SUKKUN-SUKKUN NI AKKA NA POSO
Holan Mardongan Manang Marhallet?—Bagian 1: Tutu do Lomo Rohana tu Au?
Lomo do roham tu ibana, jala didok roham pasti lomo do tong rohana tu ho. Alana nga jotjot hamu na dua mar-SMS. Molo adong acara, sai rap do hamu . . . , jala akka na romantis do isi ni SMS na dikirim ibana.
Jadi naeng diboto ho ma songon dia status ni hubunganmuna. Naeng dipastihon ho do lomo rohana tu ho manang na dang. Hape tikki disukkun ho ibana didok ma, “Holan mardongan do hita.”
Boha do perasaanmu
“Muruk do au tu ibana dohot tu dirikku sandiri! Ganup ari do hami mar-SMS, jala perhatian do ibana tu au. Wajar do kan gabe lomo rohakku tu ibana?”—Si Jasmine.
“Hea do au dohot ibana mandongani dongannami na marhallet. Sipata didok rohakku, hira na dohot do tong hami na dua marhallet. Jotjot do hami makkata-hatai, dung i gabe jotjot ma hami mar-SMS. Hancur do perasaanku tikki didok ibana holan mardongan do hami. Jala nungnga adong hape halletna saleleng on.”—Si Richard.
“Adong do bawa na makkirim SMS tu au ganup ari. Jala sipata romantis do isi ni SMS-nami. Alai tikki hupaboa perasaanku tu ibana, mekkel do ibana jala didok ma, ‘Saonari dang adong keinginanku lao marhallet tu manang ise pe!’ Sai tangis do au dung mambege i.”—Si Tamara.
Intina: Didok roham rap marlomo ni roha do hamu na dua, hape dang adong perasaanna tu ho. Tikki masa songon i, wajar do molo muruk ho, maila, jala merasa dihianati. Sahalak bawa na poso na margoar si Steven mandok, “Tikki masa i, lungun hian do rohakku jala haccit rohakku. Sanga do au maol porsea tu halak na asing alani kejadian i.”
Boasa boi masa songon i
SMS dohot media sosial boi mambahen hita gabe hatop marlomo ni roha tu sasahalak, hape sasittongna dang adong perasaanna tu ho. Parrohahon ma na didok akka na poso on.
“Adong do ra na lagi bosan, gabe di-SMS ma ho. Alai dirippu ho na lomo rohana tu ho. Ala di-SMS ibana ho ganup ari, gabe salah paham ma ho. Didok roham, halak na istimewa do ho di ibana.”—Si Jennifer.
“Na sada lomo rohana marhallet. Hape na sada nai holan asa adong do donganna makkatai, jala asa unang merasa kesepian ibana.”—Si James.
“SMS na sederhana nang pe holan mandok, ‘selamat tidur ya’ boi do dianggap pesan na romantis. Hape olo do ra holan basa-basi do i.”—Si Hailey.
“Molo dikirim sasahalak tu ho SMS na adong gambar senyumna, boi do ra artina halak na sopan ibana manang na lomo rohana tu ho. Alai olo do pittor dibahen ho kesimpulan na lomo rohana tu ho.”—Si Alicia.
Intina: Molo adong na perhatian tu ho, unang pittor mambahen kesimpulan.
Memang, dang sai mura mangulahon on. Didok di Bibel, “Massai akkal situtu do roha i, jala dang adong na songon i, sai naeng lomona do pasautonna.” (Jeremia 17:9) Alai manat ma asa unang pittor didok roham na lomo rohana tu ho. Molo pittor dibahen ho kesimpulan sisongon i, gabe hancur ma annon perasaanmu alana holan angan-anganmu do i.
Na boi diulahon ho
Unang ma terbawa perasaan. Pikkirhon ma muse hubunganmuna. Sukkun ma tu dirim, ‘Memang adong do bukti na jelas, na lebih istimewa pambahenanna tu au sian tu na asing?’ Unang ma gabe dang boi ho denggan marpikkir ala terbawa perasaan.—Rom 12:1.
Pikkirhon ma. Sukkun ma muse tu dirim, ‘Adong do bukti na mambahen au ragu na lomo rohana tu au?’ Unang ma pittor dibahen ho kesimpulan, molo lomo roham tu sasahalak na lomo roha do tong rohana tu ho.
Unang ma buru-buru. Molo dang dipaboa ibana dope na lomo rohana marhallet dohot ho, unang ma terlalu berharap ho asa unang haccit roham.
Sukkun ma tu ibana. Didok di Bibel, “Adong do tikkina makkatai.” (Parjamita 3:7) Molo naeng diboto ho atik na tutu do istimewa ho di ibana, sukkun ma tu ibana. Sahalak anak boru na margoar si Valerie mandok, “Molo alusna daong, tumagon ma lungun roham saonari sian apala nga leleng dipaima ho hape dang lomo rohana tu ho.”
Intina: Poda 4:23 mandok, “Jaga ma roham.” Molo lomo roham tu sasahalak, pastihon ma na lomo do tong rohana tu ho manang na dang. Molo nga terbawa perasaan ho hape dang adong bukti na jelas, sarupa ma i songon manuan boni di atas ni batu.
Molo tutu do lomo rohana tu ho, nungnga dewasa ho, jala nga siap lao marhallet, di ho do keputusanna naeng dilanjutton do hubungan i manang na dang. Ingot ma, boi do perkawinan gabe togu molo suami dohot istri jujur, denggan berkomunikasi, jala berupaya meraih cita-cita rohani na sarupa. (1 Korint 7:39) Sasittongna, sebelum menikah sahalak bawa dohot borua, di mulana bersahabat do nasida. Jala dung menikah pe, lao torus do nasida bersahabat.—Poda 5:18.