Ala-ka-marako Cidenyabaara Kalan Ka Seginnkanni

Kalan minnu kɛra Ala-ka-marako Cidenyabaara Kalan la, k’a ta Zanwuyekalo tile 5 dɔgɔkun ma fo san 1998 Awirilikalo tile 20 dɔgɔkun ma, o seginnkanni, gafe datugunenw. Waati dilen kɔnɔna na, a’ ye ɲininkaliw jaabiw di aw se la, u danna sɛbɛnfura dɔ kan.

[Kɔlɔsili: Seginnkanni senfɛ, a’ ye baara kɛ ni Bibulu dama ye. Seereya dilenw dabɔkun ye ka ɲininiw nɔgɔya aw ma. Ɲɛw ni dakunw da dilen tɛ tuma bɛɛ La Tour de Garde seereyaw la.]

A’ ye “tiɲɛ don” wala “tiɲɛ tɛ” sɛbɛn duguma kumasenw kɔfɛ:

1. Kɛwalew 15:29 [NW] kɔnɔna na, kumasen min ye: “Aw kɛnɛ ka to” ye, o tun ye layidu ye min kɔrɔ tigitigi ye, ‘ni aw bɛ aw yɛrɛw kɔlɔsi joli ni kakalaya ma, aw ka kɛnɛya na fisaya.’ [Bibulu kalan; a’ ye w91 15/6 ɲ. 9 § 7 duguma sɛbɛnni lajɛ.]

2. Hami dunba min tun bɛ Pol la ka ɲɛsin Kɔrɛnte Krecɛnw ka nɛɛma ma, hakili ta fan fɛ, o de ye a bila ka a ka bataki fɔlɔ sɛbɛn k’a ci u ma, a ka cidenya taama filanan senfɛ. [si ɲ. 198 § 3]

3. Hali k’a sɔrɔ Josafat tun ye masakɛ ye min tun b’a jigi da Jehowa kan, a ye hakilintanya jɛ don ale ni Akab cɛ, furu siratigɛ la. [ad ɲ. 843 § 10, 11]

4. Ko min ɲɛfɔlen don Kɛwalew 8:9-24 kɔnɔ, o ye “simɔni” daɲɛ bange, o min kɔrɔ ye domaya baara ye. [Bibulu kalan; a’ ye w90 1/6 ɲ. 17 § 8 lajɛ]

5. Rɔmekaw 8:6, 7 kɔnɔna na, daɲɛ min ye: “farisogo” ye, o bɛ anw hadamadenw ka dafabaliya lahaalaya de kofɔ, anw n’an ka jurumutɔya jogo cɛntalenw. [Bibulu kalan; a’ ye w91 1/3 ɲ. 21 § 4 lajɛ]

6. Ka kɛɲɛ ni Efɛsekaw 5:33 ye, muso ka cɛ bonya dunba kɔrɔ tɛ k’a tɛ se k’a hakilinata fɔ, kɛrɛnkɛrɛnnenya la ni fɛn dɔ b’a tɔɔrɔ. [kl ɲ. 144 § 12-13]

7. Jetoro, Majan sarakalasebaga, de ye Musa laadi a ka kuntigiya tila ni cɛ wɛrɛw ye. [ad ɲ. 820 § 8]

8. Ala sagonata min ye ka siyaw ladon jɛkulu la, cidenw m’o faamu ka jɛya fo tuma min na kirayaw timɛna. O cogo kelen na, Jehowa Seerew bɛ sɔn a ma ko yɛlɛma caman donna u ka faamuyali la yɔrɔ dɔw la, ka kɛɲɛ ni yeelen ye min dira u ma dɔɔnin dɔɔnin Ala fɛ. [jv ɲ. 629 § 5-6]

9. Kɛwalew 20:20 kɔnɔna na, daɲɛ kulu min ye “sow bɛɛ kelen-kelen kɔnɔ” ye, o ɲɛsinnen bɛ gɛnnikɛlaw ma minnu bɛ bɔ u Krecɛn ɲɔgɔnw ma, katuguni dafɛkuma b’a jira ko Pol tun bɛ k’i sara jɛkulu cɛkɔrɔbaw la. [Bibulu kalan; a’ ye w91 15/1 ɲ. 11 § 5 lajɛ]

10. N’an b’an dusukun dege walisa alakamiirikow ka diya a ye, ka Ala ka hakili ka dɛmɛ ɲini a fɛ, an na an yɔrɔ janya “farisogo nege” la. (Rɔm. 8:6, 7.) [Bibulu kalan; a’ ye w91 1/3 ɲ. 21 § 5 lajɛ]

A’ ye duguma ɲininkaliw jaabi:

11. Ka Bibulu sɔrɔ i bolo kɔrɔ ani k’a kalan, Kɛwalew kitabu kɔnɔ maana jumɛn b’a jira k’o dama tɛ wasa kɛ ka dɔnniya jɔnjɔn di an ma, dɔnniya min bɛ hadamadenw bila ɲɛnamaya sira kan? [Bibulu kalan; a’ ye w91 1/9 ɲ. 19 § 16 lajɛ]

12. Pol ka nin kumaw bɛ mun de jira, ko: “Fanga minnu bɛ yen, olu sigira Ala de fɛ”? (Rɔm. 13:1). [kl ɲ. 131 § 7]

13. Munna Traduction du monde nouveau b’a fɔ Kɛwalew 11:26 kɔnɔ ko: “alafarankan sababu la u welela Krecɛnw” k’a sɔrɔ Bibulu bayɛlɛmani dɔw la “alafarankan” sɛbɛnnen tɛ yen? [Bibulu kalan; a’ ye w90 1/6 ɲ. 19 § 19 lajɛ]

14. Jehowa Seerew ka dannaya jumɛn b’u bila ka Bibulu bɔ ani k’a jɛnsɛn ni cɛsiri ye? [jv ɲ. 603 § 3]

15. Kɛwalew 17:11 b’an dusu lamin yɛrɛ kalan ko la cogo di? [si ɲ. 193 § 38]

16. Pol ye bataki min ci Rɔme Krecɛnw ma, a tun y’i dakurun ka mun jɛya o kɔnɔ, Yahudiyaw ni siyaw ko la? [si ɲ. 194 § 2]

17. Rɔmekaw 12:2 ka fɔ la, Krecɛnw jogo bɛ kuraya Ala ka Kuma se barika la fo ka se hakɛ jumɛn na? [Bibulu kalan; a’ ye w90 1/4 ɲ. 16 § 3 lajɛ]

18. Pol ye “gundo [“senuma”, NW]” min kofɔ Rɔmekaw 11:25 kɔnɔna na, o ye mun ye? [Bibulu kalan; a’ ye w83 15/11 ɲ. 16 § 16 lajɛ]

19. Munna jɛkulu jo don ka jurumukɛla nimisabaliw gɛn (1 Kɔr. 5:11, 13)? [Bibulu kalan; a’ ye g96 8/9 ɲ. 27 § 3-4 lajɛ]

20. N’an ye takami ton an kɛlɛbaga kun na, o b’an dɛmɛ cogo di ka se sɔrɔ juguya kan ni ɲumanya kɛli ye (Rɔm. 12:20, 21)? [Bibulu kalan; a’ ye g86 22/1 ɲ. 6 § 4 lajɛ]

A’ ye duguma kumasenw dafa:

21. _________________________ ka kiraya timɛra cogo min na, Filipu ye o ɲɛfɔ Ecopi kuntigi ye; a lafaamuyalen kɔ, o cɛ in y’a ɲini ni majigilenya ye ka _________________________ (Kɛw. 8:28-35). [si ɲ. 192 § 33]

22. _________________________ koɲɛ kuma bannen kɔ, _________________________ ye a ka latigɛ sɛmɛntiya, a kɛtɔ k’a fɔ: “O ni kiraw ka kuma bɛnna, iko a sɛbɛnnen bɛ” cogo min na (Kɛw. 15:15-18). [Bibulu kalan; a’ ye si ɲ. 192 § 33 lajɛ]

23. Esayi ka layidu min kɔnɔ a ko “Isayi dili” na kɔrɔta “iko [“taamasyɛn”, NW] mɔgɔw ye”, siyaw ‘na min ɲini’, o timɛra _________________________ kan (Es. 11:10). [ad ɲ. 802 § 9]

24. Ka kɛɲɛ ni Pol ka kuma ye Rɔmekaw tilayɔrɔba 11nan na, olivesun ntalen ko la, o min ye taamaseere ye, Israɛl ka kabila 12 bangera Ibrahima ye Isaka bolo cogo min na, _________________________ ka kabila 12, taamaseere sira fɛ, olu bangera _________________________ ye _________________________ bolo, o cogo kelen na. [Bibulu kalan; a’ ye w83 15/11 ɲ. 16 § 15 lajɛ]

25. San 1917 Zuluyekalo la, balimakɛ Rusɛl ka saya kɔfɛ, Watch Tower ka Tɔn ye _________________________ gafe bɔ, o min tun bɛ ɲɛfɔli kɛ _________________________ ni _________________________ ni _________________________ kan. [jv ɲ. 647 § 1]

A’ ye jaabi ɲumanw kɔrɔci duguma kumasenw la:

26. A ka jɛmukan kɔnɔ min sɛbɛnnen don Kɛwalew tilayɔrɔba 17nan na, Pol bɛ Ala ɲɛnama (ka masabaya; ka tilennenya; ka kanuya) sɛmɛntiya ni fɛɛrɛ ɲuman ye. [Bibulu kalan; a’ ye si ɲ. 193 § 37 lajɛ]

27. (Pol; Piɛre; Luka) tun ye (Berekaw; Maseduwanekaw; Jerusalɛmkaw) sɛbɛkɔrɔ-fo, “u dusukun tilennen” kosɔn (Kɛw. 17:11, Layidu kura). [Bibulu kalan; a’ ye w95 1/5 ɲ. 14 § 3 lajɛ]

28. Nkalon min kofɔlen don Rɔmekaw 1:25 kɔnɔna na, o ɲɛsinnen bɛ (bolibato de ma; cɛnimusoyako saniyabaliw ma; wuyafɔ ma). [Bibulu kalan; a’ ye ad ɲ. 998 § fɔlɔ lajɛ]

29. San 1878 na, Charles Rusɛl n’a jɛɲɔgɔnw ka dannaya n’u ka kantigiya ka ɲɛsin Ala ka Kuma ma, o tun kɔrɔbɔra kosɛbɛ; siga tun bilala (“jɔnkɛ dannamɔgɔ hakiliman” ka yɛrɛya la; Yesu ka nali yebali la; Yesu farikolo n’a joli sarakati sɔngɔ la). [jv ɲ. 619 § 3]

30. Pol tun y’a ka bataki fɔlɔ sɛbɛn k’a ci Kɔrɛntekaw ma k’a to (Rɔme; Efɛse; Kɔrɛnte) san (52; 55; 56) masurun na, an tile la. [si ɲ. 198 § 3]

A’ ye duguma kumasenw jɛ ni tɛmɛsiraw ye minnu bɛ bɛn u ma:

Zab. 73:28; Nta. 24:3; Es. 65:13; Kɛw. 10:34, 35; 2 Kɔr.12:7-9.

31. An minnu ye Jehowa ka baarakɛlaw ye, an ka kan ka siyaw bɛɛ filɛ iko Jehowa bɛ u filɛ cogo min na. [Bibulu kalan; a’ ye w88 15/5 ɲ. 16 § 6]

32. Bibulu bɛ kuma sariyakolo dɔw ko la minnu bɛ sanga ni minɛnw ye walisa ka denbaya hɛrɛma jɔ. [kl ɲ.  140 § 3]

33. Minnu bɛ gɛrɛ Jehowa la, olu bɛ hɛrɛ lakika ani hakili lafiya diyabɔ. [kl ɲ. 151 § 3]

34. Tariku senfɛ, Jehowa ye hakili balo di a ka jama jɛlen ma. [kl ɲ. 162 § 6]

35. Jehowa bɛ se ka kɔrɔbɔli ko dɔ to senna ka mɛn, nka a bɛ deliliw jaabi, wa a b’o kɛ tuma fisaman dɔn. [kl ɲ. 156 § 15]