SUKKUN-SUKKUN NI AKKA NA POSO
Ikkon Saut do Sude do Songon na Huharappon?
Molo
sai naeng untimbo nilaim sian akka donganmu di kelas
dang olo ho mancoba akka na baru ala mabiar gagal
didok roham hira na diserang do ho tikki dilehon halak na asing saran tu ho
on patuduhon, molo ho halak na menuntut sude ikkon songon na diharappon ho. Sala do songon i?
Sala do molo sude ikkon songon na huharappon?
Memang dang sala molo berupaya ho lao mangulahon na dumenggan. Alai bukku Perfectionism—What’s Bad About Being Too Good? mandok, “Berupaya mangulahon na dumenggan i berbeda hian do tu berupaya mandapot na dumenggan alai dang sanggup lao mangulahon i. Didok do muse di bukku i, “Gabe beban do molo taharappon ikkon sempurna sude songon na di rohatta i, alana dang adong jolma na sempurna.”
Di Bibel pe didok do, “Dang adong nanggo sahalak pe jolma di tano on na sai torus mangulahon na sittong.” (Parjamita 7:20) Ala dang sempurna hita, olo do na taulahon i dang sesuai tu na taharappon.
Maol do diterima ho kenyataan on? Molo ido, adong opat na ikkon dipikkirhon ho jala aha do pengaruhna molo sude ikkon songon na diharappon ho.
Pandanganmu tu diri sandiri. Halak na perfeksionis, i ma halak na menuntut sude ikkon songon na diharappon ibana. Halak sisongon i, sebenarna mambahen standar na massai timbo do tu dirina sandiri. Hape boi do i mambahen ibana gabe kecewa. Sahalak anak boru na margoar si Alicia mandok, “Sebenarna, dang mungkin sude na taulahon i boi sempurna. Jala molo pittor mandele hita ala dang sesuai hasilna tu na taharappon, gabe stres do hita jala dang percaya diri.”
Sikapmu tikki dinasehati. Biasana, jut do roha ni halak na perfeksionis tikki dinasehati. Sahalak bawa na poso na margoar si Jeremy mandok, “Tikki dinasehati au, hira halak na oto do au huhilala. Halak na perfeksionis dang olo mangakkui hahuranganna, hape sebenarna porlu do ibana diurupi.”
Caram menilai halak na asing. Jotjot do halak na perfeksionis mangkritik halak na asing. Si Anna na marumur 18 taon mandok, “Halak na perfeksionis berharap do asa diihutton halak na asing standar na massai timbo na dibahen ibana. Molo dang boi diihutton nasida standarna i, gabe kecewa ma ibana.”
Pandangan ni halak na asing tu ho. Molo diharappon ho halak na asing ikkon sarupa songon ho, unang ma tarsonggot ho molo dang adong na olo mardongan dohot ho! Sahalak na poso na margoar si Beth mandok, “Loja do tahilala molo torus mangihutton standar ni halak na perfeksionis. Dang adong na olo mardongan tu halak sisongon i!”
Boi do au muba?
Bibel mandok, “Patuduhon ma tu saluhut halak na masuk akkal hamu.” (Pilippi 4:5) Halak na masuk akkal dang mambahen standar na massai timbo tu dirina sandiri dohot tu halak na asing.
“Nga susa parngoluon on, jadi unang ma bahen tamba susa ngolum ala gabe halak na perfeksionis!”—Si Nyla.
Bibel mandok, “Marserep ni roha ma hamu di jolo ni Debata!” (Mika 6:8) Diboto halak na serep roha do hahuranganna. Aha na sanggup diulahon, i do na diulahon ibana. Dang olo ibana pahabisson tikki lao mangulahon na so tolap ulahononna.
“Marsiajar do au asa bersikap masuk akkal. Aha na sanggup huulahon, i ma na huulahon asa boi denggan hasilna. Huboto do hahurangakku.”—Si Hailey.
Bibel mandok, “Manang aha na boi ulahononmu, ulahon ma i sian nasa gogom.” (Parjamita 9:10) Molo dang perfeksionis sasahalak, dang berarti halak na malas ibana. Ikkon toktong do ringgas hita, alai tetap masuk akkal jala ikkon tasadari do hahurangatta.
“Berupaya do au sian nasa tolappu lao pasaehon tugashu. Huboto do dang mungkin sempurna hasilna, alai las do rohakku ala nungnga hubahen na dumenggan.”—Si Joshua.