Boha do Carana asa Denggan Au Mamakke Tikki?

• Boasa ikkon denggan mamakke tikki?

• Na boi diulahon hamu

• Na didok akka donganmu

Boasa ikkon denggan mamakke tikki?

• Sarupa songon hepeng, molo dang denggan tapakke tikkitta, gabe dang boi be taulahon akka na uppetting. Alai molo denggan tapakke i, gabe adong ma tikkitta dang holan lao mangulahon akka na uppetting, alai dohot do akka na tahalomohon.

  Prinsip ni Bibel: “Godang do sakkap ni roha ni halak na malas, hape dang adong na saut, alai saut do sude sakkap ni roha ni halak na ringgas.”—Poda 13:4.

  Intina: Molo taatur tikkitta, dang gabe membatasi i. Gariada, gabe lam godang ma na boi taulahon.

• Massa penting do denggan mamakke tikki molo nungnga dewasa ho annon. Misalna molo dang boi denggan dipakke ho tikkim di tempat karejo, gabe dipecat ma ho. Dang adong bos na las rohana mangida parkarejona na jotjot tarlambat.

  Prinsip ni Bibel: “Halak na boi dihaporseai di na otik, boi do dihaporseai di na godang.”—Lukas 16:10.

  Intina: Sian caram mamakke tikki, boi ma tarida halak na songon dia ho sasittongna.

Memang dang mura mangatur tikki. Parrohahon ma piga-piga tantanganna.

Tantangan #1: Dongan

“Molo diajak donganku au lao, sai olo do au. Hampir dang hea au manolak. Hape sasittongna, dang adong tikkikku. Ninna rohakku, ‘Dung sahat ma annon di jabu asa hukarejohon akka tugashi.’ Alai biasana dang denggan hasilna.”—Si Cynthia.

Tantangan #2: Dang fokus

“Godang do acara dohot film na menarik di TV. Alani i gabe dang fokus au mangulahon akka tugashu.”—Si Ivy.

“Olo do sappe marjom-jom habis tikkikku holan martablet. Sebenarna maila do au mangakkui on, jolo sappe habis pe bateraina asa so au martablet.”—Si Marie.

Tantangan #3: Jotjot menunda

“Jotjot do au menunda makkarejohon PR dohot akka tugas na uppetting. Gabe habis do tikkikku tu akka na so penting. Jotjot do pas nungnga jonok tikkina, disi ma hukarejohon tugashi. Parah hian do carakku mangatur tikki.”—Si Beth.

Na boi diulahon hamu

1. Suratton ma akka tugas na ikkon dikarejohon hamu. Contohna, boi do disurat ho akka aha ma PR dohot tugas di jabu na ikkon dipasae ho. Surat ma sadia godang tikki na biasana dipakke ho lao pasaehon akka tugas i di bagasan saminggu.

   Prinsip ni Bibel: “Asa diboto hamu dia na urrikkot.”—Pilippi 1:10.

2. Suratton ma akka na naeng diulahon ho tikki santai. Termasuk ma i mangida media sosial jala manonton TV. Asing ni i, suratton ma sadia godang tikki na biasana dipakke ho tu akka ulaon i di bagasan saminggu.

   Prinsip ni Bibel: “Sai marbisuk ma hamu . . . , jala denggan ma pakke tikkimuna.”—Kolosse 4:5.

3. Bahen ma jadwal. Pareso ma muse dua daftar na disurat ho nakkin. Adong dope tikkim lao pasaehon akka ulaon na penting? Manang ikkon diorui ho do tikki lao santai?

   Tips: Bahen ma jadwal ganup ari, jala bahen ma tanda centang tu setiap tugas naung sae dikarejohon ho.

   Prinsip ni Bibel: “Sai na saut do sakkap ni halak na ringgas.”—Poda 21:5.

4. Ihutton ma jadwal naung dibahen hamu. Sipata, ikkon ditolak ho do ajakan ni donganmu asa boi dikarejohon ho akka ulaon na uppetting. Molo diihutton ho jadwalmi, gabe lam godang ma tikkim lao santai, jala las do roham annon.

   Prinsip ni Bibel: “Ringgas ma hamu, unang malas.”—Rom 12:11.

5. Jolo pasae ma akka ulaon na uppetting, dung i pe asa santai hamu. Sahalak borua na poso na margoar si Tara mandok, “Sipata molo nungnga sae au makkarejohon dua tugas na hubahen di jadwal, ninna rohakku ma songon on, ‘Oke, manonton TV ma jo au hira-hira 15 menit, dung i pe asa lanjut au karejo.’ Alai olo do 15 menit gabe satonga jom, olo do satonga jom gabe sajom. Dang terasa nungnga dua jom au manonton TV!”

   Boha do cara mangatasi i? Ingot ma, dang ikkon sai torus ho bersantai ganup ari. Boi do ho menikmati waktu santai molo nungnga sae dikarejohon ho akka tugasmu.

   Prinsip ni Bibel: “On do na dumenggan bahenon ni jolma . . . marlas ni roha alani sude halojaonna.”—Parjamita 2:24.