Ɲininkaliw Jaabi

◼ Fini dontaw ani labɛncogo ɲuman jumɛn bɛnnen don, n’an bɛ taa bɔ Betɛli la ?

N’an bɛ taa bɔ Betɛli la, a kɛra ko an bɛ taa a yɔrɔw lajɛ, walima ko an bɛ taa bɔ Betɛli denbaya kɔnɔmɔgɔw dɔ ye, “mɔgɔ sigilen bɛ n’a ye an ka fini donta ni an labɛncogo, ani an taamacogo ka kɛ i n’a fɔ n’an bɛ taa Masaya So lajɛw la, Ala bato kama. (Om131). A yera k’a fɔ ko ni an balimakɛ dɔw ani an balimamusɔ dɔw bɛ taa bɔ Betɛli baarakɛdaw la, u ka teli ka u yɛrɛ labila u ka finidoncogo la. O bɛnnen tɛ n’an bɛ taa o yɔrɔ suguw la. An ka fini dontaw ka kan ka kɛ misali ɲumanw ye mɔgɔw ɲɛkɔrɔ, ka u labɛn koɲuman ni saamɛ ani bonya ni danbe ye, Jehovah Ala ka baarakɛla ka kan ni min ye.​—1 Tim. 2:​9, 10.

O ko nafa ka bon kɛrɛnkɛrɛnnenya la, n’an bɛ taa bɔ Betɛli la, bawo an tagatɔ o yɔrɔw la, mɔgɔ minnu tɛ Jehowa Seerew ye, olu b’an kɔlɔsi. O mɔgɔw bɛ fɛn minnu ye, o bɛ se ka u bila ka hakilina dɔw sɔrɔ Jehowa ka jɛkulu ni a ka jamakulu kan. A ka ɲi i ka fini donta ani labɛncogo ɲuman bɛnnen ko fɔ k’a gɛlɛya Bibulu kalandenw ma, a n’a ɲɔgɔnnaw, u k’u hakili to o la. An balimaw minnu bɛ Betɛli la, olu na aw waleɲumandɔn o la.

An ka kan k’an jan to kosɛbɛ an yɛrɛ la, k’a dɔn ko an ye Krista ka cidenyabaarakɛlaw ye, walisa an yecogo kana kɛ sababu ye ka mɔgɔ dɔ labin. (2 Kɔr. 6:​3, 4) O la, tuma bɛɛ, an kɛcogo ɲuman fɛ, an ka to ka ‘an Kisibaga, Ala ka kalan masiri, ko bɛɛ la.’​—Tite 2:​10.