilikalo Le Ministère du Royaume kɔnɔ cogo min na, “Réponses à vos questions” yɔrɔ la.

⁶ An ka yɛlɛma don an yɛrɛbakun kolabɛnni na ɲɛli sira fɛ: Ikomi sɔn-ni-sɔn gafeninw ani gafeninw ni gafew bɛ jɛnsɛn, a jɛlen bɛ ko kisɛ hakɛ caman bɛ dan. Kalanden kuraw bɛ se ka sɔrɔ o tiɲɛ kisɛ dannenw sababu la. Nka, sɛnɛkɛla wala nakɔtigi bɛ wasa sɔrɔ tiɲɛ na cogo di n’a bɛ to turuli la ka taa’ fɛ, ani o maganbaw bɛɛ kɔfɛ n’a tɛ waati ta abada ka kanni kɛ? Ayi dɛrɛ. O cogo kelen na, cidenyabaara ka kan ka nɔ bɔ.

⁷ Yali an bɛ waati dɔ bila sɔn walisa ka segin-ka-bɔnyew kɛ wa? Mɔgɔ o mɔgɔ b’a mago don kibaru duman na, an ka segin joona ka bɔ o tigi ye. An ka segin-ka-bɔnyew kɛ ni Bibulu kalan daminɛ kuntilenna ye. Yali an bɛ kunnafoni jɔnjɔnw, dafalenw ani jɔyɔrɔsigilenw ta an ka segin-ka-bɔnyew kan wa? Ka fara an barokɛɲɔgɔn tɔgɔ n’a ka ladɛrɛsi kan, an kana ɲinɛ ka ɲɔgɔnye fɔlɔ don sɛbɛn, ani a dɔ rɔ, an ye sɛbɛn min to a bolo, ani baro bakurubafɔli surun, ani ɲininkali min bɛ se ka lajɛ bɔnye nata senfɛ. An ka kɛnɛ dɔ bila walisa ka kunnafoni wɛrɛw ta segin-ka-bɔnye kelen o kelen kɔfɛ.

⁸ An ka miiri segin-ka-bɔnye kɛcogo ma: Miirili jumɛnw ka kan ka kɛ an hakili la tuma min na an bɛ segin-ka-bɔnye kɛ mɔgɔ sɔnnen ye? 1) An ka kɛ dusumandiw ye, k’an kɛ a teri ye, ka kɛ nisɔndiw ye ani k’an lafoni. 2) An ka kuma a diyanye kow wala a diyanye koɲɛw kan. 3) An k’an janto walisa baro ka kɛ fɛn nɔgɔnman ye ani a ka kɛ Bibulu kan. 4) An ka bɔnye fɛn o fɛn senfɛ, an k’an gɛlɛya ka mɔgɔ kalan fɛn na a yɛrɛ b’i sɔn min nafa ma. 5) An bɛna kuma ɲininkali min kan siɲɛ wɛrɛ, an k’a hakili sama o nɔfɛ. 6) An kana mɛn a bara. 7) Ɲininkali minnu bɛ an barokɛɲɔgɔn degun wala minnu tɛ bɛn a ma, an kana olu kɛ a la. 8) An ka kɛ hakilitigiw ye walisa fili bɛ an barokɛɲɔgɔn ka hakilina minnu na, an kana olu n’a ka delinako juguw jalaki sanni a ka hakili ta fan fɛ kow nafa dɔn.—Laadilikan wɛrɛ minnu dira segin-ka-bɔnyew kɛkoɲuman ni Bibulu kalanw daminɛ kan, olu bɛ se ka lajɛ san 1997 Marisikalo Ministère du Royaume ka farankan kɔnɔ.

⁹ An ka baara kɛ ka kɛnyɛ ni semakow bɛɛ ye: Jɛkulu dɔ kɔnɔ, so kɔlɔsilenba dɔ kɔnɔmɔgɔw bɛɛ tɔgɔw n’u ka bonw limero sera ka sɔrɔ. Cisɛbɛn ni sɛbɛndenninw fila bilala ka taa di o so kɔnɔmɔgɔw kelen-kelenna bɛɛ ma. Cisɛbɛn laban na Bibulu kalan ko fɔlen don ani nɛgɛjurusira da dilen bɛ walisa samatigi ka se ka jaabili kɛ. Tile damadɔw o kɔfɛ, kamalen dɔ ye nɛgɛjuru ci ka kalan ɲini. O dugusajɛ, segin-ka-bɔnye kɛra a ye, ani Bibulu kalan daminɛna Connaissance gafe kan. O don yɛrɛ su fɛ, a taara Jɛkulu ka Gafe Kalan na, ani a tora ka taa lajɛw bɛɛ la. A ma mɛn dɔrɔn a ye don-o-don Bibulu kalan daminɛ. A ye ɲɛtaaw sɔrɔ joona ka tila ka batise.

¹⁰ Weleweledala dɔ minnu bɛ taama mɔbili kelen na y’u labɛn walisa ka segin-ka-bɔnyew kɛ ɲɔgɔn fɛ. Balimamusow dɔ la kelen taara bɔ mɔgɔ min ye o tun tɛ yen, nka muso misɛn wɛrɛ ye dayɛlɛ ani k’a fɔ ko: “Ne tun bɛ k’aw makɔnɔ.” A dɔnmɔgɔ dɔ tun ye Connaissance gafe di a ma. Tuma min na balimamusow nana bɔ a ye a tun ye gafe kalan siɲɛ fila ani a kɔnɔna tun y’a kabakoya. A ko Seerew ka taa bɔ ale ye o don na, k’o tun ma bala a la, katuguni a tun ye delili kɛ walisa u ka na ka Bibulu kalan n’a ye. Bibulu kalan daminɛna, o muso tora ka taa jɛkulu ka lajɛw la, wa a ye ɲɛtaa sɔrɔ joona.

¹¹ Balimamuso dɔ min batiselen don kabini san 25 ye Connaissance gafe di a bamuso ma kɔsa in na, a bamuso min ye Egilisi mɔgɔ ye; o y’a daminɛ k’a kalan. A tilalen masalakun fila kalan na, o muso in y’a denmuso wele k’a fɔ a ye ko: “Ne b’a fɛ ka kɛ Jehowa Seere ye!” Denmuso ma se ka d’a la. Bamuso ye Bibulu kalan, wa bi a batiselen don.

¹² An ka duguma hakilinaw sifilɛ: Yali kɔrɔlen an sinna ka kalan ko fɔ wa? An bɛ se k’a fɔ dama ko: “N’i b’a fɛ ka kɛ ni Bibulu kalan sarabɔbali ye i ka so, ne bɛ se k’a jira i la sanga damadɔw kɔnɔ a bɛ kɛ cogo min na. N’a ka d’i ye an bɛ to k’a kɛ ten.” Mɔgɔ caman bɛ sɔn o ma ni tamaki tɛ, ani diya la, k’a lajɛ Bibulu kalan bɛ kɛ cogo min na.

¹³ Kabini kalan daminɛ tuma la, an k’a jira kalanden na kalan bɛ labɛn cogo min na a kɛtɔ ka tɛmɛsiraw kalan, tɛmɛsira minnu dira ka kɛ sinsiyɔrɔ ye, ani a kɛtɔ ka daɲɛ kolomaw kɔrɔci, daɲɛ minnu bɛ ɲininkaliw jaabi. An k’an banban kalansira kolomaw dama kan. A dɔ rɔ, ɲɔgɔnye fɔlɔw senfɛ an ka kan ka nɔgɔya don kow la, nka nafa b’a la ka Bibulu kalan kɛ sɔn. An k’a ɲini k’a jira ko delili ye kalan kɔnɔfɛn ye ɲɛ tɛ kɛ min kɔ. An ka Bibulu kɛ ka kalanden labɛn mɔgɔ ka tɔɔrɔ ɲɛ. An ka ko bɛɛ kɛ walisa kalan ka kɛ fɛn ɲɛnama ye!

¹⁴ Tiɲɛ don, mɔgɔ minnu bɛ Bibulu kalan, olu bɛɛ tɛ ɲɛtaa sɔrɔ teliya hakɛ kelen na. Dɔw ka alako man bon wala u bɛ kalan min na u t’o faamuya joona. Dɔ wɛrɛw bɛ girin na u ka ɲɛnamaya kɔnɔ, o kosɔn laala u tɛ se ka waati sɔrɔ min bɛ labɔli kɛ walisa ka masalakun dafalen kalan dɔgɔkun o dɔgɔkun. O kama, tuma dɔw la masalakun dɔw bɛ se ka kalan siɲɛ caman ani gafe labanni bɛ se ka kalo caman wɛrɛw wajibiya. Ko dɔw la, an bɛ fɔlɔ ka Wajibiya gafenin mafilɛ, ka tila ka Connaissance gafe daminɛ. Ko wɛrɛw la, Connaissance gafe bannen kɔfɛ, a bɛ se ka kɛ fɛn bɛnnen ye aw ɲɛ na ka Wajibiya gafenin kalan. Nin fɛɛrɛw ka fara jɛkulu ka lajɛw la tagali kan, o bɛna kalanden dɛmɛ ka sinsi kosɛbɛ tiɲɛ kɔnɔ.

¹⁵ Ka tɛmɛ fɛn bɛɛ kan, an ka Ala deli walisa ka Bibulu kalan kelen sɔrɔ (1 Yuh. 3:22)! Dɔnkow bɛɛ la nafamaw dɔ la kelen min bɛ se ka sifilɛ Krecɛn fɛ, o ye ka baara kɛ Jehowa ye ka dɔ dɛmɛ ka kɛ Yesu Krista kalanden ye (Kɛw. 20:35; 1 Kɔr. 3:6-9; 1 Tes. 2:8). Sisan de ye cɛsiriba jira tuma ye baara la min ye ka Bibulu kalanw ɲɛminɛ, k’an dalen to a la kosɛbɛ ko Jehowa na duba an ka maganw ye walisa ka u caman daminɛ!

[Blurb on page 3]

Yali an bɛ delili kɛ walisa ka Bibulu kalan daminɛ wa?