Aw Ka Ɲininkaliw Jaabi

◼ Munna an ka kan k’an janto kɛrɛnkɛrɛnnenya la an ka fini dontaw la an’an yecogo la tuma min na an bɛ Tɔn ka baaradaw lajɛ Brooklyn ni Patterson ni Wallkill (New York) ani a bolofaraw la diɲɛ kɔnɔ?

Sigi kɛlen bɛ n’a ye Krecɛnw ka jogo ɲuman mara. Tuma bɛɛ an ka fini dontaw an’an yecogo ka kan ka saamɛ ani danbe jira, o minnu bɛnnen don Jehowa Ala ka magannaw ma. O ye tiɲɛ ye kɛrɛnkɛrɛnnenya la an kɛtɔ ka taa bɔ Tɔn ka baaradaw la New York ani a bolofaraw la diɲɛ bɛɛ kɔnɔ.

San 1998 kɔnɔna na, distriki ani jamanaw ni ɲɔgɔn cɛ lajɛbaw bɛna kɛ. An balimakɛ yirika ka bɔ jamana caman na bɛna bɔ Tɔn ka sigiyɔrɔsobaw la New York ani a bolofaraw la fana jamana wɛrɛw la. Tuma min na an bɛ taa bɔ o baarada ninnu na, o waati dɔrɔn tɛ nka, a kɛra waati wɛrɛ o waati wɛrɛ ye, an ka kan k’a “jira fɛn bɛɛ la ko an ye Ala ka baarakɛla ɲumanw ye”. An ka fini dontaw bɛnnen ani an yecogo ɲuman sen b’o la.—2 Kor. 6:3, 4.

A kɛtɔ ka kuma fini dontaw ani yecogo ɲuman nafa kan, Organisés pour bien remplir notre ministère gafe b’a fɔ ko nafa b’a la an ka saniya farikolo ta fan fɛ, ani an ka saamɛ an ka fini dontaw la, ani k’an yecogo ɲɛ n’an bɛ foro cidenyabaara la ani n’an bɛ Krecɛn lajɛw la. O kɔ, a ɲɛ 131nan na, a dakun 2nan na, a ko: ‘O ko kelen de ka kan ka sirataama fana n’an bɛ taa bɔ Betɛl so la Brooklyn walima Tɔn bolofara o bolofara la. Aw k’aw hakili to a la ko Betɛl kɔrɔ ye “Ala ka so”. O la sa, an ka finiw, an yecogo ɲuman an’an taamacogo ka kan ka kɛ iko sigi kɛlen bɛ ni fɛn min ye ka ɲɛsin an ma n’an bɛ lajɛw la Masaya So kɔnɔ, bato kama.’ O namu kɔrɔtalen kelen de ka kan ka sirataama Masaya weleweledalaw fɛ minnu bɛ bɔ sigida la ani minnu bɛ bɔ yɔrɔ janw na n’u bɛ na ka filɛli kɛ ani ka fara Betɛl ka denbaya mɔgɔw kan ani k’a baaradaw lajɛ.

Tɔw bɛ Jehowa ka bato lakika mafilɛ cogo min na, an ka fini dontaw ka kan ka nɔ ɲuman bila o la. Nka, a kɔlɔsila ko balimakɛw ni balimamuso dɔw kɛtɔ ka taa bɔ Tɔn ka baaradaw la, u y’u labila ka dama tɛmɛ u ka fini dontaw la. O fini suguw bɛnnen tɛ n’an bɛ taa bɔ Betɛl so o so la. Ikomi an ye Krecɛnw ye, o ko in na, ani an ka ɲɛnamaya ko tɔw bɛɛ la, an b’a fɛ ka namu kɔrɔtalenw mara. N’an bɛ fɛn bɛɛ kɛ Ala bonyali kama, o namu ninnu bɛna an faranfasi k’an ye Ala ka jamakulu ye ani o bɛna an danfara ka bɔ diɲɛ na (Rɔm. 12:2; 1 Kor. 10:31). An bɛ Bibulu kalan kɛ mɔgɔ minnu kun, ani mɔgɔ wɛrɛw minnu siɲɛ fɔlɔ don ka taa bɔ Betɛl la, a bɛnnen bɛ ka kuma u fɛ ani k’u hakili jigin u k’u janto fini donta bɛnnenw ani yecogo ɲuman nafa kan.

O la sa, tuma min na i bɛ taa bɔ Tɔn baaradaw la, i k’i yɛrɛ ɲininka: ‘Yali n’ ka fini ani n’ yecogo bɛnnen don wa? (A suma ni Mise 6:8 ye.) Yali n’ bɛ Ala min bato, u ye seereya ɲuman ye ale fan fɛ wa? Yali n’ yecogo bɛna dɔw hakili ɲagami walima a bɛna dɔw dusu dimi wa? Yali n’ ye misali ɲuman ye mɔgɔ tɔw bolo minnu siɲɛ fɔlɔ don ka taa bɔ yen wa?’ An ka fini dontaw an’an yecogo ɲuman fɛ, an ka se tuma bɛɛ ka “an Kisibaa Ala ka kalan bonya ko bɛɛ la.”—Tite 2:10.