Aha do na Ikkon Huulahon Molo Dang Dipaloas Natua-tuakku Au Mamakke Media Sosial?

Ra, sude do donganmu mamakke media sosial, jala i do na jotjot dihatai nasida. Hape dang adong media sosialmu. Alani i, olo do ra gabe direhei nasida ho. Molo songon i na masa, aha ma na ikkon ulahononmu? Di artikel on dibahas ma aha na porlu botoonmu jala aha na boi ulahononmu.

Na porlu diboto hamu

Dang holan sahalakmu. Godang do natua-tua na so paloasson ianakkonna mamakke media sosial. Ra diboto nasida do, molo halak na mamakke media sosial i boi do gabe:

• depresi manang gabe marsahit mental na asing.

• ummura mangida pornografi, mangirim manang mandapot pesan na so suman, manang gabe di bully di media sosial.

• marsoal dohot donganna.

Godang do akka na poso na so olo be mamakke media sosial. Disadari nasida ma, unggodang do rugina mamakke media sosial sian apala manfaatna. Parrohahon ma aha na dihilala piga-piga na poso on:

• Dihilala si Priscilla ma, godang do habis tikki dibahen media sosial. Hape sebenarna boi do i dipakke tu akka hal na bermanfaat.

• Dang lomo roha ni si Jeremy mamakke media sosial ala dang boi dikendalihon ibana aha na muncul di media sosialna.

• Didok roha ni si Bethany, mamakke media sosial boi do mambahen ibana gabe sai mamikkirhon akka aha na diulahon halak na asing.

“Las hian do rohakku ala nungnga huhapus media sosial di HP-ku. Jala dang gabe masalah i huhilala. Gariada gabe godang do tikkiku mangulahon akka na uppetting.”—Si Sierra.

“Sanga do au kecanduan mamakke media sosial. Jala sipata, khawatir do au tu tanggapan ni akka halak tikki diida nasida postinganku di media sosial. Makana gabe huhapus ma media sosialhu. Memang dang mura mangulahon i. Alai dung huhapus i, gabe lubbang do perasaanku. Jala gabe tenang do huhilala saonari.”—Si Kate.

Na boi diulahon hamu

Ihutton ma aturan na dibahen natua-tuam. Ihutton ma aturan na dibahen nasida. Unang ma muruk hamu manang gabe marsak. Molo diulahon hamu i, gabe boi ma dipatudu hamu tu nasida naung dewasa hamu.

Na didok Bibel: “Dang boi dirajai halak na oto dirina tikki muruk, alai anggo halak na marbisuk, hohom do jala boi dirajai dirina.”—Poda 29:11.

Olo do ra didok donganmu asa sip-sip ho mamakke media sosial, manang mambahen goar samaran. Alai molo sip-sip ho mamakke media sosial, boi do i mambahen ho gabe khawatir jala merasa bersalah. Jala molo tarboto i tu natua-tuam, gabe maol ma nasida porsea tu ho.

Na didok Bibel: “Lomo do rohanami asa jujur di saluhutna.”—Heber 13:18.

Bahen ma keputusan. Songon akka na poso na dipaboa sebelumna, ra nga diboto hamu be aha alasanna boasa dang denggan mamakke media sosial. Molo nga diboto hamu na boi do media sosial i mambahen pengaruh na so denggan, unang be pakke i. Bahen ma keputusanmu sandiri, dang ala na disuru natua-tuamuna. Jadi molo disukkun akka donganmu boasa dang dipakke ho media sosial, gabe dang maila be ho lao mangalusi nasida. Jala ra, dang direhei nasida be ho.

Kesimpulanna: Ihutton ma peraturan na dibahen natua-tuam, jala papos ma roham molo aturan na dibahen natua-tuam taringot media sosial bermanfaat do i tu ho.