Sahalak bawa na poso na targoda tikki mangida halak na marhallet, dua bawa na mangida HP, dohot sahalak borua na lewat

SUKKUN-SUKKUN NI AKKA NA POSO

Songon dia do Carana asa Boi Au Menolak Godaan?

Didok Apostel Paulus, “Tikki naeng huulahon na sittong, sai na jahat i do na adong di au.” (Rom 7:21) Hea do dihilala ho songon na didok di ayat i? Molo hea, artikel on boi do mangurupi ho asa boi menolak godaan.

Na porlu botoonmu

Pengaruh sian dongan boi do mambahen ho lam maol menolak godaan. Didok di Bibel, “Molo mardongan hamu tu halak na so denggan, sega do pangalahomuna na denggan i.” (1 Korint 15:33) Pengaruh na so denggan sian dongan dohot sian media sosial boi do mambahen hita gabe lam maol menolak godaan. Jala boi do i tong mambahen hita gabe ‘mangihutton akka halak na mangulahon na jahat’.—2 Musa 23:2.

Pikkirhon ma on: Boasa gabe maol tatolak godaan molo sai tapikkirhon pandangan ni halak tu hita?—Poda 29:25.

“Asa lomo roha ni akka donganta tu hita, olo do gabe dohot hita mangulahon aha na diulahon nasida.”—Si Jeremy.

Intina: Unang ma ala naeng mangihutton donganmu gabe diulahon ho akka ulaon na so sesuai tu haporseaonmu.

Na boi diulahon hamu

Bahen hian ma tekad di roham. Molo dang dibahen ho hian tekad di roham, gabe sarupa ma ho songon boneka na dikendalihon halak na asing. Denggan do molo diihutton ho nasehat ni Bibel na mandok, “Uji hamu ma sasude, pastihon hamu ma dia na sittong jala toktong ma ulahon na denggan.” (1 Tessalonik 5:21) Molo diboto ho boasa dibahen ho tekad i, gabe dang mura ho targoda lao mangulahon na sala.

Pikkirhon ma on: Aha do na mambahen pos roham na bermanfaat do paretta ni Debata tu ho?

“Molo nga bertekad au jala dang mura terpengaruh, gabe diargai halak na asing do au.”—Si Kimberly.

Contoh na disurat di Bibel: Si Daniel. Ra, mulai sian remaja si Daniel, nungnga dibahen ibana “keputusan di bagasan rohana” asa toktong mangoloi paretta ni Debata.—Daniel 1:8.

Sahalak bawa na poso na adong akka tali diikkat di dagingna, hira boneka na dikendalihon halak na asing do ibana — Molo dang dibahen ho hian tekad di roham, gabe sarupa ma ho songon boneka na dikendalihon halak na asing

Boto ma aha hahuranganmu. Didok di Bibel, adong do “hisap-hisap ni akka na poso” di akka na poso. (2 Timoteus 2:22) Hisap-hisap ni akka na poso manang keinginan na didok dison dang holan taringot nafsu seksual, alai dohot do keinginan asa olo halak na asing mardongan tu ho jala hidup bebas.

Pikkirhon ma on: Didok di Bibel, “Diuji do ganup halak ala ditarik jala dijorat sakkap-sakkapna sandiri.” (Jakobus 1:14) Aha do keinginan na sala na maol ditolak ho?

“Ikkon jujur do ho tu dirim sandiri. Godaan aha do na ummaol ditolak ho? Ikkon marsiajar do ho songon dia carana manolak godaan i, dung i surat ma akka saran na naeng diingot ho. Jadi tikki adong godaan, pittor diboto ho ma songon dia carana manolak i.”—Si Sylvia.

Contoh na disurat di Bibel: Si Daud. Hea do targoda si Daud lao mangulahon na sala alani pengaruh sian halak na asing dohot sian dirina sandiri. Alai, marsiajar do ibana sian kesalahanna i jala berupaya asa muba. Didok si Daud do di tangiangna, “Lehon ma di au roha na ias, jala paimbaru ma rohakku asa togu au jongjong.”—Psalmen 51:10.

Unang ma paloas halak na asing mengendalihon ho. Didok di Bibel, “Unang ma olo ho ditaluhon na jahat.” (Rom 12:21) Maksudna disi, boi do ho mamillit lao mangulahon na denggan manang mangulahon na sala.

Pikkirhon ma on: Songon dia do carana asa unang sappe targoda ho mangulahon na sala?

“Olo do ro tu rohakku, molo gabe targoda au mangulahon na sala, gabe las do nuaeng rohakku? Ra las do rohakku, alai holan satokkin. Pasti gabe susa do au dukkon i. Jadi dang adong labana molo menyerah au!”—Si Sophia.

Contoh na disurat di Bibel: Si Paulus. Hea do didok si Paulus na adong di rohana keinginan na sala. Alai boi do dikendalihon ibana i. Didok ibana, “Hulissingi do dagingku jala hubahen do au songon hatoban.”—1 Korint 9:27.

Intina: Tikki adong godaan, ho sandiri do na mambahen keputusan songon dia carana menghadapi i.

Ingot ma, dang salelengna adong godaan. Si Melissa na marumur 20 taon mandok, “Godaan na massai borat huhilala di tikki SMA, dang borat be i huhilala saonari. Jadi aha pe godaan na masa saonari, pasti salpu do i. Di sada tikki annon, pasti mandok mauliate do au ala boi hutolak godaan na ro tu au saonari.”

Na didok akka donganmu

“Ikkon bertekad do au jala ikkon barani mangulahon na sittong. Contohna, molo nga hubahen keputusan asa unang mangulahon sada ulaon, ikkon huihutton do keputusanki jala dang olo au manguba i. Jala dang olo au terpengaruh tu hata ni halak na asing.”—Si Olivia.

“Jotjot do akka na poso ditogihon akka donganna tu acara na dibahen nasida. Di acara i, jotjot do nasida dipaksa asa dohot manginum minuman beralkohol, marnarkoba, dohot mangulahon seks na so patut. Tikki adong godaan sisongon i, hupaboa do i tu natua-tuakku. Jala hulului ma akka ulaon na bermanfaat na boi mangurupi au asa unang targoda lao mangulahon na sala.”—Si Jared.

“Sada godaan massai maol huhadapi i ma, asa unang mangulahon sada ulaon na so sala di halak na asing, alai sala molo di au. Contohna, taringot mamillit hiburan. Molo dang tabahen hian tekad di rohatta, gabe dang boi tatolak godaan i. Memang, ikkon berupaya do hita lao mangulahon i.”—Si Mayan.

“Tikki adong godaan, ikkon jujur do ho tu dirim sandiri. Misalna, tikki mangida internet, ikkon diboto ho do bagian na dia di internet i na boi mambahen ho gabe targoda mangida akka na so suman. Jala ikkon diboto ho do songon dia carana menghadapi godaan. Ikkon adong do upaya na tabahen asa unang menyerah tikki adong godaan.”—Si Julian.