SUKKUN-SUKKUN NI AKKA NA POSO
Holan Mardongan Manang Marhallet?—Bagian 2: Songon dia do Sikaphu tu Lawan Jenis?
Tikki adong donganmu na naeng cerita, sai rade do ho manangihon ibana. Baru-baru on, jotjot do ho makkatai dohot sahalak donganmu. Alai masalahna, lawan jenismu do ibana. Didok roham, ‘Holan mardongan do hami, jala ibana pe pasti songon i do tong perasaanna tu au.’ Alai tutu do songon i?
Na boi masa
Dang sala molo adong piga-piga donganmu na lawan jenis. Alai boha do molo gabe akrab hian ho tu sada sian nasida? Molo songon i na masa, olo do ra dirippu donganmi na lomo roham marhallet dohot ibana.
Alai memang i do na dihalomohon roham? Molo dang, pikkirhon ma jo boasa boi gabe sala paham ibana.
Perhatian hian do ho tu ibana.
“Memang dang boi dikendalihon ho perasaan ni sasahalak. Alai unang ma bahen gabe sala paham donganmi. Didokkon ho tu ibana holan mardongan do hamu, hape jotjot do hamu martelepon manang makkata-hatai. Molo songon i na diulahon ho, sarupa ma i songon na maniram bensin tu api.”—Si Sierra.
Sai dijalo ho perhatianna.
“Memang dang au na parjolo makkirim pesan. Alai adong ma sahalak anak boru na makkirim pesan tu au, jala sai hubalos do pesanna i. Mulai sian i, gabe maol ma au paboahon tu ibana na holan mardongan do hami.”—Si Richard.
Sai tebar pesona do ho.
“Adong do halak na lomo rohana tebar pesona, hape dang serius ibana lao marhallet. Molo dibahen songon i, na diparmeam-meam ibana do perasaan ni halak. Nga jotjot huida masa sisongon i, jala pasti adong do halak na haccit rohana.”—Si Tamara.
Intina: Molo torus ho makkata-hatai jala mangalehon perhatian tu sasahalak, olo do didok rohana na lomo roham tu ibana.
Boasa boi masa songon i
Gabe haccit do roha ni halak dibahen hamu.
Na didok Bibel: “Pahaccitton roha do molo sundat na dipaima-ima roha.” (Poda 13:12) Molo torus do dapotmu perhatian istimewa sian sasahalak, aha do na pasti diharappon ho sian ibana?
“Adong do halak na mandok, ‘Harapan palsu do na hudapot.’ Sarupa ma i songon dekke naung dipancing, alai dang ditakkup ho dekke i jala dang dipalua ho. Songon i do tong taringot hubungan. Molo dang adong keinginanmu lao marhallet alai sai dilehon ho ‘harapan palsu’ tu sasahalak, gabe haccit hian ma rohana.”—Si Jessica.
Gabe sega ma reputasimu.
Na didok Bibel: “Unang ma holan mamparrohahon na porlu di hamu, alai parrohahon ma na porlu di na asing.” (Pilippi 2:4) Boha do perasaanmu molo adong halak na holan mamikkiri dirina sandiri? Denggan do reputasina?
“Dang lomo rohakku mangida bawa na lomo rohana tebar pesona. Halak na jotjot tebar pesona biasana dang setia dung menikah. Halak na egois do ibana, alana dimanfaatton nasida do halak na asing asa tarida halak na jago ibana.”—Si Julia.
Intina: Halak na lomo rohana tebar pesona alai dang adong keinginan naeng marhallet, gabe mambahen haccit roha ni halak na asing do i dohot tu dirina sandiri.
Na boi diulahon ho
Didok di Bibel, “Tu akka bawa na poso bahen ma nasida songon haha anggim. . . . Tu akka borua na poso bahen ma nasida songon ibotom, jala dang marsakkap na asing-asing.” (1 Timoteus 5:1, 2) Molo dioloi ho paretta on, gabe denggan ma hubunganmuna dohot lawan jenis.
“Molo nungnga menikah au annon, dang olo au menggoda suami ni halak. Jadi sian saonari manat do au tikki bergaul dohot lawan jenis.”—Si Leah.
Didok di Bibel, “Molo pagodanghu hata, pasti do adong na sala.” (Poda 10:19) Marlakku do prinsip on tikki makkata-hatai jala tikki makkirim pesan. Pikkirhon ma aha na naeng dihatai hamu jala sadia jotjot hamu makkirim pesan.
“Molo dang adong keinginanmu lao marhallet dohot sasahalak, unang ma di-SMS ho ibana ganup ari.”—Si Brian.
Bibel mandok, “Na parjolo sian sudena i, bisuk na sian ginjang i mambahen sasahalak marroha na ias.” (Jakobus 3:17) Tikki dihaol ho lawan jenis, ra dang marsakkap na asing-asing ho. Alai boi do gabe dirippu ibana na lomo roham tu ibana.
“Tikki makkata-hatai dohot lawan jenis, berupaya do au asa tetap ramah. Alai hubahen do batasan jala tetap jaga jarak tikki makkatai.”—Si Maria.
Intina: Tikki bergaul dohot lawan jenis, manat ma parrohahon pangalahom. Sahalak anak boru na margoar si Jennifer mandok, “Dang mura mangalului dongan na kompak tu hita. Alani i unang ma bahen donganmi gabe bingung alani sikapmu, alana boi do i mambahen gabe sega hubunganmuna.”
Tips
Tangihon ma na didok halak na asing. Molo adong na manukkun, “Na marhallet do ho dohot ibana?”, berarti menurut nasida naung jonok hian do ho tu donganmi.
Bahen ma sikap na sarupa tu akka donganmu na lawan jenis. Unang ma pagodangku dilehon ho perhatian holan tu sahalak lawan jenis.
Manat ma tikki makkirim pesan. Pikkirhon ma sadia jotjot hamu na dua makkirim pesan, aha na dihatai hamu, jala jam piga hamu makkirim pesan i. Sahalak anak boru na margoar si Alyssa mandok, “Unang ma makkirim pesan tu lawan jenis molo nungnga borngin hian.”