SUKKUN-SUKKUN NI AKKA NA POSO
Aha do Bahayana Menggoda Lawan Jenis?
Aha do maksudna menggoda lawan jenis?
Biasana molo lomo rohatta tu sasahalak, tapatudu do i sian hata manang tindakanta. Sala do songon i? Daong. Sahalak na poso na margoar si Ann mandok, “Molo nga siap ho marhallet jala adong na lomo roham, sipata ikkon dipatudu ho do sian tindakan manang sian hata na lomo roham tu ibana. Alana marhite cara sisongon i, boi ma diboto ho na lomo do tong rohana tu ho manang na dang.”
Alai na lao tabahas di artikel on, i ma taringot akka halak na menggoda lawan jenis na tujuanna holan naeng marmeam-meam. Dukkon i, tabahas ma muse aha bahayana.
“Dang sala molo dilehon ho perhatian na spesial tu sasahalak molo memang adong tujuanmu naeng marhallet dohot ibana. Alai molo dibahen ho do ibana gabe marpikkir na lomo roham tu ibana hape tujuanmu dang serius, sala do ho disi. Boi do gabe haccit rohana tu ho.”—Si Deanna.
Boasa adong halak na lomo rohana mangulahon i?
Adong pe na mangulahon i asa lam percaya diri do ibana. Sahalak na poso na margoar si Hailey mandok, “Tikki marhasil hita menggoda sasahalak, gabe naeng torus do i taulahon.”
Alai sala do molo sengaja ho mambahen sasahalak gabe marpikkir na lomo roham tu ibana, hape tujuanmu dang serius. On patuduhon, dang halak na marbisuk ho jala dang parduli tu perasaan ni halak na asing. Bibel mandok, “Las do roha ni halak na oto di haotoonna.”—Poda 15:21.
Si Hailey nakkin mandok, “Di mulana halak na menggoda lawan jenis i holan naeng marmeam-meam do tujuanna. Alai ujungna boi do i gabe parohon haccit ni roha.”
Aha do bahayana?
Gabe sega do reputasim.
“Molo jotjot sasahalak menggoda lawan jenis, gabe didok do ibana halak na so percaya diri jala dang dewasa. Gabe tarippu do na asing-asing sakkapna tikki manjonoki hita jala dang tulus.”—Si Jeremy.
Bibel mandok, “Halak na marholong ni roha i . . . dang holan dirina sandiri na dipikkirhon.”—1 Korint 13:4, 5.
Pikkirhon ma: Akka aha do hata manang tindakan na boi mambahen halak na asing gabe marpikkir na lomo roham menggoda?
Gabe haccit do roha ni halak na digoda ho molo dang serius tujuanmu.
“Dang nyaman huhilala molo pajuppang dohot halak na lomo rohana menggoda. Gabe didok rohakku do, olo pe ibana makkatai tu au holan ala borua do au. Sebenarna dang na tutu parduli ibana tu au, holan naeng patuduhon halak na jago do ibana.”—Si Jaqueline.
Bibel mandok, “Ikkon dipikkirhon ganup halak do aha na penting di halak na asing, unang ma holan na penting di dirina sandiri na dipikkirhon.”—1 Korint 10:24.
Pikkirhon ma: Hea do adong halak na mambahen ho gabe marpikkir na lomo rohana tu ho, hape sebenarna daong? Molo hea, boha do perasaanmu? Aha ma na porlu diulahon ho asa unang dibahen ho muse songon i tu halak asing?
Gabe maol do dapotmu pasangan na burju molo jotjot ho menggoda.
“Dang olo au marhallet tu halak na lomo rohana menggoda, apalagi ma menikah. Molo tutu lomo rohana tu au, boi do au porsea tu ibana? Alana dang boi huboto halak na songon dia ibana sasittongna.”—Si Olivia.
Dipaboa do di Bibel songon dia perasaan ni si Daud tu halak sisongon i. Didok, “Hupadao do dirikku sian halak na munafik.”—Psalmen 26:4.
Pikkirhon ma: Biasana, halak na songon dia do na lomo rohana tu halak na jotjot menggoda lawan jenis? Molo lomo roham menggoda lawan jenis, halak sisongon i ma annon na lomo rohana tu ho.