Ladɔnniyaliw

◼ Sɛbɛn jirata Marisikalo la: La connaissance qui mène à la vie éternelle. Cɛsiriw ka sinsi Bibulu kalanw daminɛni kan sow kɔnɔ. Awirilikalo ni Mɛkalo: La Tour de Garde ni Réveillez-vous! den kelen-kelen. Zuwɛnkalo: Le plus grand homme de tous les temps, L’humanité à la recherche de Dieu walima gafe o gafe min bɛ jɛkulu kɔnɔ, n’a ɲɛ ye 192 ye, n’o kofɔlen bɛ yan: Comment assurer votre survie et hériter d’une nouvelle terre; Écoutez le grand Enseignant; La paix et la sécurité véritables: comment est-ce possible?; Le bonheur—Comment le trouver?; “Que ton royaume vienne!”; Sécurité universelle sous le Règne du “Prince de Paix”; Unis dans le culte du seul vrai Dieu; Votre jeunesse—Comment en tirer le meilleur parti.

◼ Weleweledala minnu b’a fɛ ka kɛ tutigɛbaga farankanw ye Awirilikalo ni Mɛkalo la, u ka kan k’u labɛn kabini sisan ani k’u ka baara ɲinisɛbɛn lasegin jɔɔna. O bɛna maakɔrɔw dɛmɛ ka fɛɛrɛ bɛnnenw kɛ foro kɔnɔ baara kama ani ka sɔn-ni-sɔn gafeninw ni sɛbɛn caman wɛrɛw kɛrɛnkɛrɛn walisa u ka labɔli kɛ. Sɔn kɛra mɔgɔ minnu ma walisa ka kɛ tutigɛbaga farankanw ye, olu bɛɛ tɔgɔ ka kan ka fɔ jɛkulu ye.

◼ Lakɔlɔsibaga ɲɛmɔgɔ walima mɔgɔ wɛrɛ min sugandira a fɛ, o ka kan ka jɛkulu ka jatew bɔ Marisikalo tile fɔlɔ la walima k’o kɛ jɔɔna o don kɔfɛ. N’o kɛra tuma min na jɛkulu ka ladɔnniya o la.

◼ Mɔgɔ minnu sen bɛ Jɛkulu la, u ka kan k’u ka La Tour de Garde ni Réveillez-vous! bakurubasanni kuraw ani bakurubasanni ko kuraw sɛbɛnw bɛɛ ani u yɛrɛ taw ci jɛkulu bolo fɛ.

◼ Tɔn tɛ weleweledalaw ka sɛbɛn ɲinitaw kelen-kelen fa. Lakɔlɔsibaga ɲɛmɔgɔ ka kan ka fɛɛrɛ kɛ walisa kalo o kalo, sanni jɛkulu ka kalo sɛbɛn ɲinitaw ka ci Tɔn ma, a k’a fɔ, walisa mɔgɔ minnu bɛɛ b’a fɛ ka sɛbɛn dɔw sɔrɔ u tɔgɔ la, u ka se ka balimakɛ ladɔnniya min bɛ sɛbɛnw ko kunna. A to i hakili la sɛbɛn minnu ye sɛbɛn ɲinita kɛrɛnkɛrɛnnenw ye.