SUKKUN-SUKKUN NI AKKA NA POSO
Boha do Carana asa Unang Marpikkiran Negatif Au?
Songon dia do ho mangida dirim?
Positif
“Sai berupaya do au asa ceria jala marlas ni roha. Bertekad do au asa tersenyum setiap ari.”—Si Valerie.
Negatif
“Molo adong akka na denggan na terjadi, biasana pittor curiga do au. Didok rohakku pasti adong do na sala.”—Si Rebecca.
Masuk Akkal
“Molo terlalu positif, gabe kecewa do au annon molo gagal rencanakku. Alai molo terlalu negatif, pasti torus do lungun rohakku. Tumagon ma menerima kenyataan. Molo songon i cara marpikkirta, artina halak na masuk akkal do hita.”—Si Anna.
Boasa penting asa unang marpikkiran negatif hamu?
Didok di Bibel, “Halak na marlas ni roha, torus do songon halak na marpesta.” (Poda 15:15) Artina, umlas do roha ni halak na torus marpikkiran positif. Biasana halak sisongon i godang do donganna. Alana pasti dang adong na olo mardongan tu halak na torus marpikkiran negatif.
Alai nang pe halak na marpikkiran positif ho, boi dope masa akka na so denggan. Misalna:
Dibege ho barita taringot porang, teroris, manang hajahaton.
Adong masalah di keluargam.
Hea dibahen ho na sala, manang ikkon berjuang ho mangatasi hagaleonmu.
Haccit roham dibahen donganmu.
Unang ma lari sian masalah, alai unang ma sai torus dipikkiri ho i. Ikkon masuk akkal do ho. Hasilna, gabe boi ma diterima ho kenyataan, dang marpikkiran negatif, jala dang mandele.
Boi do dihadapi ho masalah na masa di ngolum. Ingot ma, manang aha pe sitaonon na masa, pasti salpu do i
Na boi diulahon hamu
Unang ma paksa dirim ikkon gabe sempurna.
Didok di Bibel, “Dang adong nanggo sahalak pe jolma di tano on na sai torus mangulahon na sittong, jala dang adong na so hea mangulahon dosa.” (Parjamita 7:20) Wajar do molo hea diulahon ho na sala jala adong hahuranganmu. Dang berarti halak na gagal ho.
Carana: Berupaya ma mengatasi hagaleonmu, alai unang ma paksa dirim ikkon gabe sempurna. Sahalak doli-doli na margoar si Caleb mandok, “Molo holan hahurangakku na sai torus hupikkiri, gabe metmet ma rohakku. Alani i, marsiajar do au sian hasalaakku jala berupaya do au asa unang huulangi be i.”
Unang ma banding-bandingkon dirim tu na asing.
Didok di Bibel, “Tapasiding ma ginjang ni roha, dang olo talu, dohot masilatean.” (Galatia 5:26) Misalna tikki mangida media sosial, olo do jut roham ala dang diundang akka donganmu ho tu acara ramah tamah. Gabe kecewa do ho, jala didok roham dang parduli be akka donganmi tu ho.
Carana: Terima ma kenyataan, alana dang ikkon diundang ho tu sude acara ramah tamah. Asing ni i, holan akka na menarik do na diposting halak di media sosial. Sahalak remaja na margoar si Alexis mandok, “Holan poto na undenggan do na diposting akka halak. Molo na biasa-biasa pasti dang diposting nasida.”
Unang ma bahen gabe tamba balga masalahmu, tarlumobi di keluargam.
Didok di Bibel, “Molo boi dope, bahen hamu ma sian nasa tolapmuna lao mardame tu sude halak.” (Rom 12:18) Dang boi dikendalihon ho tindakan ni halak na asing. Alai boi do dikendalihon ho caram menghadapi masalah.
Carana: Tikki adong masalah di keluargam, unang ma bahen gabe tamba balga masalah i. Songon i ma tong bahen tikki adong masalah dohot donganmu. Sahalak remaja na margoar si Melinda mandok, “Dang adong jolma na sempurna. Pasti hea do tabahen jut roha ni halak na asing. Alai boi do hita mamillit naeng gabe siboan dame manang na dang.”
Argai ma akka na adong di ho.
Didok di Bibel, “Toktong ma hamu mandok mauliate.” (Kolosse 3:15) Molo diargai ho akka na adong di ho, gabe diboto ho ma unggodang do akka na denggan di ngolum sian akka na so denggan.
Carana: Hadapi ma masalahmu, alai unang ma gabe lupa ho tu akka na denggan na adong di ngolum. Sahalak anak boru na margoar si Rebecca mandok, “Ganup ari, husurat do sada hal na denggan di ngolukku. Naeng torus do huingot nang pe adong masalahku, godang dope akka na denggan na ikkon huargai.”
Manat ma mamillit dongan.
Didok di Bibel, “Molo mardongan hamu tu halak na so denggan, sega do pangalahomuna na denggan i.” (1 Korint 15:33) Molo mardongan ho tu halak na sai mengkritik halak na asing, marungut-ungut, jala marpikkiran negatif, lam leleng gabe sarupa ma sifatmu songon nasida.
Carana: Olo do gabe marpikkiran negatif donganmu ala adong masalah ni nasida. Boi do ho mangurupi nasida, alai unang ma gabe dohot ho marpikkiran negatif alani masalahna i. Sahalak anak boru na margoar si Michelle mandok, “Unang ma holan mardongan tu halak na marpikkiran negatif. Di pelajaran matematika, molo dua bilangan negatif ditamba, gabe lam negatif do jumlahna, dang mungkin gabe bilangan positif.”
Lului ma muse
Dipaboa do di Bibel, na mangolu di “tikki hasusaan” do hita saonari. (2 Timoteus 3:1) Godang do akka na so denggan na masa di portibi on. Boi do ho tetap marpikkiran positif? Jaha ma “Boi do Salpu Hasusaatta?”