Aha do na Didok Bibel Taringot Halak na Menikah tu na Berbeda Sukuna?
Na didok Bibel
Las do roha ni Debata mangida halak na menikah tu na berbeda sukuna. Alana sarupa do sude bangso, suku, dohot marga di jolo ni Debata. Bibel mandok, ‘Na so marimbar do jolma di jolo ni Debata. Lomo do roha ni Debata mangida ganup halak na makkabiari Ibana . . . , dang soal sian bangso na dia pe nasida’.—Kisah 10:34, 35.
Parrohahon ma akka prinsip ni Bibel na asing na adong kaitanna tusi.
Sian sada jolma do dibahen Debata sude bangso
Pinoppar ni si Adam dohot si Hawa do sude jolma. Si Adam, i ma jolma na parjolo jala istrina si Hawa “omak ni sude jolma na mangolu”. (1 Musa 3:20) Didok di Bibel, “Sian sada jolma do dibahen [Debata] sude bangso.” (Ulaon ni Apostel 17:26) Alani i, sada keluarga do sude jolma, dang soal aha suku ni nasida. Alai songon dia do molo jotjot akka halak di daerahmuna mambeda-bedahon suku dohot status sosial?
Marbisuk do halak “na jolo marpanukkun”
Memang, las do roha ni Debata mangida halak na menikah tu na berbeda sukuna. Alai sipata dang sarupa cara pandang ni piga-piga halak tu cara pandang ni Debata. (Jesaya 55:8, 9) Jadi molo adong rencanamuna naeng menikah tu sasahalak na berbeda sukuna, rap ma hamu mambahas sukkun-sukkun on:
Boha do caramuna annon mangatasi tekanan sian akka halak di daerahmuna manang sian keluarga?
Boha do caramuna annon mangurupi gellengmuna molo sada tikki diejek ibana ala berbeda?
Molo dibahas hamu sukkun-sukkun sisongon i, hilalaonmuna ma las ni roha di pernikahanmuna.—Poda 13:10, surat na di toru; 21:5.