Boi do Halak Kristen Mamakke Alat Kontrasepsi?

Na didok Bibel

Dang hea diparettahon Jesus akka siseanna asa marianakkon manang na dang. Akka apostel pe dang hea mangalehon petunjuk taringot i. Jala dang adong ayat ni Bibel na mangorai program KB. Taringot on, marlakku do prinsip na adong di Rom 14:12, “Ganup do hita ikkon mampartanggung jawabhon parniulaotta di jolo ni Debata.”

Alani i akka pasangan suami istri do na mamillit lao marianakkon manang na dang. Nasida do tong na manottuhon sadia godang gelleng ni nasida jala andigan nasida naeng margelleng. Jadi molo adong pasangan suami istri na mamillit lao mamakke alat kontrasepsi, keputusan dohot tanggung jawab ni nasida sandiri do i, asal ma dang na manggugurhon kandungan. Alani i dang adong sasahalak pe na boi manguhumi nasida.—Rom 14:4, 10-13.